Loo gə́ killa rea kəm Daniel’g 6:4 - Maktub gə́ To gə Kəmee

⁴ Daniel lé ur dɔ dee-deḛ mbaije’g neelé gə njékaa dɔ dəb ɓeeko̰je lé to mbata takə̰ji kəmkàr gə́ doŋgɔ to mée’g. Bèe ɓa mbai wɔji mba kɔree ne kundá gə́ dəw dɔ ɓeeko̰ bura.

Loo gə́ killa rea kəm Daniel’g 6:4 ပူးပေါင်းရင်းမြစ်များ

Gḭ-Néje 41:38

Parao̰ dəji kuraje ləa pana: See j’a kiŋga gar dəw gə́ togə́bè gə́ ndil Ala to mée’g to gə́ yeḛ neelé bèe ya wa.

Gḭ-Néje 43:18

Loo gə́ yeḛ ɔr no̰ dee aw sə dee kəi lə Jisəb lé ndá deḛ ɓəl meḛ dee’g pana: To mbata lar gə́ tel d’ɔm mee ɓɔlje’g lə sí kédé lé ɓa deḛ d’aw ne sə sí gə mbəa. Ree sə sí gə mba kɔm na̰ dɔ sí’g ləm, gə mba buŋga na̰ dɔ sí’g ləm tɔ. To gə mba kwa sí gə́ ɓərje ləm, gə mba taa mulayḛ̀je-je lə sí ləm tɔ.

Gosota-Kəmkàrje 29:27

Dəw gə́ njera nékori-kori lé To né gə́ mina̰ kəm njémeekarabasurje’g ləm, Yeḛ gə́ rəw-kabee to danasur lé To né gə́ mina̰ kəm njémeeyèrje’g ləm tɔ.

Njekillamber 4:4

Ma m’oo to gə́ kula gə́ rara gə goso kula gə́ rara lé Ar kəm njeboatakəi lə debee neelé əḭ dəa’g. Yee nee kara to né gə́ gə mḭdé ba ya ləm To gə́ ŋgwɔd gə́ kaḭ goo lel’g ləm tɔ.

Jeremi 18:18

Yen ŋga deḛ pana: Gə́ reeje ar sí j’o̰je njuma̰ Jeremi! Mbata lé njékinjanéməsje godo ya kara godndu lé a kudu el ləm, lé njékwɔji ta kəmkàrje godo kara ta kəmkàr a kudu el ləma, lé njéteggintaje godo kara tegginta a kudu el ya ləm tɔ. Bèe ndá gə́ reeje ar sí n’rɔje səa gə ta gə́ ta sí’g ɓó ar sí n’taaje tapeaje el.

Jeremi 18:23

Nɛ i Njesigənea̰ lé I gər né gə́ d’wɔji gə mba ra səm Kam m’wəi ne lé gao ya. Ar məəi oso lemsé dɔ néra Kori-korije’g lə dee el ləm, Ɔr kaiya lə dee gə́ to nɔḭ’g lé el ləm tɔ! Unda dee naŋg rə̰dəŋ-rə̰dəŋ nɔḭ’g Ra né ḭ ne sə dee mee ndɔ oŋg’d ləi lé.

Jeremi 20:10

Mbata m’oo ta lə dəwje bula Gə́ pata gə́ majel dɔm’g ləm, Ɓəl-boo aḭ dɔm sub ləm tɔ. Deḛ pana: Maji kar sí j’ilaje ta dəa’g Ndá j’a kilaje ta dəa’g ya. Deḛ lai gə́ m’isi sə dee lɔm kara Tənəm gə mba koo see M’a kunda ndolé wa. Deḛ pana: Banelə d’a kiŋga ta tam’g, Yen ɓa d’a dum ne dɔm ləm, D’a dal ne ba̰ dɔm’g ləm tɔ!

Jeremi 29:7

Saŋje maji lə ɓee-boo gə́ n’aw sə sí gə́ ɓər keneŋ ləm, raje tamaji ta Njesigənea̰’g mbata ləa ləm tɔ mbata mbɔl dɔ si maji lə ɓee-boo neelé ɓa seḭ kara a síje ne gə́ majee tɔ.

Loo gə́ killa rea kəm Daniel’g 3:8

Goo néje neelé gə́ teḛ mee ndəaje gən lé Kaldeje gə́ na̰je ree d’un dɔ Judaje.

Loo gə́ killa rea kəm Daniel’g 5:12

Mbata debee nee gə́ ria lə Daniel lé ɓa mbai unda ria lə Belsasar ndá d’iŋga takə̰ji kəmkàr gə́ doŋgɔ ləm, gə gosɔkəmkàr ləm, gə gosonégər ləm, gə goso riba dɔ ni ləm, gə goso riba dɔ ndá taje ləma, gə goso riba dɔ taje gə́ kədərə gə́ to loo-kiya’g ləm tɔ lé rəa’g. Bèe ndá maji kar dee ɓar Daniel ɓa yeḛ a kɔr gel né neelé kari ya.

Loo gə́ killa rea kəm Daniel’g 6:22

Daniel ila mbai’g lé pana: Ǝi mbai, maji kari si gə ləbi-ləbi gə nɔḭ ya!

Matiyo 26:4

Deḛ d’ula njuma̰ meḛ na̰’d saŋg goso kwa Jeju karee udu bo̰.

Matiyo 27:18

Mbata yeḛ gər gao, kəmkəḭ ɓa d’ila ne Jeju jia’g.

Lugu 20:20

Deḛ d’unda kəm dee goo Jeju’g lér-lér, d’ula dəwje rəa’g gə mba kar dee su kəmee asəna gə njémeekarabasurje bèe, ra ne goso ɓó gə koo ne ta gə́ gəd təa’g mba kubá ne kwá kulá ne ji mbai dɔ njégaŋ-rəwtaje’g ləm, gə njeguburuɓee’g ləm tɔ.

Lugu 20:26

Deḛ d’oo ta kára kara gə mba kḭ ne səa no̰ koso-dəwje’g neelé el, nɛ ta gə́ yeḛ ila dee keneŋ lé ar kaar dee wa dee paḭ ar dee d’isi ne gə ta dee mundu guu.

Lugu 22:2

Mbai dɔ njékinjanéməsje-je gə njéndaji-maktubje saŋg goso né gə mba tɔl ne Jeju, mbata deḛ ɓəl kəm dəwje.

Tagə́maji gə́ Ja̰ ndang 19:4

Tɔɓəi Pilatə tel unda loo teḛ aw ula Jibje pana: Aa ooje, ma m’ree səa rɔ sí’g raga nee mba kar sí gərje gao to gə́ ma m’oo ta kára kara gə́ wa dəa el.

2 Njé gə́ Kɔrḭtə 11:12

Nɛ né gə́ m’ra lé m’a ra kəm gə́ kédé ya ɓəi mba kɔg ne deḛ gə́ saŋg loo mba tɔi rɔ dee lé mba kar néje gə́ deḛ ti ne rɔ dee dɔ’g lé a to asəna gə ka̰ síjeḛ bèe tɔ.

Njé gə́ Pilibə 2:15

Togə́bè ɓa seḭ a sije gə ta kára kara dɔ sí’g el ləm, meḛ sí a kila ɓal el ləm tɔ. Yee ɓa seḭ a toje ŋgan-Alaje gə́ njémeekarabasurje mbuna ginkoji dəwje gə́ to njékaw kori-korije gə njéndɔji pɔdɔdɔje ləm, seḭ a ndoḭje dan dee’g asəna gə pərŋgel gə́ ndogó loondul’g ləma,

1 Timote 5:14

Bèe ndá njékəisiŋgaje gə́ nai ma̰də ɓəi lé ma m’ndigi kar dee taa ŋgaw koji ne ŋganje ləm, kar dee d’oo goo loo gə́ mee kəije’g lə dee ləm tɔ, mba kar njeba̰ lé oo ne loo kila ne ta dɔ sí’g el.

Titə 2:8

to kankəmta gə́ loo-maḭyee godo ləm tɔ. Bèe ɓa njeba̰ lə sí a si ne gu mbata yeḛ a koo loo mba kila ta né gə́ yèr kára kara dɔ sí’g el.

1 Piɛrə 2:12

Njaaje gə́ majee dan njépole-magəje’g mba kar deḛ gə́ d’oo sí gə́ njéra majelje d’im sí ne lé ndá d’a koo néra maji lə sí ɓa d’a kula ne rɔnduba dɔ Ala’g mee ndəa gə́ yeḛ a teḛ dɔ sí’g ɓəi.

1 Piɛrə 3:16

Raje néje lai gə́ a kar meḛ sí oso naŋg lemsé gə́ majee dɔ rɔ sí’g mba kar deḛ gə́ səg sí, taji sí dɔ néra gə́ maji gə́ seḭ raje gin Kristi’g lé rɔ dee a kul ne.

Njéga̰g-Rəwtaje 14:4

Bɔbeeje gə kea̰je gər to gə́ né neelé ḭ rɔ Njesigənea̰’g el: mbata Samso̰ saŋg loo mba ra ta gə Pilistije gə́ ra ya. Mbata mee ndəaje gən lé Pilistije ɓa d’o̰ ɓee dɔ Israɛlje’g.

1 Samel 12:4

Deḛ d’ilá keneŋ pana: I ula kəm sí ndòo el ləm, i ra sə sí né gə́ kədərə el ləma, i taa né ji dəw’g kára kara el ləm tɔ.

1 Samel 18:14

Yeḛ teḛkɔr dɔ kula reaje’g lai mbata Njesigənea̰ nai səa ya.

1 Samel 22:14

Ahimelek tel ila mbai’g pana: See na̰ ɓa mbuna kuraje’g ləi gə́ kəm kwɔji ne njekila ŋgonkoji to gə́ Dabid, yeḛ gə́ to məəm mbaije ləm, gə njera tornduije karee ɔr rɔd ləma, gə gə́ d’ila riɓar dəa’g mee kəi’g ləi ləm tɔ wa.