Loo gə́ killa rea kəm Daniel’g 6:16 - Maktub gə́ To gə Kəmee

¹⁶ Nɛ diŋgamje neelé d’ɔs mbai lé ɓɔḭ-ɓɔḭ d’ulá pana: Ǝi mbai, maji kari oo gao, godndu lə Medəje gə Persəje wɔji mba kar né kɔg loo ra né gə́ rara əsé godndu gə́ rara gə́ mbai unda jia keneŋ lé ndá to njaŋg ya ɓó loo telee raŋg godo.

Loo gə́ killa rea kəm Daniel’g 6:16 ပူးပေါင်းရင်းမြစ်များ

2 Samel 3:39

Ma lé d’wa dɔm gə ubu d’undam ne gə́ mbai nɛ siŋgam godo ya ɓəi. Dəwje nee gə́ to ŋgalə Seruja lé siŋga dee ur dɔm’g. Maji kar Njesigənea̰ uga dɔ njemeeyèr gə goo némeeyèr ləa ya.

Maktub gə́ wɔji dɔ Jɔb 5:19

Nékəmndooje gə́ gɔl misa̰ lé yeḛ a kɔri keneŋ Ndá njekɔm’g gɔl siri a tibi mbɔri el tɔ.

Gosota-Kəmkàrje 29:25

Ɓəl dəwje lé to gə́ gum, Nɛ yeḛ gə́ ɔm mee jəb-jəb dɔ Njesigənea̰’g lé a si lɔm.

Esai 41:10

Ɓəlje el Mbata ma m’nai sə sí, Maji kar sí aaje loo gə kəm ɓəl el Mbata ma m’to Ala lə sí, M’a kar siŋga sí ḭ dɔ maree’g ləm, M’a ree la sə sí ləma, M’a gəd sí gə jikɔlm gə́ ɓar mèr-mèr ləm tɔ.

Esai 43:2

Ɓó lé seḭ aw gaŋgje mán ndá M’a nai sə sí Ndá baa-booje d’a tur dɔ sí el, Ɓó lé seḭ njaaje dan pər’g ndá A roo sí el ləm, Ndo̰ pər a kunda sí bilim el ləm tɔ.

Jeremi 26:14

Ma ɓa yḛ̀ m’aar meḛ ji sí’g nee ya, raje səm to gə́ meḛ sí ndigi to gə́ seḭ ooje gə́ né gə́ to gə dɔ najee ya.

Jeremi 38:5

Mbai Sedesias ila dee keneŋ pana: Aa ooje, yeḛ si meḛ ji sí’g ya. Mbata mbai askəm kɔg sí el.

Jeremi 38:6

Yen ŋga deḛ d’un Jeremi d’ilá mee bwa-mán’g lə Malkija, ŋgolə mbai gə́ to mee gad kəi-daŋgai’g lé. D’ar Jeremi uru naŋg keneŋ gə kúla. Man godo mee bwa-mán’g neelé nɛ bɔrɔ ɓa to keneŋ ndá Jeremi dubu bɔrɔ’g tɔ.

Jeremi 39:17

Njesigənea̰ pana: Nɛ mee ndəa’g neelé m’a kɔri kilai tar ndá i a tel koso meḛ ji dəwje gə́ i ɓəl dee’g lé el.

Loo gə́ killa rea kəm Daniel’g 3:15

Ɓasinè lé, meḛ sí dɔ rɔ sí’g ar loo gə́ seḭ a kooje ndu to̰to̰ ləm, gə ndu buula ləm, gə kṵdu-ko̰dè ləm, gə kṵdu-ka ləm, gə kṵdu-jaŋ ləm, gə nékɔspa ləma, gə nékimje ɓəd-ɓəd ləm tɔ ndá seḭ a kundaje barmba ləm, seḭ a kwaje néndaji gə́ m’ra lé meḛ sí’g ləm tɔ. Ɓó lé seḭ a kwáje meḛ sí’g el ndá léegəneeya d’a kwa sí kɔm sí mee bwa pər gə́ o̰ bilim-bilim’g. Ŋga see magə gə́ ra ɓa a kɔr sí jim’g kɔm sí tar wa.

Loo gə́ killa rea kəm Daniel’g 3:17

Aa oo, Ala lə sí gə́ jeḛ n’to kuraje ləa lé askəm kɔr sí mee bwa pər gə́ o̰ bilim-bilim’g lé kɔm sí tar ya, tɔɓəi yeḛ a kɔr sí jii-i mbai’g lé ya tɔ.

Loo gə́ killa rea kəm Daniel’g 3:28

Nebukadnesar un ta pa pana: Maji kar dɔ ri Ala lə Sadrak gə Mesak gə Abed-Nego ai səgərə. Yeḛ nja ɓa ula kura ləa gə́ dara mbuna dee’g ləm, yeḛ ɔr kuraje ləa neelé ɔm dee tar ləm tɔ. Mbata deḛ neelé d’ɔm meḛ dee dəa’g jəb-jəb ləm, d’ɔs ne ta ləm-ma gə́ m’to mbai lé rəw ləma, d’ya̰ rɔ dee yag ləm tɔ, yee ɓa d’oo gə́ nékəmra gə́ maji unda ra né kar magə gə́ raŋg gə́ rara kara əsé kwa magə gə́ raŋg meḛ dee’g korè ne dɔ Ala lə dee.

Loo gə́ killa rea kəm Daniel’g 6:20

Ta lookàr gə́ loo to gḭdo-gḭdo ɓəi ndá mbai ḭ aw gə tɔgee ta bwa toboḭje’g lé.

Loo gə́ killa rea kəm Daniel’g 6:7

Togə́bè ɓa mbaije neelé gə njékaa dɔ dəb ɓeeko̰je lé mbo̰ dɔ na̰ rɔ mbai’g d’ar ndu dee ɓar birim-birim, tɔɓəi d’ulá ta togə́bè pana: Mbai Darius, maji kari si gə ləbi-ləbi gə nɔḭ!

Néra Njékaḭkulaje 24:27

Loo gə́ ləb joo dəs ndá d’ar Porsius Pestus taa tor Pelis. Pelis ya̰ Pool daŋgai’g gə mba karee lel Jibje.

Néra Njékaḭkulaje 25:11

Ɓó lé m’ra né gə́ to gə dɔ najee el əsé m’ra né gə́ yèr gə́ as yoom əsé as daŋgai ndá m’a kaḭ ndil yoo el. Nɛ ɓó lé néje gə́ deḛ səgm ne to gə́ taŋgɔm ndá dəw kára kara askəm kwam kilam ji dee’g el tɔ. Ta ləm lé m’a ra ɓee lə Sesar ya.

Néra Njékaḭkulaje 25:9

Pestus ndigi ra né gə́ a lel kəm Jibje ndá yeḛ dəji Pool pana: See i ndigi kaw Jerusalem mba kar dee gaŋg rəwta néje neelé dɔi’g nɔm’g keneŋ wa.

Njé gə́ Rɔmə 13:3

Tɔgərɔ ya, mbaije lé to ɓəl mbata lə njéra némajelje ɓó mbata lə njéra némajije ɓa el. See i ndigi kar ndili ndəb jər no̰ njéko̰ɓeeje’g el wa. Bèe ndá maji kari ra né gə́ maji ɓa yeḛ a pidii ne ɓəi.

2 Njé gə́ Kɔrḭtə 1:10

Yeḛ nja ɓa ɔr sí ta yoo gə́ togə́bè ya ləm, j’unda meḛ sí yel dəa’g mba karee teḛ sə sí ta yoo’g ndɔ gə́ raŋg’d ɓəi tɔ.