Loo gə́ killa rea kəm Daniel’g 6:10 - Maktub gə́ To gə Kəmee

¹⁰ Yen ŋga mbai Darius lé ndaŋg godndu nee ləm gə né kɔg loo ra né rədədə ləm tɔ.

Loo gə́ killa rea kəm Daniel’g 6:10 ပူးပေါင်းရင်းမြစ်များ

1 Mbaije 8:30

Maji kari tuga mbii oo ne ndòo ra lə kura ləi ləm, gə ka̰ koso-dəwje ləi gə́ Israɛl ləm tɔ, loo gə́ d’a ree mba ra tamaji lée’g neelé. Maji kari oo ndu dee loo-sii’d gə́ mee dara’g lé tɔɓəi loo gə́ i oo ndu dee ndá maji kari ar məəi oso lemsé dɔ dee’g ya.

1 Mbaije 8:38

ɓó lé dəw kára əsé koso-dəwje ləi gə́ Israɛl lai d’ar ndu ra tamaji əsé ra ndòo d’ar ndu no̰ lə dee ɓar, ar nana kara gər doo gə́ to mée’g ɓa ula jia par gə́ rɔ kəi’g neelé ndá

1 Mbaije 8:44

Loo gə́ koso-dəwje ləi d’a teḛ gə mba kaw rɔ gə njéba̰je lə dee gə goo rəw gə́ i nja ula dee lé ɓó lé deḛ ra tamaji ta Njesigənea̰’g, tel ne kəm dee par gə́ dɔ ɓee-boo gə́ ma m’ɔr kəmee m’ari ləm, gə par gə́ dɔ kəi’d gə́ ma m’unda mba kar rii ɓar dɔ’g ləm tɔ ndá,

1 Mbaije 8:54

Loo gə́ Salomo̰ tɔl ta ra tamaji ləa gə ra ndòo ləa rɔ Njesigənea̰’g lé bém ndá yeḛ uba naŋg ḭta no̰ loo-nékinjaməs’g lə Njesigənea̰, lé gə́ yeḛ ɔs kəjee keneŋ ula ne jia ndiŋ gə́ dara lé.

2 Sôrta Gḭka Israɛlje 6:13

Mbata Salomo̰ ra loo-kaar gə larkas unda dan mee gadloo’g dana bab, loo-kaar neelé ŋgalee as kəmkil dəw mi ləm, tadee as kəmkil dəw mi ləma, dəree as kəmkil dəw munda ləm tɔ, tɔɓəi yeḛ aar dɔ’g ndá ɔs kəjee naŋg kəm koso-dəwje gə́ Israɛl lai odo jia par gə́ dara.

2 Sôrta Gḭka Israɛlje 6:38

ɓó lé deḛ tel ree rɔi’g gə meḛ dee gə́ kára ba sur gə rɔ dee bura mee ɓee’g lə njéba̰je lə dee gə́ d’wa dee gə́ ɓər d’aw sə dee keneŋ ɓa ɓó lé deḛ ra tamaji tai’g tel ne kəm dee gə́ dɔ ɓee’g lə dee gə́ i ar bɔ deeje-je ləm, gə dɔ ɓee-boo gə́ i ɔr kəmee ləma, gə dɔ kəi gə́ ma m’unda gə rii lé ləm tɔ ndá,

Esdras 9:5

Yen ŋga loo gə́ kàr kḭjanémes gə́ kàrkemetag teḛ mba̰ ndá m’ḭta dan rɔkul’g ləm, gə kubuje ləm gə yee gə́ boi yul gə́ dɔ maree’d gə́ m’til lé ləm tɔ ndá m’ɔs kəjim naŋg m’ula jim par gə́ rɔ Njesigənea̰ Ala’g ləm,

Nehemi 6:11

Ma m’ilá keneŋ m’pana: See dəw gə́ to gə́ ma bèe a kaḭ wa! See dəw gə́ to gə́ ma bèe a kaskəm kandə mee kəi gə́ to gə kəmee’g mba kisi kəmba wa. M’a kandə keneŋ el ya saar.

Pakɔsje 34:1

Pa lə Dabid loo gə́ yeḛ ra ne rəa gə́ m bə no̰ Abimelek’g aree tubá ne lé.

Pakɔsje 5:7

I ar njétaŋgɔmje d’udu bo̰. Dəwje lai gə́ d’ila məs ləm, Gə deḛ gə́ to gə́ njékərgosoje ləm tɔ lé I Njesigənea̰ ə̰ji dee bəḭ-bəḭ ya.

Pakɔsje 55:17

Nɛ ma lé m’ila ndum naŋg m’ra ne né wəl gə́ rɔ Ala’g lé, Ndá Njesigənea̰ lé a kajim ya.

Pakɔsje 86:3

Mbaidɔmbaije, maji kari oo kəm lootondoo’g ya, Mbata m’no̰ wəl gə́ rɔi’g gə ndɔ saar loondul.

Pakɔsje 95:6

Gə́ reeje ar sí j’undaje barmba J’osoje ne kul nea̰’g, Ar sí j’ɔsje kəji sí no̰ Njesigənea̰’g Gə́ to njekunda sí lé

Loo gə́ killa rea kəm Daniel’g 6:13

Tɔɓəi d’ḭ d’aw no̰ mbai’g dəjee ta gə́ wɔji dɔ né kɔg loo ra né gə́ ka̰ mbai lé pana: See i ndaŋg né kɔg loo ra né rədədə mba kar mee ndɔje gə́ rɔ-munda lé nana ɓa gə́ a ra tamaji ta magə gə́ rara’g əsé ta dəw gə́ rara’g ɓó a ra tai-i mbai’g lé el ndá debee neelé d’a kilá mee bwa’g dan toboḭje’g ya, see i pa bèe el wa. Mbai lé ila dee keneŋ pana: Ta neelé to tɔgərɔ ya gə goo godndu Medəje gə Persəje gə́ dəw askəm telee ɓəd nda̰ el lé.

Loo gə́ killa rea kəm Daniel’g 9:4

Ma m’ra tamaji ta Njesigənea̰ Ala’g ləm, tɔɓəi m’tɔr ndum m’aree togə́bè m’pana: Ǝi Mbaidɔmbaije, Ala gə́ boo gə́ to ɓəl kədm-kədm lé, i gə́ aa dɔ manrɔ ləi kər-kər ləm, oo ne kəmtondoo lə deḛ gə́ d’undai dan kəm dee’g d’aa ne dɔ godnduije kər-kər ləm tɔ!

Junas 2:4

I undam ilam dan ɓul mán baa-boo gə́ uru yaa̰’g, Tur lə mán gə́ tur tuma̰-tuma̰ lé Aḭ dɔm sub ləm, Paŋgəm-manje gə mán bèlmje ləi lai dəs dɔm’g ləm tɔ.

Mark 3:3

Jeju ula dəw gə́ jia wəi wɔ neelé pana: Uba naŋg ḭta aar tar dan sí’g nee.

Lugu 14:26

Ɓó lé nana ɓa gə́ ree rɔm’g ɓa yeḛ oo bɔbeeje gə kea̰je gə dené ləa gə ŋganeeje gə ŋgakea̰je gə́ diŋgam gə njé gə́ dené gə rəa-yeḛ nja kara oo dee gə́ né gə́ to kḛji el ndá yeḛ a kaskəm to njekwakilam el tɔ.

Lugu 22:41

Tɔɓəi yeḛ sa rəa rɔ dee’g ɔd aw gə kuree rəgəsə asəna gə kɔri-ər gə́ kun kila piriri bèe ndá yeḛ rəm ɔs no̰ kəjee naŋg ra tamaji pana:

Néra Njékaḭkulaje 10:9

Bèlè lookàree loo gə́ d’isi d’aw rəbee ɓəi ar dee d’unda dɔ ɓee dəb ndá Piɛrə al dɔ kəi gə́ tar gə mba ra tamaji loo gə́ kàr aar daŋdɔ bèe.

Néra Njékaḭkulaje 2:15

Dəwje neelé to kido ɓa ra dee to gə́ seḭ la̰jije taree meḛ sí’g togə́bè lé el mbata kàr sí tuga dara gə́ tar ɓəi.

Néra Njékaḭkulaje 20:24

M’ra né kára kara gə mba taa ne rɔm el ləm, m’oo rɔm gə́ né gəd kəm dɔ’g el ləm tɔ. Né gə́ wa məəm lé kɔr suna rəw ləm gə meendakaḭ ləm, gə tɔl ta kula gə́ Mbaidɔmbaije Jeju ɔm jim’g, am m’ula dee ne tagə́maji gə́ wɔji dɔ noji lə Ala lé ləm tɔ lé yee ɓa gə́ né gə́ wa məəm ya.

Néra Njékaḭkulaje 20:36

Loo gə́ yeḛ pata nee ar dee mba̰ ndá yeḛ ɔs kəjee naŋg ra sə deḛ lai tamaji.

Néra Njékaḭkulaje 21:5

Nɛ Loo gə́ ndɔ sí aḭ siri mba̰ ndá j’ḭ j’ɔm na̰ rəbə gə mba kaw ndá deḛ lai gə denéje lə dee gə ŋgan deeje dan sí saar d’unda sí gir ɓee gə́ raga. Jeḛ j’ɔs kəji sí naŋg dɔ koŋgo, jeḛ n’ra tamaji lé na̰’d.

Néra Njékaḭkulaje 3:1

Piɛrə gə Ja̰ d’isi d’aw na̰’d mee kəi-Ala’g, to kàr ra tamaji gə́ kàr tel rəa gə mbɔree lé.

Néra Njékaḭkulaje 4:29

Ɓasinè lé Mbaidɔmbaije, aa oo, loo kɔg gə́ d’ɔg sí rədədə lé ndá ar kuraje ləi d’ɔr ta ləi gə kəm ŋgon diŋgam ya ləm,

Néra Njékaḭkulaje 5:20

Ɔdje awje mee kəi-Ala’g aw ɔrje goo ta lə si kəmba neelé arje koso-dəwje neelé d’oo sə sí.

Néra Njékaḭkulaje 5:29

Piɛrə gə njékaḭkulaje d’ila dee keneŋ pana: Lé riri kara kila koji dɔ Ala’g lé ɓa maji ur dɔ ka̰ dəwje’g.

Néra Njékaḭkulaje 7:60

Tɔɓəi yeḛ ɔs kəjee naŋg pata gə ndia gə́ boi wəl pana: Mbaidɔmbaije, maji kari ila ta kaiya neelé dɔ dee’g el. Loo gə́ yeḛ pata togə́bè mba̰ ndá yeḛ təd sərəg ya.

Néra Njékaḭkulaje 9:40

Piɛrə ar dəwje lai teḛ ɗaga budu-budu ndá yeḛ ɔs kəjee naŋg ra ndòo rɔ Ala’g. Tɔɓəi yeḛ tel rəa gə́ dɔ nin’g ulá pana: Tabida, uba naŋg ḭta! Ndá yeḛ teḛ kəmee yərərə dɔ Piɛrə’g orè twa ḭ si tar.

Njé gə́ Epesə 3:14

Gelee gə́ nee ɓa, m’rəm ne gə kəjim gə́ naŋg yəm gə́ no̰ Bɔ síje’g

Njé gə́ Pilibə 1:14

Kúla gə́ deḛ tɔm ne neelé ula diŋgam meḛ kawal ŋgakɔmje gə́ ka̰ Mbaidɔmbaije lé ar dee d’ila ne mber ta lə Ala gə kəm ŋgon diŋgam unda nje gə́ kédé ɓó d’ar kaar dee ndəb dɔ’g el.

Njé gə́ Pilibə 1:20

Tɔgərɔ ya ma m’wa məəm kɔgərɔ m’unda məəm yel mba kar néje gə́ ram lé a kam m’ra ne rɔkul el. M’wa diŋgam məəm’g ɓasinè to gə́ kédé mba kar darɔm gə́ kəm əsé yeḛ gə́ yoo kara m’a kula ne rɔnduba dɔ Kristi’g.

Njé gə́ Pilibə 4:6

Arje meḛ sí pélé wəs-wəs dɔ né gə́ kára kara el, nɛ né gə́ rara kara maji kar sí dəjije Ala gə tamaji lə sí ləm, gə ndòo gə́ seḭ raje ndòo rəa’g ləma, gə ta oiyo gə́ seḭ reaje ləm tɔ.

Njé gə́ Kolosə 3:17

Né gə́ rara gə́ seḭ raje lé tapa sí əsé néra sí kara raje gə ri Mbaidɔmbaije Jeju, raje ne Ala Bɔ-dəwje oiyo gə mbəa-yeḛ nja tɔ.

Ǝbrəje 13:15

Bèe ndá maji kar ta sí oji ta pidi Ala ta-ta, yee ɓa gə́ nékinjaməs gə́ j’un j’ar Ala mba kar ria ɓar ne.

Ǝbrəje 4:16

Bèe ndá maji kar sí n’ges pər gə́ mbɔr kalimbai noji’g ləa gə meendakaḭ mba kar mée oso lemsé dɔ sí’g ləm, karee wa sə sí noji la ne sə sí dɔ né gə́ ndée ra sí ləm tɔ.

Loo gə́ killa rea kəm Ja̰’g 2:10

Ɓəl nékəmndoo gə́ gə a rai el. Aa oo, njekurai lé a kwa njé gə́ na̰je mbuna sí’g a kila ɗa gɔl sí’g mba kaḭ ne meḛ sí ləm, néurti a ra sí ndɔ dɔg ləm tɔ. Ila ŋgonkoji dɔ Ala’g saar wəi ne, ɓa m’a kari dɔgugu kəmə lé.

Loo gə́ killa rea kəm Ja̰’g 2:13

Ma m’oo loo-sii ləm, ma m’gər gao kalimbai lə Njekurai to keneŋ ləm tɔ. I wa rim kɔgərɔ ləm, ndɔ tɔl Antipas, njekɔrginta ləm gə́ to majikoji gə́ deḛ tɔlee ɓee lə sí loo gə́ loo-si Njekurai to keneŋ kara i ya̰ goo meekun ləi el ləm tɔ.