Loo gə́ killa rea kəm Daniel’g 5:30 - Maktub gə́ To gə Kəmee

³⁰ Mee til’g neelé nja deḛ tɔl Belsasar, mbai lə Kaldeje lé tɔ.

Loo gə́ killa rea kəm Daniel’g 5:30 ပူးပေါင်းရင်းမြစ်များ

Esai 47:9

Néje joo neelé d’a teḛ dɔ sí’g wai Gə́ mee ndəa gə́ kára ba ya Kar ŋganje lal sí ləm, Kar sí síje gə́ njékəisiŋgaje ləm tɔ. Lée némbeḛje lə sí gə́ bula əsé Nésukəmlooje lə sí gə́ bula yaa̰ kara Néje joo neelé d’a teḛ dɔ sí’g Mee ndɔ gə́ kára ba ya.

Jeremi 50:24

Seḭ njé gə́ Babilɔn lé M’iya gum no̰ sí’g m’ar sí osoje keneŋ Nɛ seḭ gərje el, M’teḛ dɔ sí’g wai m’uba sí m’wa sí Mbata seḭ ɔsje ta lə Njesigənea̰ rəw.

Jeremi 51:11

Olje ndo̰ kag ɓandaŋgje lə sí ləm, Waje dərje lə sí kègègè ləm tɔ! Njesigənea̰ ɔs kudu mbaije gə́ Médi ɓɔḭ-ɓɔḭ, Mbata yeḛ wɔji mée’g Gə mba tuji Babilɔn, Mbata to dalba̰ lə Njesigənea̰, To dalba̰ gə́ wɔji dɔ kəi ləa Gə́ to gə kəmee.

Jeremi 51:31

Njékaḭje d’aḭ ŋgwɔd tila kəm na̰ ləm, Njékaḭkulaje taa na̰ rəw yo gə́ nee ləm tɔ. Mba kula mbai gə́ Babilɔn To gə́ ɓee-boo ləa lé d’un lad-lad.

Jeremi 51:39

Loo gə́ meḛ dee nuŋga kəd-kəd ndá M’a kar dee d’ai né ndá M’a karee ra dee kar dee D’ya̰ rɔ dee yag dan rɔlel’g ləm, Kar dee d’oso gə ɓi gə́ to gə no̰ ɓó D’a ndel dɔ ɓi’g lé gogo el ŋga ləm tɔ. Njesigənea̰ ɓa pa bèe.

Jeremi 51:57

M’a kar nékai ra njékaa dɔ ɓeeko̰je ləa ləm, gə njékəmkàrje ləa ləm, gə njéguburuɓeeje ləa ləm, gə mbaije ləa ləma, gə bao-rɔje ləa ləm tɔ. D’a koso gə ɓi gə́ to gə no̰ pərəg ɓó d’a ndel dɔ ɓi’g neelé el ŋga. Mbai gə́ ria lə Njesigənea̰ gə́ njeboo-néje lé ɓa pa bèe.

Amɔs 6:7

Gelee gə́ nee ɓa, d’a kwa dee gə́ ɓər Kaw sə dee kédé no̰ mar deeje’g Ndá deḛ gə́ d’ya̰ rɔ dee yag dan mal néje gə́ ka̰ darɔ’g lé Ndu kii rɔlel lə dee a gaŋg ŋgəji.