Loo gə́ killa rea kəm Daniel’g 5:19 - Maktub gə́ To gə Kəmee

¹⁹ To gə́ yeḛ aree to dəw gə́ boo lé ɓa koso-dəwje lai ləm, gə ginkoji dəwje gə raŋg ləma, gə dəwje gə́ takɔji dee to gə ria-ria ləm tɔ lé deḛ ɓəlee d’unda ne bala tigi-tigi nea̰’g ya. Deḛ gə́ mbai ndigi kar dee d’wəi ndá yeḛ ar dee d’wəi ya ləm, deḛ gə́ yeḛ ndigi kar dee d’isi kəmba kara yeḛ ya̰ loo ar dee d’isi kəmba ya ləm tɔ. Deḛ gə́ yeḛ ndigi kunda dee daŋdɔ lé yeḛ unda dee daŋdɔ ləm, deḛ gə́ yeḛ ndigi kunda dee naŋg kara yeḛ unda dee naŋg ya ləm tɔ.

Loo gə́ killa rea kəm Daniel’g 5:19 ပူးပေါင်းရင်းမြစ်များ

2 Mbaije 25:28

Yeḛ ulá ta gə meemaji ləm, ar kalimbai ləa ur dɔ kalimbaije’g lə mbaije gə́ d’isi səa Babilɔn ləm tɔ.

Gosota-Kəmkàrje 16:14

Meekḭ jugugu lə mbai lé To njekaḭkula lə yoo, Nɛ njekəmkàr lé aree wəi bèm.

Njekillamber 8:3

Ndəbje-ndəb kḭ nea̰’g kaw el ləm, Aarje njaŋg dɔ néra gə́ majel’g el ləm tɔ. Mbata yeḛ lé askəm ra néje lai to gə́ mée ndigi,

Ejekel 31:11

ndá neḛ n’ilá ji bao-rɔje lə ginkoji dəwje gə raŋg’g mba kar dee ra səa gə goo meeyèr ləa, neḛ lé n’tubá mba̰.

Loo gə́ killa rea kəm Daniel’g 11:12

Koso-njérɔje neelé d’a ti rɔ dee ndá mbai lé a kəsta ti ne rəa tɔ. Yeḛ a kar koso-dəwje gə́ dum tura lé d’wəi ne ya nɛ yeḛ a kun baŋga el.

Loo gə́ killa rea kəm Daniel’g 11:16

Yeḛ gə́ a kɔr rɔ kaw rɔ səa lé a ra to gə́ mee ndigi ya ndá dəw kára kara siŋgá a kas mba kaar gəs nea̰’g el. Yeḛ a kaar naŋg mee ɓee gə́ maji dum ɓeeje gə́ raŋg ndá né gə́ rara gə́ a koso jia’g lé yeḛ a tujee pugudu ya.

Loo gə́ killa rea kəm Daniel’g 11:3

Nɛ mbai gə́ to njesiŋgamoŋ a kḭ ndá yeḛ a dum dɔ loo gə boo-siŋgamoŋ ləm, yeḛ a ra né to gə́ mée ndigi ləm tɔ.

Loo gə́ killa rea kəm Daniel’g 11:36

Mbai lé a ra né to gə́ mée ndigi. Yeḛ a ti rəa ləm, a kɔs gaji rəa koo ne rəa gə́ njekur dɔ magəje lai ləm tɔ ndá yeḛ a pata néje gə́ dum kəm loo kɔs ne ta lə Ala gə́ njekur dɔ magəje lé rəw. Néreaje gə́ togə́bè lé a teḛ ne kɔr saar kar oŋgee wəi bém, saar kar né gə́ d’wɔji-kwɔji ra lé a kaw ne lée’g béréré ya.

Loo gə́ killa rea kəm Daniel’g 3:29

Aa ooje, ɓasinè ndukun ləm ɓa nee: Nana ɓa mbuna koso-dəwje’g əsé ginkoji dəwje gə raŋg’g əsé deḛ gə́ takɔji dee ɓəd-ɓəd gə́ rara kara ɓa gə́ pata gə́ majel ila dɔ Ala’lə Sadrak gə Mesak gə Abed-Nego ndá debee neelé d’a kwá tiee mbidi-mbidi ləm, kəi ləa kara d’a tɔ pɔs-pɔs karee to ɓiri-ɓisi ləm tɔ mbata magə gə́ rara kara gə́ askəm kɔr dəwje kɔm dee tar to gə́ yeḛ bèe lé godo.

Loo gə́ killa rea kəm Daniel’g 3:4

Yen ŋga njekilamber ila boo-ndia naŋg wəl pana: Aa ooje, seḭ koso-dəwje ləm, gə ginkoji dəwje gə raŋg ləma, gə dəwje lai gə́ takɔji sí ɓəd-ɓəd ləm tɔ lé né gə́ d’un ndu dee dɔ’g d’ar sí ɓa nee:

Loo gə́ killa rea kəm Daniel’g 3:6

Nana ɓa gə́ unda barmba mba kwá mée’g el ndá léegəneeya d’a kwá kilá mee bwa pər gə́ o̰ bilim-bilim’g.

Loo gə́ killa rea kəm Daniel’g 4:17

Kag gə́ i oo gə́ tel teḛ boo ləm, siŋgá to keneŋ ləma, sémee aw njal teḛ mee dara’g ar deḛ gə́ d’isi rudu naŋg’d kara d’ée ləm tɔ lé

Loo gə́ killa rea kəm Daniel’g 4:19

Ǝi mbai, kag neelé to i nja gə́ teḛ boo ləm, siŋgai to keneŋ ləm tɔ, dɔmoŋ ləi ḭ dɔ maree’g aw njal teḛ mee dara’g ləm, dumdɔloo ləi kara aw njal ɔr rudu naŋg nee ləm tɔ.

Loo gə́ killa rea kəm Daniel’g 4:22

D’a gə kɔsi mbuna dəwje’g tubai ləm, loo-sii a to mbuna daje gə́ wala ləma, i a sɔ mu to gə́ bɔ maŋgje bèe ləm tɔ. Man tàl a teḛ rɔi’g ləm, ləbje siri d’a dəs dɔi’g ləm tɔ saar i a gər gao to gə́ Njekurdɔloo o̰ ɓee dɔ ko̰ɓee’g lə dəwje lai ləm, dəw gə́ yeḛ wɔjee mée’g ɓa yeḛ aree o̰ ɓee ləm tɔ.

Habakuk 2:5

Njebeelé lé to asəna gə dəw gə́ kido tɔlee aree ti ne rəa Ndá yeḛ si lɔm el, Yeḛ teḛ təa to gə́ bwa-dɔɓar bèe ləm, Yeḛ to asəna gə yoo gə́ né asee el bèe ləm tɔ, Yeḛ ndɔr ginkoji dəwje gə raŋg lai gə́ rəa’g ləm, Yeḛ mbo̰ koso-dəwje lai gə́ rəa’g ləm tɔ.

Tagə́maji gə́ Ja̰ ndang 19:11

Jeju ilá keneŋ pana: Ɓó lé d’ḭ gə dɔmoŋ loo gə́ tar’g d’ula dɔi’g el ndá i a kaskəm ra səm né kára kara gə dɔrɔi el tɔ. Gelee gə́ nee ɓa yeḛ gə́ ulam jii’g lé kaiya ləa ur dɔ kaḭ’g ɓəi.

Njé gə́ Rɔmə 13:1

Maji kar dəwje kára-kára lai d’oso kul no̰ njéko̰ɓeeje’g ya, mbata gin ko̰ɓee gə́ rara kara gə́ a lal kḭ rɔ Ala’g lé godo ləm, deḛ gə́ d’isi gə́ njéko̰ɓeeje lé kara Ala nja gə́ njekunda dee keneŋ ləm tɔ.

Loo gə́ killa rea kəm Ja̰’g 5:9

Deḛ d’ɔs pa gə́ sigi pana: I nja askəm taa maktub gə mba tɔr nérḛdə təa mbata deḛ d’ḭjai gə́ məs, i uga ne dəwje gə məsi ar Ala ɔr dee ne gə gelɓee dəwje-dəwje ləm, gə dəwje gə́ tapa dee gə ria-ria ləma, gə ginkoji dəwje gə raŋg ləm tɔ.