Loo gə́ killa rea kəm Daniel’g 5:12 - Maktub gə́ To gə Kəmee

¹² Mbata debee nee gə́ ria lə Daniel lé ɓa mbai unda ria lə Belsasar ndá d’iŋga takə̰ji kəmkàr gə́ doŋgɔ ləm, gə gosɔkəmkàr ləm, gə gosonégər ləm, gə goso riba dɔ ni ləm, gə goso riba dɔ ndá taje ləma, gə goso riba dɔ taje gə́ kədərə gə́ to loo-kiya’g ləm tɔ lé rəa’g. Bèe ndá maji kar dee ɓar Daniel ɓa yeḛ a kɔr gel né neelé kari ya.

Loo gə́ killa rea kəm Daniel’g 5:12 ပူးပေါင်းရင်းမြစ်များ

Pakɔsje 16:3

Njémeendaje gə́ d’isi mee ɓee’g lé Deḛ gə́ to njékwa Ala meḛ dee’gje lé M’unda dee dan kəm’g dana ɗəŋgərə.

Gosota-Kəmkàrje 12:26

Njemeekarabasur lé Tɔji kuramaree rəw gə́ maji, Nɛ rəw-kaw njémeeyèrje lé Ur dee walá.

Gosota-Kəmkàrje 17:27

Yeḛ gə́ gər goo tapeaje lé To njegərgin né ləm, Yeḛ gə́ mée kul lɔm lé To gə́ njegosonégər ləm tɔ.

Ejekel 28:3

Aa oo, i lé oo to gə́ kəmi àr yaa̰ unda Daniel ar né gə́ to loo-kiya’g kára kara iya rəa kəmi’g el.

Loo gə́ killa rea kəm Daniel’g 1:17

Basaje gə́ sɔ neelé Ala nja ar kəm dee inja dɔ négər’g ləm, ar dee to ne njégosonégərje gə́ wɔji dɔ maktubje gə dɔ kəmkàr’g ləm tɔ, Daniel kara askəm gər gin némḭdije gə nénije lai tɔ.

Loo gə́ killa rea kəm Daniel’g 1:7

Njekaa dɔ néje gə́ mee kəi’g lə mbai lé unda ri dee togə́bè: Daniel lé yeḛ unda ria lə Belsasar ləm, Hanania lé yeḛ unda ria lə Sadrak ləm, Mikaɛl lé yeḛ unda ria lə Mesak ləma, Ajaria lé yeḛ unda ria lə Abed-Nego ləm tɔ.

Loo gə́ killa rea kəm Daniel’g 2:26

Mbai lé un ta dəji Daniel gə́ d’unda ria lə Belsasar lé pana: See i nja askəm karm m’gər ni gə́ m’ni lé gə ginee na̰’d wa.

Loo gə́ killa rea kəm Daniel’g 4:19

Ǝi mbai, kag neelé to i nja gə́ teḛ boo ləm, siŋgai to keneŋ ləm tɔ, dɔmoŋ ləi ḭ dɔ maree’g aw njal teḛ mee dara’g ləm, dumdɔloo ləi kara aw njal ɔr rudu naŋg nee ləm tɔ.

Loo gə́ killa rea kəm Daniel’g 4:8

Kag neelé tel teḛ boo ləm, Siŋgá to keneŋ ləma, Semee aw njal mee dara’g ləm tɔ Ar deḛ gə́ d’isi rudu naŋg’d kara d’ée.

Loo gə́ killa rea kəm Daniel’g 5:14

M’oo ta gə́ wɔji dɔi to gə́ ndil magəje to məəi’g ləm, d’iŋga ta gə́ àr ləm, gə gosonégər ləma, gə kəmkàr gə́ al dɔ loo sula ləm tɔ rɔi’g.

Loo gə́ killa rea kəm Daniel’g 5:16

Ma m’oo ta ləi to gə́ i askəm kɔr gin taje ləm, gə riba dɔ taje gə́ kədərə gə́ to loo-kiya’g ləm tɔ. Ɓasinè ɓó lé i askəm tura ta nee gə́ ndaŋg ləm, gə kɔr ginee ləm tɔ ndá d’a kula kubu gə́ ndul piro-piro rɔi’g ləm, d’a kila yeŋgəre gə́ ra gə larlɔr gwɔbi’g ləma, i a kiŋga loo-sii gə́ njekɔm’g munda loo-ko̰ɓee’g ləm tɔ.

Loo gə́ killa rea kəm Daniel’g 6:3

Tɔɓəi yeḛ ɔr mbaije munda gə́ njekaa dɔ dee-deje ar Daniel to yeḛ gə́ kára mbuna dee’g mba kar njékaa dɔ dəb ɓeeko̰je neelé tura goo kula ra dee kar dee ləm, mba kar né lə mbai kára kara tuji el ləm tɔ.

Loo gə́ killa rea kəm Daniel’g 6:4

Daniel lé ur dɔ dee-deḛ mbaije’g neelé gə njékaa dɔ dəb ɓeeko̰je lé to mbata takə̰ji kəmkàr gə́ doŋgɔ to mée’g. Bèe ɓa mbai wɔji mba kɔree ne kundá gə́ dəw dɔ ɓeeko̰ bura.

Njé gə́ Kolosə 1:29

Yee ɓa, m’ra ne kula m’təd ne loo, gə goo siŋgamoŋ ləa gə́ yeḛ ula məəm’g ɔsm ne ɓɔḭ-ɓɔḭ.