Loo gə́ killa rea kəm Daniel’g 4:34 - Maktub gə́ To gə Kəmee

³⁴ Ɓasinè, ma Nebukadnesar, m’pidii, m’ɔs gajii, m’ula rɔnduba dɔ mbai dɔ dara’g. Kula reaje lai to gə goo rəbee ya ləm, rəwje ləa to danasur ləma, deḛ gə́ njaa ti ne rɔ dee lé kara yeḛ askəm ɓugu dee naŋg ləm tɔ.

Loo gə́ killa rea kəm Daniel’g 4:34 ပူးပေါင်းရင်းမြစ်များ

2 Samel 22:31

Rəwje lə Ala to maji ɔr njoroŋ ya. Ta lə Njesigənea̰ lé kara to ta gə́ to njaŋg tɔ. Yeḛ to dər-rɔ lə deḛ lai Gə́ d’ɔm meḛ dee dəa’g.

1 Sôrta Gḭka-Israɛlje 29:10

Dabid pidi Njesigənea̰ kəm koso-dəwje’g lai. Yeḛ pana: I Njesigənea̰, Ala lə bɔ síje Israɛl lé maji kar dɔi ai səgərə gə ləbi-ləbi saar-saar gə no̰ ya.

1 Sôrta Gḭka-Israɛlje 29:13

Ɓasinè əi Ala lə sí, jeḛ m’pidii ləm, j’ula rɔnduba dɔ rii gə́ maji dum ləm tɔ.

Maktub gə́ wɔji dɔ Jɔb 1:21

ndá yeḛ pana: M’teḛ mee kɔmje’g kudum dum Ndá m’a tel kaw naŋg gə kudum gə́ dum ya tɔ. Njesigənea̰ ya to njekar né ləm, Njesigənea̰ ya to njetaa né ləm tɔ, Ndá maji kar dɔ ri Njesigənea̰ ai səgərə.

Pakɔsje 10:16

Njesigənea̰ to mbai gə́ gə ləbee-ləbee saar-saar gə no̰, Ginkoji dəwje gə raŋg gə́ to njémeeyèrje lé D’udu bo̰ mee ɓeeko̰’g ləa lé.

Pakɔsje 102:24

Yeḛ ar siŋgam rəm loo gə́ m’nai rəbə ya ɓəi ləm, Yeḛ rəm gə ndɔje ləm gogo ya ləm tɔ.

Pakɔsje 107:15

Maji kar dee d’ɔs gaji Njesigənea̰ Mbata meemaji ləa ləm, Gə mba nédumkooje gə́ yeḛ ra ar dəwje lé ləm tɔ!

Pakɔsje 107:22

Maji kar dee d’inja nékinjanéməsje Gə́ ka̰ kɔm na̰’d sad ləm, Maji kar dee d’ila mber kula reaje lé Gə ndu rɔlel ləm tɔ.

Pakɔsje 107:31

Maji kar dee d’ɔs gaji Njesigənea̰ mbata meemaji ləa ləm, Gə mba nédumkooje ləa gə́ yeḛ ra ar dəwje lé ləm tɔ!

Pakɔsje 107:8

Maji kar dee d’ɔs gaji Njesigənea̰ Mbata meemaji ləa ləm, Gə mba nédumkooje ləa gə́ yeḛ ra ar dəwje lé ləm tɔ!

Pakɔsje 111:7

Kula reaje gə́ yeḛ ra gə jia lé Yeḛ ra gə meenda londoŋ ləm, Gə néra gə́ gə dɔ najee ləm tɔ, Ndukunje ləa lai lé to kankəm néje gə́ gəd ya ləm,

Pakɔsje 121:1

Pakɔs kḭ kaw tuga ne loo ɗao-ɗao gə́ tar. M’un kəm m’ila dɔ mbalje’g, See né gə́ a la səm a kḭ ra wa.

Pakɔsje 123:1

Pakɔs kḭ kaw tuga ne loo ɗao-ɗao gə́ tar. M’un kəm par gə́ rɔi’g, I gə́ kalimbai ləi to dan dara’g lé.

Pakɔsje 145:13

Ko̰ɓee ləi lé to ko̰ɓee gə́ to gə ləbee-ləbee ləm, Dum dɔ loo ləi lé kara to njaŋg gə ləbee-ləbee ya ləm tɔ.

Pakɔsje 146:10

Njesigənea̰ lé o̰ ɓee saar-saar gə no̰. Ǝi Sio̰, Ala ləi lé si gə ləbee-ləbee saar gə no̰. Maji kar sí pidije Njesigənea̰ ya.

Pakɔsje 50:14

Maji kar néra oiyo ɓa to gə́ nékinjaməs gə́ seḭ injaje arje Ala Gə mba tɔl ne ta ndukunje lə sí bém kar Njekurdɔloo’g.

Pakɔsje 66:7

Siŋgamoŋ ləa ɓa yeḛ o̰ ne ɓee dɔ loo’g gə ləbee-ləbee saar gə no̰, Yeḛ orè kəmee sḭ dɔ ginkoji dəwje gə raŋg’g lé, Maji kar njékɔsta-rəwje d’ḭ səa el!

Pakɔsje 7:17

Néra gə́ kori-kori ləa tel oso dəa-yeḛ’g ləm, Bo̰ néra kərm-kərm ləa tel ɔs təa’g ləm tɔ.

Pakɔsje 9:2

M’a pidi Njesigənea̰ gə ŋgaw məəm bura ləm, M’a kɔr sor boo-néraije lai gə́ maji dum ləm tɔ.

Pakɔsje 92:1

Pa gə́ d’ɔs mbata lə ndɔ-kwa-rɔ lé.

Esai 13:11

N’a kar bo̰ néra majel lə njé gə́ naŋg nee ɔs ta dee’g ləm, N’a kar bo̰ néra yèr lə njémeeyèrje ɔs ta dee’g ləm tɔ, N’a kar ti rɔ lə njébeeleje godo ləm, Dəwje gə́ to njékṵda rɔ dee gə́ dəwje gə́ boi lé N’a tuji ta beeléje lə dee ləm tɔ.

Esai 2:11

Dəw gə́ njekəsta lé d’a karee ula dəa ləm, Njebeelé kara d’a karee oso kul ləm tɔ, Mee ndəa’g neelé dɔ Njesigənea̰ ya kára ba a to tar.

Esai 24:15

Ulaje rɔnduba dɔ Njesigənea̰’g Mee looje gə́ bər lé Arje ri Njesigənea̰, Ala lə Israɛlje ɓar dɔ dɔgoré-looje gə́ mee baa-boo-kad’g tɔ.

Jeremi 10:10

Nɛ Njesigənea̰ to Ala gə́ tɔgərɔ, Yeḛ to Ala gə́ njesikəmba ləm, Gə mbai gə́ njesi gə ləbee-ləbee Gə no̰ ləm tɔ. Naŋg yə no̰ oŋg’d ləa ləm, Ginkoji dəwje gə raŋg d’askəm Kaar gəs no̰ oŋg-boo’g ləa el ləm tɔ.

Nɔ̰-ndôo gə́ wɔji dɔ Jerusalem 3:38

See gə goo godndu Njekurdɔloo ɓa néurtije əsé némaji teḛ ne el wa.

Loo gə́ killa rea kəm Daniel’g 12:7

Ndá ma m’oo ndu dəw gə́ ula kubu gə́ d’ṵji gə kúla palégal rəa’d gə́ aar tar dɔ mán baa’g lé. Yeḛ odo jia bɔr par gə́ dara ndá yeḛ man rəa gə ri yeḛ gə́ njesi gə ləbee-ləbee gə nea̰ gə mba kar né neelé a to dɔkurloo kára ləm, gə dɔkurlooje ləma, gə ges dɔkurloo ləm tɔ. Loo gə́ siŋga dəwje gə́ to gə kəmee lé a gur rug-rug mba̰ ɓa néje neelé d’a godo ɓəi.

Loo gə́ killa rea kəm Daniel’g 2:44

Mee ndəaje’g lə mbaije neelé Ala gə́ njesi mee dara’g a tum gin ɓeeko̰ gə́ a tuji nda̰ el ləm, a koso ji dəwje gə́ raŋg’d kar dee d’on dəa el ləm tɔ. Ɓeeko̰ neelé a təd ɓeeko̰je neelé lai kar dee d’udu guduru nɛ yee nja ɓa a nai gə ləbee-ləbee saar-saar gə no̰.

Loo gə́ killa rea kəm Daniel’g 4:2

Ma m’ni ndá ni gə́ m’ni lé ar məəm to kəgəgə. Takə̰jije gə́ jɔgm dɔ tira-tom’g ləm, gə némḭdije gə́ m’oo ləm tɔ lé d’am m’ndəb ne pəd-pəd ya.

Loo gə́ killa rea kəm Daniel’g 4:26

Loo gə́ naḭ dɔg-giree-joo dəs mba̰ ndá yeḛ njaa mee kəi-mbai’g ləa gə́ to Babilɔn,

Loo gə́ killa rea kəm Daniel’g 4:3

M’un ndum mba kar dee d’ar njékəmkàrje gə́ Babilɔn lai ree nɔm’g mba kar dee d’ɔr gin ni lé d’am.

Loo gə́ killa rea kəm Daniel’g 4:32

Dəwje lai gə́ d’isi dɔ naŋg nee d’əḭ kəmee’g el. Boo-kuraje gə́ dara gə dəwje gə́ d’isi dɔ naŋg nee kara yeḛ ra sə dee to gə́ mée ndigi, tɔɓəi dəw kára kara askəm kwa jia kɔgee dɔ né gə́ yeḛ wɔji-kwɔji ra lé el ləm, əsé a dəjee pana: See ɗi ɓa i ra bèe wa, a dəjee bèe el ləm tɔ.

Loo gə́ killa rea kəm Daniel’g 5:18

Ǝi mbai, Ala gə́ Njekurdɔloo’g ar bɔbije gə́ Nebukadnesar ɓeeko̰ gə́ tad rəg-rəg ləm, aree to dəw gə́ boo ləm, ula rɔnduba dəa’g ləma, ar boo-rondubaje taa rəa pəl-pəl ləm tɔ lé.

Loo gə́ killa rea kəm Daniel’g 5:21

Deḛ d’ɔsee mbuna dəwje’g tubá ləm, mée tel to asəna gə ka̰ daje bèe ləma, loo-siée to mbuna mulayḛ̀je-je gə́ wala ləm tɔ. Deḛ d’aree sɔ mu to gə́ bɔ maŋgje ləm, mán tàl tən rəa’g ləm tɔ saar ar kəmee inja aree oo to gə́ Ala gə́ Njekurdɔloo lé ɓa to njeko̰ɓee dɔ ɓeeko̰je’g lə dəwje lai ləm, dəw gə́ yeḛ wɔjee mée’g ɓa yeḛ aree o̰ ɓee ləm tɔ.

Loo gə́ killa rea kəm Daniel’g 6:26

Gée gə́ gogo ndá mbai Darius lé ndaŋg ta ar koso-dəwje lai ləm, gə ginkoji dəwje gə raŋg ləma, gə dəwje gə́ takɔji dee to gə ria-ria ləm tɔ gə́ d’isi dɔ naŋg nee pana: Maji kar sí síje dan meelɔm’g bèdèg ya!

Loo gə́ killa rea kəm Daniel’g 7:14

Deḛ d’aree dum dɔ loo ləm, d’aree o̰ ɓee ləma, d’ula rɔnduba dəa’g ləm tɔ. Koso-dəwje lai ləm, gə ginkoji dəwje gə raŋg ləma, gə dəwje gə́ takɔji dee gə ria-ria ləm tɔ lé ra kula d’aree. Dum dɔ loo ləa to dum dɔ loo gə́ to gə no̰ gə́ rudee a kun ɗiao el ləm, ko̰ɓee ləa kara a tuji nda̰ el ləm tɔ.

Loo gə́ killa rea kəm Daniel’g 7:27

Ko̰ɓee ləm, gə dum dɔ loo ləma, gə boo-ronduba lə ɓeeko̰je gə́ dɔ naŋg neelé ləm tɔ lé d’a kar koso-dəwje gə́ to njémeendaje lə Njekurdɔloo lé tɔ. Ko̰ɓee ləa to ko̰ɓee gə́ to gə no̰ ləm, njédumdɔlooje lai d’a ra né karee ləma, d’a kila ne ŋgonkoji dəa’g ləm tɔ.

Loo gə́ killa rea kəm Daniel’g 9:14

Njesigənea̰ aa dɔ tuji-boo neelé aree teḛ dɔ sí’g ya. Mbata Njesigənea̰, Ala lə sí lé néreaje lai gə́ yeḛ ra lé to gə dɔ najee ya nɛ jeḛ lé j’un mbi sí rəw dɔ ta’g ləa.

Junas 1:14

Yen ŋga deḛ no̰ ɓar Njesigənea̰ pana: Ǝi, Njesigənea̰, ya̰ sí ar sí n’tujije mbata lə dəw gə́ neelé el ləm, ar məs njegelgodo neelé nai dɔ síjeḛ’g el ləm tɔ. Mbata i, Njesigənea̰ lé i ya ra né to gə́ məəi ndigi.

Misee 4:7

Njémədje lé n’a kar dee tel to ges deḛ gə́ nai ləm, Deḛ gə́ n’tuba dee lé n’a tel dee gə́ ginkoji dəwje gə́ njésiŋgamoŋje ləm tɔ, Njesigənea̰ a ko̰ɓee dɔ dee’g dɔ mbal gə́ Sio̰ Un kudee mee ndəa’g neelé saar gə no̰.

Lugu 1:33

Yeḛ a ko̰ɓee dɔ gel-bɔje’g lə Jakob saar-saar gə no̰ ndá ɓeeko̰ ləa lé rudee a godo.

Lugu 18:13

Nɛ njetaa lar-gədɓee lé unda rəa ŋgərəŋ, yeḛ ɓəl koo loo kun kəmee tar gə́ dara nɛ yeḛ unda kaaree gə jia rii pana: Wai Ala, ma gə́ m’to gə́ njekaiya lé ar məəi oso lemsé dɔm’g ya kari.

Tagə́maji gə́ Ja̰ ndang 5:26

Mbata to gə́ Bɔ-dəwje si gə kəmə lé mée’g ndá yeḛ ar Ŋgon kara si gə kəmə lé mée’g togə́bè ya tɔ.

Tel tura Godndu 32:4

Yeḛ to gə́ mbal. Kula reaje maji ɔr njoroŋ Mbata rəw-kabeeje lai to danasur Yeḛ to Ala gə́ njemeenda londoŋ Gə́ néra gə́ kori-kori godo rəa’g Yeḛ to njemeekarabasur ləm Gə njera né gə́ gə goo rəbee ləm tɔ.

1 Timote 1:17

Yeḛ gə́ to Mbaidɔmbaije gə́ ləw-ləw ləm, gə njesi gə ləbee-ləbee gə nea̰ ləma, gə yeḛ gə́ dumkoo ləm tɔ, yeḛ ɓa to Ala kára ba kiao lé, maji kila riɓar dəa’g ləm, gə kula rɔnduba dəa’g ləm tɔ gə ləbee-ləbee saar gə no̰. Amen!

1 Timote 6:16

Yeḛ nja kára ba kiao ɓa to Njesigənea̰ ləm, yeḛ si dan lookàr gə́ ɔs kəm loo ŋgərəŋ ləma, dəw kára kara ila kəmee dəa’g əsé askəm kée el ləm tɔ lé maji kila riɓar dəa’g ləm, maji karee dum dɔ loo gə ləbee-ləbee saar-saar gə no̰ ləm tɔ. Amen!

Loo gə́ killa rea kəm Ja̰’g 10:6

ndá yeḛ ubu rəa gə ri yeḛ gə́ si kəmba gə ləbee-ləbee saar-saar gə no̰ lé yeḛ gə́ unda dara gə néje lai gə́ to keneŋ ləm, gə unda naŋg nee gə néje lai gə́ to keneŋ ləma, gə unda baa-boo-kad gə néje lai gə́ to keneŋ ləm tɔ pana: Lée godo ŋga.

Loo gə́ killa rea kəm Ja̰’g 11:15

Kura gə́ dara gə́ njekɔm dee’g siri lé im to̰to̰ ndá ndu dəwje ɓar dara doo-doo pana: Ɓeeko̰ gə́ naŋg neelé tel to ka̰ Mbaidɔmbaije lə sí gə ka̰ Kristi ləa ndá yeḛ a kuba dɔ dee gao sí tar gə ləbee-ləbee gə no̰ ya.

Loo gə́ killa rea kəm Ja̰’g 4:10

Ndá ŋgatɔgje gə́ rɔ-joo-gir-dee-sɔ lé d’unda barmba dəb kəm dee naŋg no̰ yeḛ gə́ si kalimbai’g lé gə́ si gə ləbee-ləbee gə nea̰ d’wá ne meḛ dee’g ləm, deḛ tɔr ne dɔgugu lə dee d’ɔm no̰ kalimbai’g lé ləm tɔ pana:

Loo gə́ killa rea kəm Ja̰’g 4:9

Nékundaje gə́ d’aw kəmba lé loo gə́ deḛ d’ila riɓar dɔ yeḛ gə́ si kalimbai’g gə́ sí gə ləbee-ləbee gə nea̰ lé ɓa d’ula ne rɔnduba dəa’g ləm, deḛ rəa oiyo ləm tɔ