Loo gə́ killa rea kəm Daniel’g 4:32 - Maktub gə́ To gə Kəmee

³² Dəwje lai gə́ d’isi dɔ naŋg nee d’əḭ kəmee’g el. Boo-kuraje gə́ dara gə dəwje gə́ d’isi dɔ naŋg nee kara yeḛ ra sə dee to gə́ mée ndigi, tɔɓəi dəw kára kara askəm kwa jia kɔgee dɔ né gə́ yeḛ wɔji-kwɔji ra lé el ləm, əsé a dəjee pana: See ɗi ɓa i ra bèe wa, a dəjee bèe el ləm tɔ.

Loo gə́ killa rea kəm Daniel’g 4:32 ပူးပေါင်းရင်းမြစ်များ

2 Sôrta Gḭka Israɛlje 33:13

Yeḛ ra tamaji təa’g ndá Njesigənea̰ ya̰ goo oŋg ləa oo ne tamaji ləa ɓa tel səa Jerusalem loo-ko̰ɓee’g ləa gogo. Bèe ɓa Manasə gər gao to gə́ Njesigənea̰ to ne Ala ya.

Maktub gə́ wɔji dɔ Jɔb 42:2

Ma m’gər gao, i askəm ra néje lai, Né gə́ i wɔji-kwɔji ra lé né kára kara gə́ njekɔgi lé godo.

Maktub gə́ wɔji dɔ Jɔb 9:12

Ɓó lé yeḛ wa né ndá see na̰ a kɔgee dɔ’g wa. Na ɓa a dəjee pana: See ɗi ɓa aw ra bèe ɓəi wa.

Pakɔsje 115:3

Ala lə sí lé si dara ya, Yeḛ nja ra néje lai to gə́ mée ndigi.

Pakɔsje 135:6

Néje lai gə́ Njesigənea̰ ndigi lé ndá yeḛ ra ya, Néje gə́ mee dara’g gə dɔ naŋg nee ləm, Dan baa-boo-kadje’g gə dan ɓul manje’g lé ləm tɔ.

Teḛ-Raga 8:10

Deḛ daa yoo dee dɔ na̰’d ndil-ndil ar mee ɓee gə́ ə̰də mbo̰.

Teḛ-Raga 9:14

Mbata ɓasinè lé n’a gə kar tuji-booje lə neḛ lai d’a koso dɔi’g ləm, gə dɔ kuraje’g ləi ləma, gə dɔ dəwje’g ləi ləm tɔ, mba kari gər ne gao, to gə́ dɔ naŋg nee lai lé dəw kára kara gə́ to tana sə neḛ bèe lé godo.

Teḛ-Raga 9:29

Moyis ulá pana: Loo gə́ m’a kunda loo mee ɓee-boo’g nee teḛ raga ndá m’a kodo jim par gə́ rɔ Njesigənea̰’g ndá ndi a kəw rəa ndaŋg ləm, ndi kwɔji kara a koso teŋ el ləm tɔ, mba kari gər ne gao to gə́ dɔ naŋg neelé to ka̰ Njesigənea̰ ya.

Esai 37:20

Ɓasinè, Njesigənea̰, Ala lə sí, ɔr sí ji Sa̰kɛrib’g gə mba kar ɓeeko̰je gə́ dɔ naŋg nee lai d’oo to gə́ i nja kára ba to Njesigənea̰!

Esai 40:15

Aa ooje, ginkoji dəwje gə raŋg to d’asəna gə mán gə́ ku-golé’d Gə́ ndəi gɔl kára ba bèe ləm, Deḛ to d’asəna gə nduji naŋg Gə́ to mee nékwɔji-né’g bèe ləm tɔ, Aa ooje, dɔgoré-looje to d’asəna gə babur gə́ ḭ tul bèe!

Esai 40:17

Ginkoji dəwje gə raŋg lai lé to gə́ né gə́ kari ba nea̰’g ləm, Deḛ to gə́ néje gə́ gə mḭdé ba Gə́ to gə́ né el ləm tɔ.

Esai 45:3

M’a kari nébaoje gə́ to loo-kiya’g ləm, Gə némajije gə́ d’iya dee loo-ŋgəḭ’g ləm tɔ Gə mba kari gər gao to gə́ ma Njesigənea̰ Gə́ m’ɓari gə rii lé Ma m’to Ala lə Israɛlje.

Jeremi 27:5

To ma nja m’ra dɔ naŋg, gə dəwje, gə daje gə́ d’aw keneŋ gə goo siŋgamoŋ ləm gə́ ur dɔ loo ləm, gə jim gə́ m’ula ndiŋ ləm tɔ ndá dɔ naŋg lé m’ar dəw to gə́ məəm ya ndigi.

Loo gə́ killa rea kəm Daniel’g 2:21

Yeḛ nja ɓa ar ndɔje gə néje gə́ d’a gə teḛ lé Tel to ne ɓəd ləm, Yeḛ ɓugu mbaije naŋg əsé unda dee tar ləma, Njékəmkàrje kara yeḛ ar dee gər gin né ya ləm tɔ.

Loo gə́ killa rea kəm Daniel’g 4:31

Loo gə́ ləbje gə́ d’wɔji lé as lée’g mba̰ ndá ma Nebukadnesar m’un kəm par gə́ dara ndá kəm tel inja dɔ rɔm’g gogo. Ma m’unda no̰ dɔkaisəgərə lə Njekurdɔloo ləm, ma m’pidee m’ula ne rɔnduba dɔ yeḛ gə́ sí gə ləbee-ləbee gə no̰ ləma, dum dɔ loo ləa kara to gə́ ləbee-ləbee saar gə no̰ ləm tɔ.

Loo gə́ killa rea kəm Daniel’g 5:21

Deḛ d’ɔsee mbuna dəwje’g tubá ləm, mée tel to asəna gə ka̰ daje bèe ləma, loo-siée to mbuna mulayḛ̀je-je gə́ wala ləm tɔ. Deḛ d’aree sɔ mu to gə́ bɔ maŋgje ləm, mán tàl tən rəa’g ləm tɔ saar ar kəmee inja aree oo to gə́ Ala gə́ Njekurdɔloo lé ɓa to njeko̰ɓee dɔ ɓeeko̰je’g lə dəwje lai ləm, dəw gə́ yeḛ wɔjee mée’g ɓa yeḛ aree o̰ ɓee ləm tɔ.

Jujé 4:24

mba kar dəwje lai dɔ naŋg nee d’a gər ne to gə́ ji Njesigənea̰ lé ŋgəŋ ŋgəŋ-ŋgəŋ ləm, gə mba kar sí ɓəlje ne Njesigənea̰, Ala lə sí saar gə no̰ ləm tɔ.