Loo gə́ killa rea kəm Daniel’g 4:31 - Maktub gə́ To gə Kəmee

³¹ Loo gə́ ləbje gə́ d’wɔji lé as lée’g mba̰ ndá ma Nebukadnesar m’un kəm par gə́ dara ndá kəm tel inja dɔ rɔm’g gogo. Ma m’unda no̰ dɔkaisəgərə lə Njekurdɔloo ləm, ma m’pidee m’ula ne rɔnduba dɔ yeḛ gə́ sí gə ləbee-ləbee gə no̰ ləma, dum dɔ loo ləa kara to gə́ ləbee-ləbee saar gə no̰ ləm tɔ.

Loo gə́ killa rea kəm Daniel’g 4:31 ပူးပေါင်းရင်းမြစ်များ

Gḭ-Néje 14:18

Melkisedek, mbai gə́ Salem lé ar dee ree gə muru gə mán-nduú. Yeḛ neelé to njekinjanéməs lə Ala gə́ Njekurdɔloo.

Maktub gə́ wɔji dɔ Jɔb 20:23

Loo gə́ yeḛ si mbula nésɔ mée’g ndá Ala a kɔm pər oŋg ləa dəa’g Karee ər dəa’g to gə́ ndi bèe.

Pakɔsje 145:13

Ko̰ɓee ləi lé to ko̰ɓee gə́ to gə ləbee-ləbee ləm, Dum dɔ loo ləi lé kara to njaŋg gə ləbee-ləbee ya ləm tɔ.

Gosota-Kəmkàrje 29:23

Beelé lə dəw lé aree oso kul, Nɛ yeḛ gə́ ula dəa aw yururu ndá iŋga rɔnduba.

Esai 14:27

Né gə́ Njesigənea̰ gə́ njeboo-néje wɔji njaŋg lé See na̰ ɓa a kɔgee wa. Jia gə́ yeḛ tɔji lé See na̰ ɓa a kwa tel ne wa.

Loo gə́ killa rea kəm Daniel’g 12:7

Ndá ma m’oo ndu dəw gə́ ula kubu gə́ d’ṵji gə kúla palégal rəa’d gə́ aar tar dɔ mán baa’g lé. Yeḛ odo jia bɔr par gə́ dara ndá yeḛ man rəa gə ri yeḛ gə́ njesi gə ləbee-ləbee gə nea̰ gə mba kar né neelé a to dɔkurloo kára ləm, gə dɔkurlooje ləma, gə ges dɔkurloo ləm tɔ. Loo gə́ siŋga dəwje gə́ to gə kəmee lé a gur rug-rug mba̰ ɓa néje neelé d’a godo ɓəi.

Loo gə́ killa rea kəm Daniel’g 4:24

Gelee gə́ nee ɓa, əi mbai, ta gə́ m’a gə kwɔjii lé maji karee leli ya! Maji kari unda ŋgaŋ kaiyaje ləi mba ra né gə́ to gə dɔ najee ləm, unda ŋgaŋ néra kori-korije ləi gə mba koo kəmtondoo lə njéndooje ləm tɔ. Bèe ɓa banelə ndɔ rɔlelje ləi d’a kḭ ne dɔ maree’d gə́ kédé-kédé.

Loo gə́ killa rea kəm Daniel’g 4:26

Loo gə́ naḭ dɔg-giree-joo dəs mba̰ ndá yeḛ njaa mee kəi-mbai’g ləa gə́ to Babilɔn,

Loo gə́ killa rea kəm Daniel’g 4:30

Léegəneeya, ta gə́ pa dɔ Nebukadnesar’g lé aw lée’g béréré. Deḛ d’ɔsee mbuna dəwje’g tubá ləm, yeḛ sɔ mu to gə́ bɔ maŋgje bèe ləma, mán tàl tən rəa’g ləm tɔ saar ar yiŋga dəa ḭ ŋgal to gə́ bèl niŋgatə̰də ləm, yel jiaje gə yel gɔleeje d’uba ŋgal to gə́ ka̰ yelje bèe ləm tɔ.

Loo gə́ killa rea kəm Daniel’g 4:32

Dəwje lai gə́ d’isi dɔ naŋg nee d’əḭ kəmee’g el. Boo-kuraje gə́ dara gə dəwje gə́ d’isi dɔ naŋg nee kara yeḛ ra sə dee to gə́ mée ndigi, tɔɓəi dəw kára kara askəm kwa jia kɔgee dɔ né gə́ yeḛ wɔji-kwɔji ra lé el ləm, əsé a dəjee pana: See ɗi ɓa i ra bèe wa, a dəjee bèe el ləm tɔ.

Loo gə́ killa rea kəm Daniel’g 4:34

Ɓasinè, ma Nebukadnesar, m’pidii, m’ɔs gajii, m’ula rɔnduba dɔ mbai dɔ dara’g. Kula reaje lai to gə goo rəbee ya ləm, rəwje ləa to danasur ləma, deḛ gə́ njaa ti ne rɔ dee lé kara yeḛ askəm ɓugu dee naŋg ləm tɔ.

Loo gə́ killa rea kəm Daniel’g 5:20

Nɛ loo gə́ yeḛ unda dəa tar ra ne dɔkədərə beelé ne dɔ néreaje’g ndá d’unee dɔ kalimbai’g ləa d’undá naŋg ləm, d’ɔr rɔnduba dəa’g ləm tɔ.

Loo gə́ killa rea kəm Daniel’g 5:28

PARSIN: D’a kunda kəm ɓeeko̰ ləi dana kai kar Medəje gə Persəje.

Loo gə́ killa rea kəm Daniel’g 6:27

Ma m’un ndum mba kar goo ɓeeko̰ ləm lai lé dəwje ɓəl Ala lə Daniel ləm, ndəb pəd-pəd nea̰’g ləm tɔ. Mbata yeḛ nja ɓa to Ala gə́ Njesikəmba ləm, Gə Njesigənea̰ ləm tɔ, Ɓeeko̰ ləa lé a tuji nda̰ el ləm, Dum dɔ loo ləa kara A to saar-saar gə no̰ ləm tɔ.

Matiyo 3:17

Tɔɓəi aa oo, ndu dəw ɓar mee dara’g wəl pana: Yeḛ neelé to ŋgonəm gə́ gəd-gəd gə́ m’undá dan kəm’g, yeḛ taa kəm rəgm ya.

Lugu 12:20

Nɛ Ala ulá pana: I mbə-dəw, mee til’g nee ya d’a ree kuba kankəmrɔi kwa, ŋga néje ləi lai gə́ i wa dɔ gɔl dee jəb-jəb mba̰ lé see d’a tel to ka̰ nawa.

Tagə́maji gə́ Ja̰ ndang 12:28

Bɔm, ar rii oso gə loo mbidi-mbidi ya! Yen ŋga ndu ɓar dara pana: Rim oso gə loo mbidi-mbidi mba̰, nɛ m’a kar rim oso gə loo-loo ya tɔɓəi.

1 Njé gə́ Tesalonikə 5:3

Loo gə́ dəwje d’a si pana: Kari ba, loo to maji lɔm ɓəi! ... Ndá léegəneeya tuji a kuba dee naŋg bus asəna gə ndóo gə́ ɔs dené ɓɔḭ ɓa loo kaḭ a godo.

Loo gə́ killa rea kəm Ja̰’g 16:7

M’oo ndu dəw ɓar loo-nékinjaməs’g pana: Oiyo ɓó Ala, Mbaidɔmbaije, Bao-siŋgamoŋ lé ta gə́ i ɔr ɔm dɔ dee’g lé to gə dɔ najee ya.

1 Samel 13:14

Nɛ ɓasinè kuru ko̰ɓee ləi a kəw el. Njesigənea̰ ɔr dəw gə́ ḭ mée’g ndá yeḛ wɔji karee to mbai dɔ koso-dəwje ləa mbata i lé i aa dɔ godndu Njesigənea̰ gə́ yeḛ un ari lé el.

1 Samel 15:23

Mbata kalta lé to kaiya gə́ to asəna kára ba gə ndo̰ ər ləm, kɔs ta rəw lé to asəna kára ba gə néra gə́ gə dɔ najee el ləm tɔ. Bèe ndá to gə́ i mbad ta lə Njesigənea̰ lé yeḛ kara a mbad kari to mbai lé tɔ.