Loo gə́ killa rea kəm Daniel’g 4:22 - Maktub gə́ To gə Kəmee

²² D’a gə kɔsi mbuna dəwje’g tubai ləm, loo-sii a to mbuna daje gə́ wala ləma, i a sɔ mu to gə́ bɔ maŋgje bèe ləm tɔ. Man tàl a teḛ rɔi’g ləm, ləbje siri d’a dəs dɔi’g ləm tɔ saar i a gər gao to gə́ Njekurdɔloo o̰ ɓee dɔ ko̰ɓee’g lə dəwje lai ləm, dəw gə́ yeḛ wɔjee mée’g ɓa yeḛ aree o̰ ɓee ləm tɔ.

Loo gə́ killa rea kəm Daniel’g 4:22 ပူးပေါင်းရင်းမြစ်များ

Gḭ-Néje 11:4

Deḛ pa ya tɔɓəi pana: Ar sí n’raje ɓee-boo gə́ wɔji dɔ sí ləm, gə kəi gə́ ŋgal gə́ duu dɔ loo gə́ dəa ɔs dara ləm tɔ mba kar ri sí ɓar ne ləm, mba kar sí n’sanéje-na̰ dɔ naŋg nee gə loo lai el ləm tɔ.

Gḭ-Néje 28:12

Yeḛ ni ndá yeḛ oo ɗigi gə́ gɔlee wa naŋg nɛ dəa ɔrɔ dara. Tɔɓəi, aa oo, kuraje lə Ala gə́ dara d’al d’aw tar ləm, deḛ risi d’uru naŋg ləm tɔ gə ɗigi neelé.

2 Samel 12:7

Yen ŋga Natan ula Dabid pana: Dəw neelé to i ya! Njesigənea̰ Ala lə Israɛlje pa togə́bè pana: Neḛ n’wa dɔi gə ubu n’undai gə́ mbai lə Israɛlje ləm, neḛ n’ɔri ji Sawul’g ləm tɔ.

2 Sôrta Gḭka Israɛlje 28:9

Njetegginta lə Njesigənea̰ kára ria lə Oded si lé gən lé tɔ. Yeḛ aw tila kəm njérɔje gə́ d’ḭ Samari ndá yeḛ ula dee pana: Aa ooje, mee Njesigənea̰, Ala lə bɔ síje-je ea̰ dɔ Judaje’g aree uba dee ya̰ dee ji sí’g ar sí tɔl deeje ne gə oŋg-boo gə́ aw njal teḛ mee dara’g lé.

Pakɔsje 108:4

Njesigənea̰, ma lé m’a kɔs gaji mbuna koso-dəwje’g lé ləm, M’a kɔs pa pidi ne mbuna ginkoji dəwje gə raŋg’g lé ləm tɔ.

Pakɔsje 36:5

Né gə́ to gə dɔ najee el lé Yeḛ la̰ji toree mée’g loo tée’g ləm, Rəw néra gə́ majel ɓa yeḛ aar keneŋ njaŋg ləma, Néra gə́ majel lé kara yeḛ ɔs rəw el ləm tɔ.

Jeremi 27:5

To ma nja m’ra dɔ naŋg, gə dəwje, gə daje gə́ d’aw keneŋ gə goo siŋgamoŋ ləm gə́ ur dɔ loo ləm, gə jim gə́ m’ula ndiŋ ləm tɔ ndá dɔ naŋg lé m’ar dəw to gə́ məəm ya ndigi.

Ejekel 17:3

M’a pa pana: Mbaidɔmbaije gə́ Njesigənea̰ pa togə́bè pana: Nḭgatə̰də gə́ boi gə́ bagee tad gəbəbə un loo lad-lad ar bèlee ɔm pɔ-pɔ gə ndaŋg rɔg-rɔg aw saar teḛ dɔ mbal gə́ Liba̰ aw təd dɔ sém kag-sɛdrə.

Loo gə́ killa rea kəm Daniel’g 2:21

Yeḛ nja ɓa ar ndɔje gə néje gə́ d’a gə teḛ lé Tel to ne ɓəd ləm, Yeḛ ɓugu mbaije naŋg əsé unda dee tar ləma, Njékəmkàrje kara yeḛ ar dee gər gin né ya ləm tɔ.

Loo gə́ killa rea kəm Daniel’g 4:11

Yeḛ ɔr ndia gə́ tar wəl pana: Tugaje kag lé ləm, gaŋgje barkəmeeje ləm, Yəgje kameje yəg-yəg ləma, Saneje ka̰dee kad-kad ləm tɔ. Maji kar daje gə́ gelee’g d’aḭ sanéna̰ ləm, Kar yelje gə́ mbuna barkəmeeje’g kara D’ḭ sanéna̰ ya ləm tɔ!

Loo gə́ killa rea kəm Daniel’g 4:21

Ǝi mbai, aa oo, ginee ɓa nee, aa oo, godndu Njekurdɔloo gə́ a gə kaw lée’g dɔi-i mbai’g lé ɓa nee to:

Loo gə́ killa rea kəm Daniel’g 4:29

D’a gə kɔsi mbuna dəwje’g tubai ləm, loo-sii a to mbuna daje gə́ wala ləma, i a sɔ mu to gə́ bɔ maŋgje bèe ləm tɔ. Ləbje siri d’a dəs dɔi’g saar i a gər gao to gə́ Njekurdɔloo o̰ ɓee dɔ ko̰ɓee’g lə dəwje lai ləm, dəw gə́ yeḛ wɔjee mée’g ɓa yeḛ aree o̰ ɓee ləm tɔ.

Matiyo 14:4

Mbata Ja̰ ula Herɔdə pana: To dené gə́ kəm karee-yeḛ təa el.

Loo gə́ killa rea kəm Ja̰’g 18:5

Mbata kaiyaje ləa lé rɔd dɔ na̰ neg-neg saar teḛ dara ndá mee Ala olé dɔ néra majelje’g ləa.