Loo gə́ killa rea kəm Daniel’g 4:12 - Maktub gə́ To gə Kəmee

¹² Nɛ ya̰je jigee dɔ ŋgirá’g Ndá tɔje mbuna muje gə́ wala Gə kúla larje gə́ ra gə larndul gə larkas. Maji kar tàl tən keneŋ ləm, Kar mu gə́ təb to gə́ nésəa To gə́ daje bèe ləm tɔ.

Loo gə́ killa rea kəm Daniel’g 4:12 ပူးပေါင်းရင်းမြစ်များ

Maktub gə́ wɔji dɔ Jɔb 12:24

Yeḛ tuji négər lə mbaije lə koso-dəwje ləm, Yeḛ ar dee d’ila mbir-mbir dɔdilaloo’g lal rəw-kaw dee ləm tɔ.

Maktub gə́ wɔji dɔ Jɔb 14:7

Kag lé nékunda-mee-yel ləa to keneŋ, Loo gə́ deḛ tugá gaŋgee ndá yee tel uba gogo ləm, Barkəmeeje tel tuba gogo ləm tɔ.

Maktub gə́ wɔji dɔ Jɔb 14:9

Ndá yee tel idi loo gə́ ma̰-ndi si ree ləm, Yee tuba barkəmeeje to gə́ kag gə́ mea̰ sigi bèe ləm tɔ.

Nɔ̰-ndôo gə́ wɔji dɔ Jerusalem 4:20

Yeḛ gə́ kəmə le sí to mee jia’g lé, Yeḛ gə́ Njesigənea̰ wa dəa gə ubu lé Oso mee bwaje’g lə dee, Yeḛ gə́ jeḛ m’paje ta ləa m’pana: J’a síje kəmba ndilee’g Mbuna ginkoji dəwje gə raŋg’g lé.

Ejekel 17:23

N’a mea̰ dɔ mbal gə́ ŋgal gə́ Israɛl. Yee a tɔ barkəmeeje ləm, a kandə njim-njim ləma, a tel to kag-sɛdrə gə́ maji dum ləm tɔ. Yelje gə́ gə gel dee gel dee d’a kwa rɔ dee gelee’g ləm, néje lai gə́ gə bag dee d’a kwa rɔ dee barkəmeeje’g ləm tɔ.

Ejekel 31:17

Deḛ kara d’aw səa na̰’d loo-si njé gə́ d’wəi’g rɔ njé gə́ d’wəi yoo-kiambas’g, kédé lé deḛ to njégədeeje ləm, deḛ d’isi ndilee’g mbuna ginkoji dəwje gə raŋg’g ləm tɔ.

Loo gə́ killa rea kəm Daniel’g 4:14

Rəwta-gaŋg neelé to godndu kuraje gə́ dara. Né gə́ d’wɔji-kwɔji ra neelé to ndukun lə deḛ gə́ to gə kəmee mba kar dəwje gə́ d’isi kəmba lé gər ne to gə́ Njekurdɔloo o̰ ɓee dɔ ko̰ɓee’g lə dəwje lai ləm, dəw gə́ yeḛ wɔjee mée’g ɓa yeḛ aree ɓeeko̰ ləma, dəw gə́ oso kul unda mareeje lai kara lé yeḛ ɔree undá keneŋ ləm tɔ.

Matiyo 13:32

Ka̰dee lé to gə́ yəm-yəm bèe ba ar kandə néje gə́ raŋg lai lé moŋg undá ya. Nɛ yee neelé loo gə́ uba ndá ḭ ɓar-kag unda kag kamnaḭje gə́ raŋg lai ar yelje ree d’wa barkəmee ko̰-ko̰ ra kəi lə dee keneŋ.

Mark 13:32

Nɛ ta gə́ wɔji dɔ ndəa əsé dɔ kàree lé dəw kára kara gər el ɓəi, dəwje gə́ dara gər el ləm, Ŋgon kara gər el ləm tɔ, nɛ Bɔ-dəwje nja kára ba kiao ɓa gər ya.

Mark 4:32

Loo gə́ dəw dubee mba̰ ndá yee uba naŋg ḭ ɓar-kag unda kamnaḭje gə́ raŋg lai ar yelje ree d’wa barkəmee ko̰-ko̰ ra kəi lə dee ndilee’g tɔ.

Lugu 13:19

Yee to asəna gə kandə né gə́ ɓaree senebe gə́ dəw un dubu mee kamnaḭ’g ləa, yeḛ uba ndá ḭ ɓar-kag ar yelje gə́ tar ree d’wa na̰ barkəmee’g ko̰-ko̰ ra kəi lə dee keneŋ.