Loo gə́ killa rea kəm Daniel’g 3:29 - Maktub gə́ To gə Kəmee

²⁹ Aa ooje, ɓasinè ndukun ləm ɓa nee: Nana ɓa mbuna koso-dəwje’g əsé ginkoji dəwje gə raŋg’g əsé deḛ gə́ takɔji dee ɓəd-ɓəd gə́ rara kara ɓa gə́ pata gə́ majel ila dɔ Ala’lə Sadrak gə Mesak gə Abed-Nego ndá debee neelé d’a kwá tiee mbidi-mbidi ləm, kəi ləa kara d’a tɔ pɔs-pɔs karee to ɓiri-ɓisi ləm tɔ mbata magə gə́ rara kara gə́ askəm kɔr dəwje kɔm dee tar to gə́ yeḛ bèe lé godo.

Loo gə́ killa rea kəm Daniel’g 3:29 ပူးပေါင်းရင်းမြစ်များ

2 Mbaije 10:27

Deḛ t’ɔs néndaji magə-Baal tila ləm, deḛ kunda kəi lə magə-Baal pɔs-pɔs tɔ ləm tɔ ndá d’ar lé neelé to gə́ ɓiri-ɓisi saar teḛ mee ndəa gən tɔ.

Esdras 6:11

Tɔɓəi aa ooje, ndukun gə́ m’un m’ar sí lé nana ɓa gə́ a kalta dɔ ta’g neelé ndá d’a kɔr kag gə́ boi gə́ mee kəi’g ləa ya kur teá keneŋ, tɔɓəi d’a kar kəi ləa tel to gə́ ɓiri-ɓisi tɔ.

Pakɔsje 3:8

Njesigənea̰, maji kari uba naŋg ḭta! Ala ləm, maji kari taam ya! Mbata i to njekunda kwɔji njéba̰je ləm lai ləm, I təd ŋgaŋ njémeeyèrje njigi-njigi ləm tɔ.

Pakɔsje 76:10

Loo gə́ Ala ḭ mba gaŋgta Gə mba kaji ne njénékəmndooje lai gə́ dɔ naŋg nee.

Loo gə́ killa rea kəm Daniel’g 1:19

Mbai lé wɔji sə dee ta, ndá mbuna basaje’g lai neelé dəw kára kara gə́ to asəna gə Daniel, gə Hanania, gə Mikaɛl, gə Ajaria lé godo. Togə́bè ɓa deḛ d’andə ne loo kula’g lə mbai lé.

Loo gə́ killa rea kəm Daniel’g 1:7

Njekaa dɔ néje gə́ mee kəi’g lə mbai lé unda ri dee togə́bè: Daniel lé yeḛ unda ria lə Belsasar ləm, Hanania lé yeḛ unda ria lə Sadrak ləm, Mikaɛl lé yeḛ unda ria lə Mesak ləma, Ajaria lé yeḛ unda ria lə Abed-Nego ləm tɔ.

Loo gə́ killa rea kəm Daniel’g 2:17

Gée gə́ gogo, Daniel tel aw mee kəi’g ləa ndá yeḛ ɔr goo ta neelé ar kuramareeje gə́ ri dee lə Hanania gə Mikaɛl gə Ajaria ar dee d’oo səa.

Loo gə́ killa rea kəm Daniel’g 2:47

Mbai lé un ta ula Daniel pana: Tɔgərɔ ya, Ala lə sí to magə gə́ ur dɔ magəje lai ləm, yeḛ to Mbai gə́ ur dɔ mbaije ləm tɔ. Yeḛ to njeriba dɔ néje gə́ to loo-kiya’g mbata i nja ɓa riba dɔ né gə́ to loo-kiya’g neelé gə́ raga.

Loo gə́ killa rea kəm Daniel’g 2:49

Daniel lé ra ndòo rɔ mbai’g mba karee ɔm kula kaa dɔ dəb ɓeeko̰ gə́ Babilɔn lé ji Sadrak, gə Mesak, gə Abed-Nego’g. Nɛ Daniel ndá nai gə́ njekwɔjimbai ta kəmkàr tɔ.

Loo gə́ killa rea kəm Daniel’g 2:5

Mbai lé un ta ula Kaldeje lé pana: Ni gə́ m’ni lé igim sel. Ɓó lé seḭ amje m’oo ni ləm gə ginee na̰’d el ndá m’a kar dee ti sí mbidi-mbidi ləm, kəije lə sí kara d’a təd dee kar dee tel to ɓiri-ɓisije ya ləm tɔ.

Loo gə́ killa rea kəm Daniel’g 3:12

Ŋga Judaje gə́ na̰je gə́ i unda dee gə njékaa dɔ néje mee dəb ɓeeko̰ gə́ Babilɔn lé deḛ gə́ ri dee lə Sadrak gə Mesak gə Abed-Nego lé, əi mbai, deḛje neelé d’ooi gə́ né el. Deḛ ra né d’ar magəje ləi el ləm, d’wa néndaji gə́ ra gə larlɔr gə́ i uree tar lé meḛ dee’g el ləm tɔ.

Loo gə́ killa rea kəm Daniel’g 3:15

Ɓasinè lé, meḛ sí dɔ rɔ sí’g ar loo gə́ seḭ a kooje ndu to̰to̰ ləm, gə ndu buula ləm, gə kṵdu-ko̰dè ləm, gə kṵdu-ka ləm, gə kṵdu-jaŋ ləm, gə nékɔspa ləma, gə nékimje ɓəd-ɓəd ləm tɔ ndá seḭ a kundaje barmba ləm, seḭ a kwaje néndaji gə́ m’ra lé meḛ sí’g ləm tɔ. Ɓó lé seḭ a kwáje meḛ sí’g el ndá léegəneeya d’a kwa sí kɔm sí mee bwa pər gə́ o̰ bilim-bilim’g. Ŋga see magə gə́ ra ɓa a kɔr sí jim’g kɔm sí tar wa.

Loo gə́ killa rea kəm Daniel’g 3:17

Aa oo, Ala lə sí gə́ jeḛ n’to kuraje ləa lé askəm kɔr sí mee bwa pər gə́ o̰ bilim-bilim’g lé kɔm sí tar ya, tɔɓəi yeḛ a kɔr sí jii-i mbai’g lé ya tɔ.

Loo gə́ killa rea kəm Daniel’g 3:28

Nebukadnesar un ta pa pana: Maji kar dɔ ri Ala lə Sadrak gə Mesak gə Abed-Nego ai səgərə. Yeḛ nja ɓa ula kura ləa gə́ dara mbuna dee’g ləm, yeḛ ɔr kuraje ləa neelé ɔm dee tar ləm tɔ. Mbata deḛ neelé d’ɔm meḛ dee dəa’g jəb-jəb ləm, d’ɔs ne ta ləm-ma gə́ m’to mbai lé rəw ləma, d’ya̰ rɔ dee yag ləm tɔ, yee ɓa d’oo gə́ nékəmra gə́ maji unda ra né kar magə gə́ raŋg gə́ rara kara əsé kwa magə gə́ raŋg meḛ dee’g korè ne dɔ Ala lə dee.

Loo gə́ killa rea kəm Daniel’g 6:28

Yeḛ nja ɓa ɔr dəwje Dan tuji’g aji dee ləm, Yeḛ ar nétɔjije gə nédumkooje To dan dara’g gə dɔ naŋg nee ləm tɔ. Yeḛ nja ɓa taa Daniel Ji siŋgamoŋ’d lə toboḭje lé tɔ.

Tel tura Godndu 32:31

Mbata yeḛ gə́ to mbal lə dee lé To asəna gə yeḛ gə́ to mbal lə síjeḛ el, Njéba̰je lə sí ya kara To gə́ njékɔr géeje ya tɔ.