Loo gə́ killa rea kəm Daniel’g 3:27 - Maktub gə́ To gə Kəmee

²⁷ Togə́bè ɓa njékaa dɔ dəb ɓeeko̰je ləm, gə njékaa dɔ néje ləm, gə njéguburuɓeeje ləma, gə njékwɔjitakəmkàrje lə mbai ləm tɔ lé mbo̰ dɔ na̰ loo kára. Deḛ d’oo to gə́ pər lé ra né kára kara rɔ dəwje’g neelé el ləm, yiŋga dɔ dee kara pər unda aree go̰dərɔ el ləm, né kára kara ra kubuje lə dee gə́ rɔ dee’g el ləma, baḭ pər ya kara ə̰də rɔ dee’g el ləm tɔ.

Loo gə́ killa rea kəm Daniel’g 3:27 ပူးပေါင်းရင်းမြစ်များ

1 Mbaije 13:28

yeḛ ɔd aw. Yeḛ iŋga nin dəw lé rəbee ləm, mulayḛ̀je gə toboḭ lé d’aar mbɔr ninee’g lé ləm tɔ. Toboḭ lé sɔ ninee el ləm, gə tɔl mulayḛ̀je lé el ləm tɔ.

2 Mbaije 19:19

Ɓasinè, Njesigənea̰, Ala lə sí, ɔr sí ji Sa̰kɛrib’g gə mba kar ɓeeko̰je gə́ dɔ naŋg nee lai d’oo to gə́ i nja kára ba to Njesigənea̰!

Pakɔsje 83:18

Maji kar kaar dee to kərm, kar dee ndəb pəd-pəd saar gə no̰ ya ləm, Maji kar dee nai gə rɔkul ɓó gə d’udu ne guduru ya ləm tɔ.

Esai 26:11

Njesigənea̰, ji siŋgamoŋ ləi ɓar mèr-mèr ya Nɛ deḛ d’oo bèe el. D’a koo mal koso-dəwje ləi gə́ rai Ndá rɔ dee a kul ne, Pər a roo njéba̰je ləi dula-dula.

Esai 43:2

Ɓó lé seḭ aw gaŋgje mán ndá M’a nai sə sí Ndá baa-booje d’a tur dɔ sí el, Ɓó lé seḭ njaaje dan pər’g ndá A roo sí el ləm, Ndo̰ pər a kunda sí bilim el ləm tɔ.

Loo gə́ killa rea kəm Daniel’g 3:21

Dəwje neelé d’aar gə kubuje gə́ gwɔji gə́ gel maree’g rɔ dee’g ləm, gə kubuje lə dee gə́ ŋgal yududu ləm, gə kubuje lə deḛ gə́ raŋg ləm tɔ ɓa deḛ tɔ dee d’ɔm dee ne mee bwa pər gə́ o̰ bilim-bilim’g lé.

Loo gə́ killa rea kəm Daniel’g 6:23

Ala ləm ula kura ləa gə́ dara aree ndém ta toboḭje sud-sud mba kar dee ra səm némajel kára kara el mbata ta kára kara wa dɔm nea̰’g el. Ǝi mbai, nɔḭ-i’g ya kara m’ra né gə́ majel kára kara el tɔ.

Loo gə́ killa rea kəm Daniel’g 6:7

Togə́bè ɓa mbaije neelé gə njékaa dɔ dəb ɓeeko̰je lé mbo̰ dɔ na̰ rɔ mbai’g d’ar ndu dee ɓar birim-birim, tɔɓəi d’ulá ta togə́bè pana: Mbai Darius, maji kari si gə ləbi-ləbi gə nɔḭ!

Matiyo 10:30

Yiŋga dɔ sí kara deḛ tura dém-dém ya.

Néra Njékaḭkulaje 26:26

Kəm mbai inja dɔ taje’g neelé yee ɓa m’wɔji ne səa ta yororo-yororo, ma m’gər gao, ta néje neelé kára kara a lal mbia el, mbata néje gə́ m’wɔji sí lé taree teḛ kəm dəwje’g lai ɓó to né gə́ ra loo-kiya’g el.

Néra Njékaḭkulaje 27:34

M’tɔg sí kar sí sɔje né, mbata yee ɓa gə́ kuma̰ kar sí ajije ne ləm, yiŋga dɔ dəw ya kára kara mbuna sí’g a kigi gə mḭdé el ləm tɔ.

Ǝbrəje 11:34

Deḛ neelé tɔl pər gə́ o̰ bilim-bilim misi ləm, deḛ teḛ ta kiambas gə́ adə làm-làm’g ləm, lé d’oso gə rɔko̰ pid-pid kara d’aji ne kədərə ləma, d’wa rɔ dee kɔgərɔ loo-rɔ’g ləma, tuba ne njéboo-rɔje gə́ dɔ ɓeeje gə́ raŋg lé ləm tɔ.