Loo gə́ killa rea kəm Daniel’g 3:17 - Maktub gə́ To gə Kəmee

¹⁷ Aa oo, Ala lə sí gə́ jeḛ n’to kuraje ləa lé askəm kɔr sí mee bwa pər gə́ o̰ bilim-bilim’g lé kɔm sí tar ya, tɔɓəi yeḛ a kɔr sí jii-i mbai’g lé ya tɔ.

Loo gə́ killa rea kəm Daniel’g 3:17 ပူးပေါင်းရင်းမြစ်များ

Gḭ-Néje 17:1

Loo gə́ ləb Abram aḭ rɔ-jinaikara-giree-jinaikara (99) ndá Njesigənea̰ teḛ kəm Abram’g ulá pana: Ma m’to Ala gə́ Bao-siŋgamoŋ. Maji kari njaa gə gelgodo ləi nɔm’g.

Gḭ-Néje 18:14

Njesigənea̰ lé see né gə́ njedumee to keneŋ ya wa. Mee ndəa gə́ m’wɔji, mee naḭ gə́ togə́bè lé m’a tel ree rɔi’g ndá Sara a koji ŋgon gə́ diŋgam ya.

Maktub gə́ wɔji dɔ Jɔb 34:29

Ɓó lé yeḛ ar loo to lɔm ndá See na̰ ɓa a kaskəm kɔm ɓəl dɔ dəwje’g wa. Ɓó lé yeḛ iya kəmee ndá see na̰ ɓa askəm kée wa. Yeḛ ra né gə ginkoji dəwje gə raŋg əsé dəw gə́ kára aree asəna

Maktub gə́ wɔji dɔ Jɔb 5:19

Nékəmndooje gə́ gɔl misa̰ lé yeḛ a kɔri keneŋ Ndá njekɔm’g gɔl siri a tibi mbɔri el tɔ.

Pakɔsje 115:3

Ala lə sí lé si dara ya, Yeḛ nja ra néje lai to gə́ mée ndigi.

Pakɔsje 37:39

Kaji lə njémeekarabasurje lé ḭ rɔ Njesigənea̰’g, Yeḛ to njekaḭ bada dɔ dee’g dan néurti’g tɔ.

Pakɔsje 37:40

Njesigənea̰ nja to gə́ njela sə dee ləm, gə njetaa dɔ dee ləm tɔ, Yeḛ ɔr dee ji njémeeyèrje’g aji dee ne Mbata deḛ nja saŋg njo̰loo-kula-dɔ dee rəa’g.

Pakɔsje 73:20

To asəna gə néni gə́ sané pá Loo gə́ dəw ndel ne dɔ ɓi’g bèe lé Mbaidɔmbaije, loo gə́ i ndel dɔ ɓi’g ləi lé Ndá i a kḛji dee bəḭ-bəḭ koo dee ne gə́ né gə́ əḭ el.

Esai 12:2

Aa oo, Ala gə́ to njeginkajim, M’a kɔm məəm dəa’g jəb-jəb Ndá m’a ɓəl né kára el, Mbata Njesigənea̰, Njesigənea̰ to siŋgam ləm, Gə gin pa pidije ləm ləm tɔ, Yeḛ nja tel to njekajim.

Esai 54:14

I a kaar njaŋg gə goo néra gə́ gə dɔ najee, Nékula kəmi ndòo a tibi mbɔri el, Mbata né kára gə́ i a ɓəlee ndəb ne pəd-pəd lé a godo, Mbata a tibi mbɔri nda̰ el.

Jeremi 1:8

I a ɓəl kəm dee el, Mbata m’a nai səi gə mba kajii. Njesigənea̰ ɓa pa bèe.

Jeremi 15:20

N’a telm asəna gə ndògo-larkas Mbata lə koso-dəwje neelé. D’a rɔ səm nɛ d’a dum dɔm el. Mbata n’a nai səm gə mba kajim ləm, Mba kɔrm ji dee’g ləm tɔ. Njesigənea̰ ɓa pa bèe.

Jeremi 15:21

N’a taam ji njémeeyèrje’g ləm, N’a kajim ji njéra né kərm-kərmje’g ləm tɔ.

Loo gə́ killa rea kəm Daniel’g 3:26

Gée gə́ gogo Nebukadnesar rəm pər gə́ ta bwa pər gə́ o̰ bilim-bilim’g ndá yeḛ pata pana: Sadrak, Mesak, gə Abed-Nego, seḭ kuraje lə Ala gə́ Njedumdɔloo lé undaje loo teḛje gə́ raga nee! Ndá Sadrak gə Mesak gə Abed-Nego d’unda loo dan pər’g lé teḛ raga ya tɔ.

Loo gə́ killa rea kəm Daniel’g 6:16

Nɛ diŋgamje neelé d’ɔs mbai lé ɓɔḭ-ɓɔḭ d’ulá pana: Ǝi mbai, maji kari oo gao, godndu lə Medəje gə Persəje wɔji mba kar né kɔg loo ra né gə́ rara əsé godndu gə́ rara gə́ mbai unda jia keneŋ lé ndá to njaŋg ya ɓó loo telee raŋg godo.

Loo gə́ killa rea kəm Daniel’g 6:23

Ala ləm ula kura ləa gə́ dara aree ndém ta toboḭje sud-sud mba kar dee ra səm némajel kára kara el mbata ta kára kara wa dɔm nea̰’g el. Ǝi mbai, nɔḭ-i’g ya kara m’ra né gə́ majel kára kara el tɔ.

Loo gə́ killa rea kəm Daniel’g 6:27

Ma m’un ndum mba kar goo ɓeeko̰ ləm lai lé dəwje ɓəl Ala lə Daniel ləm, ndəb pəd-pəd nea̰’g ləm tɔ. Mbata yeḛ nja ɓa to Ala gə́ Njesikəmba ləm, Gə Njesigənea̰ ləm tɔ, Ɓeeko̰ ləa lé a tuji nda̰ el ləm, Dum dɔ loo ləa kara A to saar-saar gə no̰ ləm tɔ.

Misee 7:7

Ma ndá m’a tel kəm par gə́ rɔ Njesigənea̰’g ləm, M’a kunda məəm yel gə́ dɔ Ala gə́ to njekajim ləm tɔ, Ala ləm a koo ndum ya.

Lugu 1:37

Mbata Ala lé né kára gə́ njedumee godo.

Néra Njékaḭkulaje 20:24

M’ra né kára kara gə mba taa ne rɔm el ləm, m’oo rɔm gə́ né gəd kəm dɔ’g el ləm tɔ. Né gə́ wa məəm lé kɔr suna rəw ləm gə meendakaḭ ləm, gə tɔl ta kula gə́ Mbaidɔmbaije Jeju ɔm jim’g, am m’ula dee ne tagə́maji gə́ wɔji dɔ noji lə Ala lé ləm tɔ lé yee ɓa gə́ né gə́ wa məəm ya.

Néra Njékaḭkulaje 21:13

Yen ŋga Pool tel ila dee keneŋ pana: See ban ɓa seḭ no̰je arje ɓəŋgərəm a gə ti ne dus nee wa. Lée kwa əsé kwəi Jerusalem’g kara m’isi dɔ gɔlm’g kəgəgə gə mba kaw keneŋ mbata lə ri Mbaidɔmbaije Jeju Kristi lé ya.

Njé gə́ Rɔmə 8:31

See j’a pa ban dɔ ta’g neelé ɓəi wa. Ɓó lé Ala nai sə sí ndá see na̰ ɓa a koma̰ sə sí gə dɔrea wa.

2 Njé gə́ Kɔrḭtə 1:10

Yeḛ nja ɓa ɔr sí ta yoo gə́ togə́bè ya ləm, j’unda meḛ sí yel dəa’g mba karee teḛ sə sí ta yoo’g ndɔ gə́ raŋg’d ɓəi tɔ.

Ǝbrəje 7:25

Yee gə́ bèe ɓa, yeḛ askəm kaji ne deḛ gə́ mbɔl dəa ɓa rəm pər gə́ rɔ Ala’g lé, a kaji dee ne kɔr njal mbata yeḛ to njesikəmba saar-saar gə no̰ mba ra rəwta lə dee-deḛ kar dee ya.

1 Samel 17:37

Dabid pa tɔɓəi pana: Njesigənea̰ gə́ njetaam ji toboḭ’g gə ji da-urs’g lé a taam ji dəw gə́ Pilisti gə́ nee bèe ya tɔ. Yen ŋga Sawul ula Dabid pana: Aw ndá maji kar Njesigənea̰ nai səi ya.

1 Samel 17:46

Ɓogənè Njesigənea̰ a kilai jim’g ndá m’a rɔ səi tuga dɔi gaŋg. Ɓogənè m’a kar nin kudu-njérɔje lə Pilistije to ka̰ yelje gə́ dara gə daje gə́ dɔ naŋg nee to gə́ nésɔ dee. Yee ɓa dəwje gə́ dɔ naŋg nee lai d’a gər to gə́ Ala lə Israɛlje si keneŋ gən ya.