Loo gə́ killa rea kəm Daniel’g 3:15 - Maktub gə́ To gə Kəmee

¹⁵ Ɓasinè lé, meḛ sí dɔ rɔ sí’g ar loo gə́ seḭ a kooje ndu to̰to̰ ləm, gə ndu buula ləm, gə kṵdu-ko̰dè ləm, gə kṵdu-ka ləm, gə kṵdu-jaŋ ləm, gə nékɔspa ləma, gə nékimje ɓəd-ɓəd ləm tɔ ndá seḭ a kundaje barmba ləm, seḭ a kwaje néndaji gə́ m’ra lé meḛ sí’g ləm tɔ. Ɓó lé seḭ a kwáje meḛ sí’g el ndá léegəneeya d’a kwa sí kɔm sí mee bwa pər gə́ o̰ bilim-bilim’g. Ŋga see magə gə́ ra ɓa a kɔr sí jim’g kɔm sí tar wa.

Loo gə́ killa rea kəm Daniel’g 3:15 ပူးပေါင်းရင်းမြစ်များ

2 Mbaije 18:35

Mbuna magəje lai gə́ wɔji dɔ ɓeeje neelé see yee gə́ ra ɓa taa ɓee lə dee ji neḛ’g ŋga ɓa Njesigənea̰ ɓa a taa Jerusalem ji neḛ’g ɓəi wa.

Teḛ-Raga 32:32

Ɓasinè ar məəi oso lemsé dɔ kaiya’g lə dee kɔgərɔ kari ya! Ɓó lé togə́bè el ndá ma m’ra ndòo rɔi’g mba kari tuji rim mee maktub’g ləi gə́ i nja ndaŋg lé.

Teḛ-Raga 5:2

Parao̰ ila dee keneŋ pana: See Njesigənea̰ to gə́ na̰ ɓa m’a kila ŋgonkoji dɔ tapea’g mba kya̰ ne Israɛlje kar dee d’aw wa. Njesigənea̰ lé ma m’gəree el ləm, m’a kya̰ Israɛlje kar dee d’aw bèe el ləm tɔ.

Esai 37:23

See na̰ ɓa i tajee ila ne ndɔl dəa’g wa. See na̰ ɓa i ndɔḭ ndui dəa’g ləm, I teḛ kəmi bəsəsə dəa’g ləm wa. Dɔm ma gə́ m’to Njerɔkunda lə Israɛlje lé ya wa.

Loo gə́ killa rea kəm Daniel’g 2:47

Mbai lé un ta ula Daniel pana: Tɔgərɔ ya, Ala lə sí to magə gə́ ur dɔ magəje lai ləm, yeḛ to Mbai gə́ ur dɔ mbaije ləm tɔ. Yeḛ to njeriba dɔ néje gə́ to loo-kiya’g mbata i nja ɓa riba dɔ né gə́ to loo-kiya’g neelé gə́ raga.

Loo gə́ killa rea kəm Daniel’g 2:9

Ɓó lé seḭ amje m’gər ni ləm el ndá rəwta-gaŋg gə́ kára ba a kwa dɔ sí lai. Seḭ ndigi kwaje dɔ gɔl rɔ sí mba kulamje taŋgɔmje ləm, gə taje gə́ to gə goo rəbee el ləm tɔ gə mba ŋgina ne kar takə̰ji gə́ raŋg teḛ ɓa. Bèe ndá ulamje ni ləm ɓa m’a gər to gə́ seḭ asjekəm kɔrje ginee kamje ɓəi.

Loo gə́ killa rea kəm Daniel’g 3:17

Aa oo, Ala lə sí gə́ jeḛ n’to kuraje ləa lé askəm kɔr sí mee bwa pər gə́ o̰ bilim-bilim’g lé kɔm sí tar ya, tɔɓəi yeḛ a kɔr sí jii-i mbai’g lé ya tɔ.

Loo gə́ killa rea kəm Daniel’g 6:16

Nɛ diŋgamje neelé d’ɔs mbai lé ɓɔḭ-ɓɔḭ d’ulá pana: Ǝi mbai, maji kari oo gao, godndu lə Medəje gə Persəje wɔji mba kar né kɔg loo ra né gə́ rara əsé godndu gə́ rara gə́ mbai unda jia keneŋ lé ndá to njaŋg ya ɓó loo telee raŋg godo.

Loo gə́ killa rea kəm Daniel’g 6:20

Ta lookàr gə́ loo to gḭdo-gḭdo ɓəi ndá mbai ḭ aw gə tɔgee ta bwa toboḭje’g lé.

Matiyo 10:19

Loo gə́ d’a kaw sə sí loo-gaŋg-rəwta’g ndá arje meḛ sí pélé wəs-wəs dɔ ta gə́ seḭ a kɔrje’g el ləm, əsé ta gə́ seḭ a paje keneŋ el ləm tɔ. Ta gə́ seḭ a paje lé seḭ a kiŋgaje gə́ léegəneeya.

Matiyo 27:43

Yeḛ unda mée yel dɔ Ala’g lé, ɓó lé Ala ndigee ndá maji karee wá ɔree ɓasinè. Mbata yeḛ pana: Neḛ n’to Ŋgon-Ala ya.

Mark 13:11

Loo gə́ d’a ndɔr sí kaw sə sí loo-gaŋg-rəwtaje’g ndá arje meḛ sí pélé wəs-wəs dɔ ta gə́ seḭ a kila deeje keneŋ el, nɛ ta gə́ d’a kula ta sí’g mee kàree’g neelé ɓa gə́ paje ya. Mbata to seḭ nja ɓa a kḭje gə ta neelé paje gə dɔrɔ sí el nɛ Ndilmeenda ɓa a kula ta ta sí’g ya.

Lugu 12:11

Loo gə́ d’a ndɔr sí kaw sə sí mee kəi-kwa-dɔ-na̰je’g ləm, əsé no̰ mbai dɔ njégaŋgtaje’g ləma, əsé no̰ njéko̰ɓeeje’g ləm tɔ ndá maji kar sí arje meḛ sí pélé wəs-wəs dɔ ta gə́ seḭ a gə kɔrje mba taaje ne dɔ sí el ləm, əsé ta gə́ seḭ a paje keneŋ el ləm tɔ,

Lugu 13:9

Banelə ləb gə́ gogo yee a kandə gə́ kandə ya, ɓó lé bèe el ndá m’a tuga badə gaŋg ɓəi.

Néra Njékaḭkulaje 4:19

Piɛrə gə Ja̰ tel d’ila dee keneŋ pana: Ǝ̰jije maji ooje no̰ Ala’g ɓasinè ɓa, see ra torndu sí-seḭ ŋga ɓa maji unda ra ka̰ Ala wa.

Néra Njékaḭkulaje 5:29

Piɛrə gə njékaḭkulaje d’ila dee keneŋ pana: Lé riri kara kila koji dɔ Ala’g lé ɓa maji ur dɔ ka̰ dəwje’g.

Néra Njékaḭkulaje 6:15

Dəwje lai gə́ d’isi loo-gaŋg-rəwta’g lə Jibje lé loo gə́ d’orè kəm dee dɔ Etien’g sḭ ndá d’oo kəmee to jəgəgə to gə́ ka̰ dəw gə́ dara bèe.