Loo gə́ killa rea kəm Daniel’g 3:11 - Maktub gə́ To gə Kəmee

¹¹ Tɔɓəi i wɔji mba kar nana ɓa gə́ a kunda barmba gə mba kwá mée’g el ndá d’a kilá mee bwa pər gə́ o̰ bilim-bilim’g.

Loo gə́ killa rea kəm Daniel’g 3:11 ပူးပေါင်းရင်းမြစ်များ

Loo gə́ killa rea kəm Daniel’g 3:10

Ndukun gə́ i nja un lé wɔji mba kar deḛ lai gə́ d’a koo ndu to̰to̰ ləm, gə ndu buula ləm, gə kṵdu-ko̰dè ləm, gə kṵdu-ka ləm, gə kṵdu-jaŋ ləm, gə nékɔspa ləma, gə nékimje ɓəd-ɓəd tɔ ndá d’a kunda barmba mba kwa néndaji gə́ ra gə larlɔr lé meḛ dee’g.

Loo gə́ killa rea kəm Daniel’g 3:12

Ŋga Judaje gə́ na̰je gə́ i unda dee gə njékaa dɔ néje mee dəb ɓeeko̰ gə́ Babilɔn lé deḛ gə́ ri dee lə Sadrak gə Mesak gə Abed-Nego lé, əi mbai, deḛje neelé d’ooi gə́ né el. Deḛ ra né d’ar magəje ləi el ləm, d’wa néndaji gə́ ra gə larlɔr gə́ i uree tar lé meḛ dee’g el ləm tɔ.

Loo gə́ killa rea kəm Daniel’g 3:6

Nana ɓa gə́ unda barmba mba kwá mée’g el ndá léegəneeya d’a kwá kilá mee bwa pər gə́ o̰ bilim-bilim’g.

Loo gə́ killa rea kəm Daniel’g 6:13

Tɔɓəi d’ḭ d’aw no̰ mbai’g dəjee ta gə́ wɔji dɔ né kɔg loo ra né gə́ ka̰ mbai lé pana: See i ndaŋg né kɔg loo ra né rədədə mba kar mee ndɔje gə́ rɔ-munda lé nana ɓa gə́ a ra tamaji ta magə gə́ rara’g əsé ta dəw gə́ rara’g ɓó a ra tai-i mbai’g lé el ndá debee neelé d’a kilá mee bwa’g dan toboḭje’g ya, see i pa bèe el wa. Mbai lé ila dee keneŋ pana: Ta neelé to tɔgərɔ ya gə goo godndu Medəje gə Persəje gə́ dəw askəm telee ɓəd nda̰ el lé.

Loo gə́ killa rea kəm Daniel’g 6:7

Togə́bè ɓa mbaije neelé gə njékaa dɔ dəb ɓeeko̰je lé mbo̰ dɔ na̰ rɔ mbai’g d’ar ndu dee ɓar birim-birim, tɔɓəi d’ulá ta togə́bè pana: Mbai Darius, maji kari si gə ləbi-ləbi gə nɔḭ!

Néra Njékaḭkulaje 5:23

pana: Jeḛ n’teḛ takəi daŋgai ndá takəi lé to gə loo kudee jigi-jigi ləm, njéŋgəmlooje kara d’isi takəi’g lé ya ləm tɔ, nɛ loo gə́ jeḛ j’ɔs takəi ɓɔgədɔ j’ɔr ndá j’wa loo wodolo mee kəi’g ɓó j’iŋga dəw kára kara keneŋ el.