Loo gə́ killa rea kəm Daniel’g 2:9 - Maktub gə́ To gə Kəmee

⁹ Ɓó lé seḭ amje m’gər ni ləm el ndá rəwta-gaŋg gə́ kára ba a kwa dɔ sí lai. Seḭ ndigi kwaje dɔ gɔl rɔ sí mba kulamje taŋgɔmje ləm, gə taje gə́ to gə goo rəbee el ləm tɔ gə mba ŋgina ne kar takə̰ji gə́ raŋg teḛ ɓa. Bèe ndá ulamje ni ləm ɓa m’a gər to gə́ seḭ asjekəm kɔrje ginee kamje ɓəi.

Loo gə́ killa rea kəm Daniel’g 2:9 ပူးပေါင်းရင်းမြစ်များ

1 Mbaije 22:22

Yeḛ ilá keneŋ pana, M’a teḛ raga ndá m’a tel to ndil gə́ njetaŋgɔm ta njéteggintaje’g ləa lai. Njesigənea̰ ulá pana: I a su kəmee ndá i a dumee ya, aw ra togə́bè ya!

1 Mbaije 22:6

Mbai gə́ Israɛl mbo̰ njéteggintaje ləa as tɔl-sɔ (400) jén bèe ndá yeḛ dəji dee pana: See m’a kaw rɔ gə njé gə́ Ramot gə́ dɔ naŋg gə́ Galaad lé əsé m’a kaw el wa. Deḛ d’ilá keneŋ pana: Aw ya ndá Mbaidɔmbaije a kya̰ dee meḛ ji mbai’g ya.

Este 4:11

Kuraje lə mbai lai gə koso-dəwje gə́ mee dəb ɓeeko̰je’g lə mbai lai lé gər gao to gə́ godndu to keneŋ gə́ pa pana: Nana ɓa diŋgam əsé dené gə́ aw rɔ mbai’g mee gadloo gə́ to mee kəi’g ləa lal karee ɓaree ndá debee neelé d’a tɔlee gə́ tɔl ya. Nɛ yeḛ gə́ mbai un kag-larlɔr ula wɔji gə́ dəa ya kára ba ɓa a si kəmba ya. Nɛ neḛ lé as ndɔ rɔ-munda ɓasinè deḛ ɓar neḛ rɔ mbai’g el tɔ.

Gosota-Kəmkàrje 12:19

Kankəmta gə́ pa njaŋg lé to gə no̰, Nɛ taŋgɔm lé kuree əw waga ba.

Esai 41:23

Paje ta né gə́ a gə ree gogo ar sí j’ooje Gə mba kar sí n’gərje To gə́ seḭ toje gə́ magəje ya, Raje né gə́ maji əsé né gə́ majel ya kara Mba kar sí mbo̰je kəm sí dɔ’g sɔmɔmo̰ j’ooje.

Esai 44:25

M’tuji nétɔjije lə njétegginta gə́ ŋgɔmje ləm, M’ar njénékooje tel to mbəje ləm tɔ, M’rəm gə kəmkàr lə njékəmkàrje ləm, Négər lə dee lé ma m’telee gə́ némbə ləm tɔ.

Ejekel 13:17

Ma ŋgon-dəw lé maji kam m’turu kəm par gə́ dɔ ŋganje gə́ dené’g lə koso-dəwje ləm gə́ d’aw tegginta gə́ ḭ meḛ dee-deḛ’g ya lé ndá m’tegginta m’wɔji ne dɔ dee.

Ejekel 13:19

Seḭ ulaje sul dɔ neḛ’g rɔ koso-dəwje’g ləm, tɔlje ne dəwje gə́ kəm kar dee d’wəi el ɓəi ləm, nɛ ya̰je dəwje gə́ kəm kar dee d’isi kəmba el lé kəmba ləm tɔ mba kiŋga ne nduji kó-blé as ŋgo ji dəwje ləm, gə goŋ muruje ba ya ləm tɔ. Bèe ɓa seḭ ərje ne kəm koso-dəwje lə neḛ ar deeje tuga ne mbi dee gə́ dɔ taŋgɔm’g.

Ejekel 13:6

Némḭdije lə dee to gə́ néje gə́ gə mḭdé ba ləm, ginta gə́ deḛ teg to gə́ taŋgɔm ləm tɔ, deḛ pana: Njesigənea̰ ɓa pa bèe. Nɛ Njesigənea̰ ɓa ula dee kula el! Deḛ d’ar dəwje d’unda meḛ dee yel to gə́ ta lə dee a kaw lée’g béréré.

Loo gə́ killa rea kəm Daniel’g 2:16

Togə́bè Daniel ḭ aw rɔ mbai’g lé ra ndòo rəa’g mba karee ila mée ŋgina waga ɓa n’a kɔr gin ni lé kar mbai lé oo ɓəi.

Loo gə́ killa rea kəm Daniel’g 2:21

Yeḛ nja ɓa ar ndɔje gə néje gə́ d’a gə teḛ lé Tel to ne ɓəd ləm, Yeḛ ɓugu mbaije naŋg əsé unda dee tar ləma, Njékəmkàrje kara yeḛ ar dee gər gin né ya ləm tɔ.

Loo gə́ killa rea kəm Daniel’g 2:8

Mbai lé un ta tɔɓəi pana: Tɔgərɔ ma m’oo gao, seḭ ndigije tila gə́ tila kar kuru sí əw ne mbata seḭ ooje to gə́ ni gə́ m’ni lé igim sel.

Loo gə́ killa rea kəm Daniel’g 3:15

Ɓasinè lé, meḛ sí dɔ rɔ sí’g ar loo gə́ seḭ a kooje ndu to̰to̰ ləm, gə ndu buula ləm, gə kṵdu-ko̰dè ləm, gə kṵdu-ka ləm, gə kṵdu-jaŋ ləm, gə nékɔspa ləma, gə nékimje ɓəd-ɓəd ləm tɔ ndá seḭ a kundaje barmba ləm, seḭ a kwaje néndaji gə́ m’ra lé meḛ sí’g ləm tɔ. Ɓó lé seḭ a kwáje meḛ sí’g el ndá léegəneeya d’a kwa sí kɔm sí mee bwa pər gə́ o̰ bilim-bilim’g. Ŋga see magə gə́ ra ɓa a kɔr sí jim’g kɔm sí tar wa.

Loo gə́ killa rea kəm Daniel’g 5:28

PARSIN: D’a kunda kəm ɓeeko̰ ləi dana kai kar Medəje gə Persəje.

Loo gə́ killa rea kəm Daniel’g 7:25

Yee a pata kila ne ndɔl dɔ Njekurdɔloo’g ləm, yeḛ a kula kəm njémeendaje lə Njekurdɔloo ndòo ləma, yeḛ a ndiŋga rəa mba kar ndɔje gə godndu tel to ɓəd ləm tɔ. D’a kɔm njémeendaje jia’g as dɔkurloo kára ləm, gə dɔkurlooje joo ləma, gə ges dɔkurlooje ləm tɔ.

2 Njé gə́ Kɔrḭtə 2:17

Mbata jeḛ lé jeḛ n’tel ta lə Ala j’ila gel asəna gə ka̰ dəwje gə́ raŋg gə́ ra togə́bè lé el. Nɛ jeḛ ndá ne meḛ sí kaḭ m’pa ne ta mbata lə Ala ləm, jeḛ j’ɔm na̰’d gə Kristi m’pa ne ta no̰ Ala’g ləm tɔ.