Loo gə́ killa rea kəm Daniel’g 2:49 - Maktub gə́ To gə Kəmee

⁴⁹ Daniel lé ra ndòo rɔ mbai’g mba karee ɔm kula kaa dɔ dəb ɓeeko̰ gə́ Babilɔn lé ji Sadrak, gə Mesak, gə Abed-Nego’g. Nɛ Daniel ndá nai gə́ njekwɔjimbai ta kəmkàr tɔ.

Loo gə́ killa rea kəm Daniel’g 2:49 ပူးပေါင်းရင်းမြစ်များ

Este 2:19

Loo gə́ deḛ mbo̰ ŋgama̰dje dɔ na̰’d gə́ njekɔm’g gɔl joo lé Mardose si tarəwkɔg’d lə mbai ya.

Este 2:21

Mee ndəa gən lé loo gə́ Mardose si ne tarəwkɔg’d lə mbai lé Bigtan gə Teres, deḛ joo gə́ to njékaa dɔ néje lə mbai ləm, gə njéŋgəm takəije ləa ləm tɔ lé d’ar oŋg ḭ sə dee ɓa d’o̰ njuma̰ tɔl mbai Asuerus.

Este 3:2

Deḛ lai gə́ to kuraje lə mbai gə́ d’aar tarəwkɔg’d lə mbai lé rəm gə kəji dee naŋg d’unda barmba no̰ Aman’g mbata yee ɓa to ndukun gə́ mbai un wɔji ne dəa. Nɛ Mardose lé rəm gə kəjee naŋg unda barmba nea̰’g el.

Gosota-Kəmkàrje 28:12

Loo gə́ njémeekarabasurje d’un baŋga ndá To rɔnduba gə́ boo, Loo gə́ njémeeyèrje d’unda dɔ dee tar ndá Nana kara iya rəa gə́ kiya.

Jeremi 39:3

Yen ŋga deḛ lai gə́ to ŋgan-mbaije lə mbai gə́ Babilɔn lé d’aw kəm dee gə́ kédé d’aw d’isi tarəwkɔg’d gə́ ria lə Dana-bab lé. Deḛ lé ri dee ɓa nee: Nergal-Sareser ləm, Samgar-Nebu ləm, gə Sarsekim, mbai dɔ njékaa dɔ néje ləm, gə Nergal-Sareser, mbai dɔ bao-gosɔnégərje ləma, gə ŋgan-mbaije gə́ raŋg lai gə́ to ŋgan-mbaije lə mbai gə́ Babilɔn ləm tɔ.

Loo gə́ killa rea kəm Daniel’g 1:17

Basaje gə́ sɔ neelé Ala nja ar kəm dee inja dɔ négər’g ləm, ar dee to ne njégosonégərje gə́ wɔji dɔ maktubje gə dɔ kəmkàr’g ləm tɔ, Daniel kara askəm gər gin némḭdije gə nénije lai tɔ.

Loo gə́ killa rea kəm Daniel’g 1:7

Njekaa dɔ néje gə́ mee kəi’g lə mbai lé unda ri dee togə́bè: Daniel lé yeḛ unda ria lə Belsasar ləm, Hanania lé yeḛ unda ria lə Sadrak ləm, Mikaɛl lé yeḛ unda ria lə Mesak ləma, Ajaria lé yeḛ unda ria lə Abed-Nego ləm tɔ.

Loo gə́ killa rea kəm Daniel’g 2:17

Gée gə́ gogo, Daniel tel aw mee kəi’g ləa ndá yeḛ ɔr goo ta neelé ar kuramareeje gə́ ri dee lə Hanania gə Mikaɛl gə Ajaria ar dee d’oo səa.

Loo gə́ killa rea kəm Daniel’g 3:1

Mbai Nebukadnesar lé ar dee léḛ larlɔr gə́ néndaji ar ŋgalee as kəmkil dəw rɔ-misa̰ ləm, tadee kara as kəmkil dəw misa̰ ləm tɔ. Yeḛ uree tar wəl-loo gə́ ria lə Dura, dəb ɓeeko̰ gə́ Babilɔn.

Loo gə́ killa rea kəm Daniel’g 6:2

Darius oo to gə́ kɔr njékaa dɔ dəb ɓeeko̰je as tɔl dɔ dee rɔ-joo (120) kunda dee dɔ ɓeeko̰’g lai lé ɓa gə́ né gə́ maji kəm ra ya.

Amɔs 5:15

Maji kar sí ə̰jije néra gə́ majel bəḭ-bəḭ, Nɛ undaje néra gə́ maji ɓa dan kəm sí’g, Maji kar sí gaŋgje rəwta gə́ gə dɔ najee tarəwkɔg’d lé ɓa, Banelə Njesigənea̰, Ala gə́ njeboo-néje lé A koo kəmtondoo lə ges ŋgaka Jisəb gə́ nai lé ɓəi.