Loo gə́ killa rea kəm Daniel’g 2:44 - Maktub gə́ To gə Kəmee

⁴⁴ Mee ndəaje’g lə mbaije neelé Ala gə́ njesi mee dara’g a tum gin ɓeeko̰ gə́ a tuji nda̰ el ləm, a koso ji dəwje gə́ raŋg’d kar dee d’on dəa el ləm tɔ. Ɓeeko̰ neelé a təd ɓeeko̰je neelé lai kar dee d’udu guduru nɛ yee nja ɓa a nai gə ləbee-ləbee saar-saar gə no̰.

Loo gə́ killa rea kəm Daniel’g 2:44 ပူးပေါင်းရင်းမြစ်များ

Gḭ-Néje 49:10

Kag-mbai lé a kḭ rɔ Juda’g kaw raŋg el ləm, Kag-tɔs gə́ ka̰ ko̰ɓee lé a kḭ ŋgira gɔlee’g kaw raŋg el ləm tɔ Saar mba kar silo ɓa ree, Kar dəwje d’ila ŋgonkoji dəa’g ya.

2 Samel 7:13

Yeḛ nja ɓa a ra kəi gə mba rim ləm, tɔɓəi m’a kar kalimbai ɓeeko̰ ləa to njaŋg saar gə no̰ ləm tɔ.

2 Samel 7:16

Kəi ləa gə ɓeeko̰ ləa d’a to njaŋg gə no̰ ləm, kalimbai ləa kara a to njaŋg gə no̰ ləm tɔ.

Pakɔsje 145:13

Ko̰ɓee ləi lé to ko̰ɓee gə́ to gə ləbee-ləbee ləm, Dum dɔ loo ləi lé kara to njaŋg gə ləbee-ləbee ya ləm tɔ.

Esai 60:12

Mbata ginkoji dəwje gə́ rara gə ɓeeko̰ gə́ rara gə́ a ra né kari el ndá a tuji ləm, ginkoji dəwje gə raŋg neelé d’a tuji dee pugudu-pugudu kar dee godo ləm tɔ.

Ejekel 37:25

D’a si mee ɓee gə́ n’ar kura lə neḛ Jakob gə́ bɔ síje-je d’isi keneŋ lé, deḛ gə ŋgan deeje-je gə ŋgan meḛ ŋgan deeje d’a si keneŋ saar-saar gə no̰, ndá kura lə neḛ Dabid a to mbai lə dee saar-saar gə no̰ tɔ.

Loo gə́ killa rea kəm Daniel’g 2:28

Nɛ Ala gə́ si dan dara’g lé ɓa riba dɔ néje gə́ to loo-kiya’g ndá yeḛ nja ɓa ari-i Nebukadnesar, mbai lé oo né gə́ a gə teḛ meḛ ndɔje gə́ d’a gə ree ɓəi. Aa oo, ni ləi gə némḭdije gə́ i oo dee dɔ tira-toi’g lé ɓa nee:

Loo gə́ killa rea kəm Daniel’g 2:34

I aa loo ndá i oo kɔr mbal ɔr kaar mbal’g gə dɔrea, lal kar ji dəw ɓa ɔrɔ ndá wa gɔl néndaji gə́ to larndul gə a̰ji lé ar gɔleeje təd njigi-njigi.

Loo gə́ killa rea kəm Daniel’g 2:35

Togə́bè ɓa larndul gə a̰ji gə larkas gə larnda gə larlɔr təd na̰’d njigi-njigi tel to tana gə tisa kó gə́ sané kad loo-kunda-kó’g naḭ kàrá bèe ndá lel ula sané dee kad-kad ar dəw oo dee gogo el ŋga. Nɛ kɔr mbal gə́ wa gɔl néndaji lé tel to mbal gə́ boo gə́ un dɔ naŋg lad-lad.

Loo gə́ killa rea kəm Daniel’g 2:37

Ǝi mbai, i nja to mbai gə́ ur dɔ mbaije lai mbata Ala gə́ njesi mee dara’g ari ɓeeko̰ ləm, gə siŋgamoŋ ləm, gə tɔgmbaŋ ləma, gə rɔnduba ləm tɔ.

Loo gə́ killa rea kəm Daniel’g 2:43

I oo larndul gə́ pélé gə a̰ji na̰’d mbata d’a pélé mee na̰ gə manrɔje gə́ wɔji dɔ darɔ dəwje. Nɛ d’a kɔm ne na̰’d gəd-gəd el to gə́ larndul dee gə a̰ji kara d’ɔm na̰’d gəd-gəd el bèe lé tɔ.

Loo gə́ killa rea kəm Daniel’g 4:3

M’un ndum mba kar dee d’ar njékəmkàrje gə́ Babilɔn lai ree nɔm’g mba kar dee d’ɔr gin ni lé d’am.

Loo gə́ killa rea kəm Daniel’g 4:34

Ɓasinè, ma Nebukadnesar, m’pidii, m’ɔs gajii, m’ula rɔnduba dɔ mbai dɔ dara’g. Kula reaje lai to gə goo rəbee ya ləm, rəwje ləa to danasur ləma, deḛ gə́ njaa ti ne rɔ dee lé kara yeḛ askəm ɓugu dee naŋg ləm tɔ.

Loo gə́ killa rea kəm Daniel’g 6:26

Gée gə́ gogo ndá mbai Darius lé ndaŋg ta ar koso-dəwje lai ləm, gə ginkoji dəwje gə raŋg ləma, gə dəwje gə́ takɔji dee to gə ria-ria ləm tɔ gə́ d’isi dɔ naŋg nee pana: Maji kar sí síje dan meelɔm’g bèdèg ya!

Loo gə́ killa rea kəm Daniel’g 6:27

Ma m’un ndum mba kar goo ɓeeko̰ ləm lai lé dəwje ɓəl Ala lə Daniel ləm, ndəb pəd-pəd nea̰’g ləm tɔ. Mbata yeḛ nja ɓa to Ala gə́ Njesikəmba ləm, Gə Njesigənea̰ ləm tɔ, Ɓeeko̰ ləa lé a tuji nda̰ el ləm, Dum dɔ loo ləa kara A to saar-saar gə no̰ ləm tɔ.

Loo gə́ killa rea kəm Daniel’g 7:27

Ko̰ɓee ləm, gə dum dɔ loo ləma, gə boo-ronduba lə ɓeeko̰je gə́ dɔ naŋg neelé ləm tɔ lé d’a kar koso-dəwje gə́ to njémeendaje lə Njekurdɔloo lé tɔ. Ko̰ɓee ləa to ko̰ɓee gə́ to gə no̰ ləm, njédumdɔlooje lai d’a ra né karee ləma, d’a kila ne ŋgonkoji dəa’g ləm tɔ.

Loo gə́ killa rea kəm Daniel’g 8:25

Gə goo nékiŋgaje ləa gə́ d’a to yaa̰ ləm, gə teḛkɔr lə gosɔyèrje ləa ləm tɔ lé yeḛ a beelé ne dɔ rəa’g ləm, yeḛ a tuji ne dəwje bula gə́ d’isi dan meelɔm’g ləma, tɔɓəi yeḛ a kḭ gə Mbaidɔmbaije kɔsee rəw ləm tɔ. Nɛ d’a tədee rém-rém lal kar ji dəw kára kara ɔrɔ rəa.

Misee 4:7

Njémədje lé n’a kar dee tel to ges deḛ gə́ nai ləm, Deḛ gə́ n’tuba dee lé n’a tel dee gə́ ginkoji dəwje gə́ njésiŋgamoŋje ləm tɔ, Njesigənea̰ a ko̰ɓee dɔ dee’g dɔ mbal gə́ Sio̰ Un kudee mee ndəa’g neelé saar gə no̰.

Ajee 2:22

N’a tɔs kalimbai ɓeeko̰je tila ləm, n’a tuji siŋgamoŋ lə ɓeeko̰je lə ginkoji dəwje gə raŋg ləm, n’a tɔs pusu-rɔje gə dee gə́ d’isi dɔ’g tila dee ləma, kundaje gə njékaw rɔ gə kundaje lé d’a tɔl na̰ ləm tɔ.

Ajee 2:7

N’a yə ginkoji dəwje gə raŋg lai. Nébaoje lə ginkoji dəwje gə raŋg lai lé d’a ree ne ndá n’a kar rɔnduba taa mee kəi neelé pəl-pəl. Njesigənea̰ gə́ njeboo-néje ɓa pa bèe.

Matiyo 28:18

Jeju ree pər gə́ rɔ dee’g ula dee pana: Ma lé d’ula dɔmoŋ dɔm’g mba karm m’to dəw dɔ néje lai dara gə dɔ naŋg nee tɔ.

Tagə́maji gə́ Ja̰ ndang 12:34

Boo-dəwje d’ilá keneŋ pana: Godndu lé ndoo sí ar sí j’oo to gə́ Kristi lé a si gə no̰ ya. See ban ɓa i pana: Lé riri kara d’a kun Ŋgon-dəw kundá tar ɓəi wa. See Ŋgon-dəw neelé to gə́ na̰ ɓəi wa.

Ǝbrəje 12:28

Gelee gə́ nee ɓa jeḛ gə́ j’iŋga ɓeeko̰ gə́ a yə el lé ar sí j’ar ta ra oiyo neelé ɔr wur sí’g el, ar sí j’ar rəw kwa Ala meḛ sí’g lé to ne gə́ taa kəmee rəgm ləm, ar sí n’ra gə meenda londoŋ gə kaar gəd ləm tɔ,

Loo gə́ killa rea kəm Ja̰’g 11:15

Kura gə́ dara gə́ njekɔm dee’g siri lé im to̰to̰ ndá ndu dəwje ɓar dara doo-doo pana: Ɓeeko̰ gə́ naŋg neelé tel to ka̰ Mbaidɔmbaije lə sí gə ka̰ Kristi ləa ndá yeḛ a kuba dɔ dee gao sí tar gə ləbee-ləbee gə no̰ ya.

Loo gə́ killa rea kəm Ja̰’g 2:27

Yeḛ a kon dee gə kag-lar to gə́ dəw tɔ ne jo a̰jije pɔs-pɔs bèe to gə́ ma kara Bɔm un ndia am gə mba ra togə́bè ya tɔ.