Loo gə́ killa rea kəm Daniel’g 2:39 - Maktub gə́ To gə Kəmee

³⁹ Ɓeeko̰ gə́ raŋg gə́ a kḭ gooi’g gogo lé siŋgá a kasəna gə kaḭ el. Tɔɓəi ɓeeko̰ gə́ njekɔm’g munda gə́ a to gə́ larkas lé a ko̰ɓee dɔ naŋg nee lai.

Loo gə́ killa rea kəm Daniel’g 2:39 ပူးပေါင်းရင်းမြစ်များ

Esai 44:28

Ma m’pata wɔji dɔ Sirus m’pana: Yeḛ to gə́ njekulbadje ləm, Yeḛ a ra torndum karee aw lée’g béréré, Yeḛ a pata kwɔji dɔ Jerusalem pana: Maji kar dee tel gɔlee gogo! Tɔɓəi yeḛ a pata kwɔji ne dɔ kəi gə́ to gə kəmee pana: Maji kar dee tel tum gelee gogo!

Loo gə́ killa rea kəm Daniel’g 10:20

Yeḛ dəjim pana: Ree gə́ ma m’ree rɔi’g lé see i gər ginee wa. Ɓasinè m’a gə tel kaw rɔ gə mbai gə́ Persə lé. Loo gə́ m’a kaw ndá aa oo, mbai lə Grekje a ree tɔ.

Loo gə́ killa rea kəm Daniel’g 2:32

Dɔ néndaji neelé to gə́ larlɔr gə́ àr ŋgad-ŋgad ləm, kaaree gə kag jiaje to gə́ larnda ləm, mée gə biŋgeeje to gə́ larkas ləm,

Loo gə́ killa rea kəm Daniel’g 2:38

Dəwje gə daje gə́ wala gə yelje lé loo gə́ rara gə́ d’aw keneŋ lé kara, Ala nja ɓa ɔm dee jii’g yəg ləm, yeḛ ari o̰ ɓee dɔ dee’g lai ləm tɔ. Bèe ɓa, i nja to dɔ néndaji gə́ to gə́ larlɔr lé.

Loo gə́ killa rea kəm Daniel’g 2:40

Ɓeeko̰ gə́ njekɔm’g sɔ gə́ siŋgá a kasəna gə larndul bèe lé a korè gée. To gə́ larndul lé təd néje lai njigi-njigi gə tɔ dee pɔs-pɔs lé ɓeeko̰ neelé kara a təd néje gə tɔ néje lai pɔs-pɔs togə́bè asəna gə larndul gə́ təd néje njigi-njigi lé bèe tɔ.

Loo gə́ killa rea kəm Daniel’g 7:23

Yeḛ ulam ta togə́bè pana: Da gə́ njekɔm’g sɔ lé wɔji dɔ ɓeeko̰ gə́ njekɔm’g sɔ gə́ a gə ree dɔ naŋg nee. Yee a to ɓəd ɓó a to kasəna gə ɓeeko̰je gə́ raŋg lai el ləm, yee a tuji dɔ naŋg lai pugudu-pugudu ləm, a tubá naŋg mbajila-mbajila ləma, a tədee rém-rém ləm tɔ.

Loo gə́ killa rea kəm Daniel’g 8:20

Bàl badə gə́ ma m’ée gə́ gajeeje joo lé yee ɓa wɔji dɔ mbaije lə Medəje gə Persəje.

Loo gə́ killa rea kəm Daniel’g 8:21

Bàl bya̰ lé wɔji dɔ mbai lə Grekje. Gajee gə́ boi gə́ uba mbuna kəmeeje’g lé yee ɓa wɔji dɔ mbai gə́ dɔtar.

Jakari 6:3

pusu-rɔ gə́ njekɔm’g munda lé kunda-ndulije ɓa ndɔr ləma, pusu-rɔ gə́ njekɔm’g sɔ lé kunda-mwɔjije ɓa ndɔr ləm tɔ.

Jakari 6:6

Kundaje gə́ ndul gə́ ndɔr pusu-rɔ gə́ kára mbuna mareeje’g lé d’aw par gə́ ɓee gə́ to dɔgel ləm, deḛ gə́ to kunda-ndulije d’aw goo dee’g ləm tɔ. Deḛ gə́ to kunda-mwɔjije d’aw par gə́ ɓee gə́ dɔkɔl tɔ.