Loo gə́ killa rea kəm Daniel’g 2:22 - Maktub gə́ To gə Kəmee

²² Ta gə́ ginee uru yaa̰ gə né gə́ to loo-kiya’g lé Yeḛ riba dəa gə́ raga ləm, Yeḛ gər né gə́ loondul dəb dɔ’g ləma, Lookàr to rəa’g ləm tɔ.

Loo gə́ killa rea kəm Daniel’g 2:22 ပူးပေါင်းရင်းမြစ်များ

Gḭ-Néje 41:16

Jisəb ila Parao̰ keneŋ pana: To né gə́ ḭ rɔm-ma’g el. Nɛ Ala ɓa a kila Parao̰ keneŋ gə ta gə́ kul.

Maktub gə́ wɔji dɔ Jɔb 12:22

Né gə́ iya rəa loondul’g lé yeḛ riba dəa pərəg gə́ raga ləm, Yeḛ ar ndil yoo gə́ dəb rigim lé to raga ndəgəsə ləm tɔ.

Maktub gə́ wɔji dɔ Jɔb 26:6

Loo gə́ nea̰’g lé ɓee lə njé gə́ d’wəi to raga ndəgəsə ləm, Ɓul mán lé né gə́ nje ko̰ təa godo ləm tɔ.

Pakɔsje 104:2

Lookàr gə́ ɔr jol-jol lé Yeḛ ula rəa’g to gə́ kubu gə́ ŋgal yududu bèe ləm, Yeḛ naji dara to gə́ lab ne mbogo bèe ləm tɔ.

Pakɔsje 25:14

Takə̰ji lə Njesigənea̰ gə́ to loo-kiya’g lé To mbata deḛ gə́ ɓəlee, Mba kar dee gər ne ta manrɔ ləa lé.

Pakɔsje 36:9

Némajije gə́ to mee kəi’g ləi rib-rib lé Meḛ dee ndan ne, Kəm-rəw-mán gə́ àr yal-yal lé ɓa I tɔl ne kunda lə dee tɔ.

Njekillamber 8:1

See na̰ ɓa to tana gə njekəmkàr Gə njegər kɔr gin néje wa. Kəmkàr lə dəw lé Ar kəmee ndɔḭ ne wər-wər ləm, Ar kəmee gə́ kas ŋgɔgərɔ lé Tel to ne ɓəd ləm tɔ.

Esai 41:22

Maji kar dee teḛ gə taree gə́ raga d’ula sí Né gə́ a gə teḛ. See ta gə́ seḭ paje taree ləw Gə́ wɔji dɔ néje gə́ d’a gə ree lé to ban wa. Paje mba kar sí j’unda ne kəmkàr dɔ rɔ sí’g Gə mba kar sí n’gərje loo gə́ née teḛ, Esé paje ta né gə́ a gə teḛ Ndɔ gə́ gogo ar sí j’ooje.

Esai 41:26

Un kudee ndɔ gə́ dɔtar lé See na̰ ɓa ila mber mba kar sí n’gərje wa. See na̰ ɓa ula sí taree kédé gə́ ləw Mba kar sí m’pajena: To né gə́ tɔgərɔ ya wa. Dəw kára kara ila mberee əsé pa taree kédé el ləm, Dəw kára kara oo taje lə sí el ləm tɔ.

Esai 42:9

Aa ooje, néje gə́ dɔtar D’aw lée’g béréré mba̰ Ndá néje gə́ sigi ɓa m’ula sí taree, Kédé ɓa kar dee teḛ ɓəi lé Ma m’ɔr gée m’ar sí ya.

Esai 45:7

Ma m’ra lookàr ləm, M’unda loondul ləm tɔ, Ma m’ar meekulɔm to ləm, Gə m’unda némeeko̰ ləm tɔ, Ma m’to Njesigənea̰, Ma m’to njera néje neelé lai.

Jeremi 23:24

Njesigənea̰ pana: See dəw a kiya rəa njo̰loo’g Lal kar neḛ n’ée wa. See neḛ ya ɓa n’un loo mee dara’g Gə dɔ naŋg nee lad el wa. Njesigənea̰ ɓa pa bèe.

Jeremi 33:3

Ɓarm ndá m’a kilai keneŋ ndá m’a kulai boo-néje gə néje gə́ to loo-kiya’d gə́ i gər el lé.

Loo gə́ killa rea kəm Daniel’g 2:11

Né gə́ mbai dəji lé to kədərə ndam godo. Dəw kára kara askəm riba dɔ taree kar mbai lé el. Nɛ magəje gə́ loo-si dee godo mbuna dəwje’g ɓa.

Loo gə́ killa rea kəm Daniel’g 2:19

Yen ŋga mee til’g lé né gə́ mḭdi ɓa ar kəm Daniel inja ne dɔ né gə́ to loo-kiya’g ndá Daniel pidi Ala gə́ njesi mee dara’g.

Loo gə́ killa rea kəm Daniel’g 2:47

Mbai lé un ta ula Daniel pana: Tɔgərɔ ya, Ala lə sí to magə gə́ ur dɔ magəje lai ləm, yeḛ to Mbai gə́ ur dɔ mbaije ləm tɔ. Yeḛ to njeriba dɔ néje gə́ to loo-kiya’g mbata i nja ɓa riba dɔ né gə́ to loo-kiya’g neelé gə́ raga.

Loo gə́ killa rea kəm Daniel’g 5:11

Dəw kára gə́ ndil magəje gə́ to gə kəmee to mée’g lé si mee ɓeeko̰’g ləi. Mee ndəa’g lə bɔbije lé d’iŋga ta gə́ àr gə gosonégər rəa’g ləm, gə kəmkàr gə́ wa bua kəmkàr lə magəje ləm tɔ. Togə́bè ɓa mbai Nebukadnesar gə́ to bɔbije lé unee undá gə́ mbai dɔ njéra némɔrije ləm, gə njétən kéréméje ləm, gə dɔ Kaldeje ləma, gə dɔ njénékooje ləm tɔ.

Loo gə́ killa rea kəm Daniel’g 5:14

M’oo ta gə́ wɔji dɔi to gə́ ndil magəje to məəi’g ləm, d’iŋga ta gə́ àr ləm, gə gosonégər ləma, gə kəmkàr gə́ al dɔ loo sula ləm tɔ rɔi’g.

Matiyo 13:13

Togə́bè ɓa ma m’ula dee ta gə gosotaje mbata d’oo ya nɛ d’aa gə́ kaa mbə̰ ləm, deḛ d’oo ya nɛ ɓar mbi dee’g gə́ ɓar koo ɓó gər ginee el ləm tɔ.

Tagə́maji gə́ Ja̰ ndang 1:9

Lookàr lé ɓa to lookàr gə́ gəd gə́ ar loo inja ne kəm dəw gə́ rara gə́ d’ojee dɔ naŋg nee.

Tagə́maji gə́ Ja̰ ndang 21:17

Jeju tel dəjee tɔɓəi ɔm’g gɔl munda lé pana: Simo̰, ŋgon Junas, see i ndigim tɔgərɔ ya wa. Piɛrə lé mée ea̰ mbata dəji gə́ Jeju dəjee gɔl munda pana: See yeḛ undá dan kəmee’g wa. Ndá yeḛ tel ndigi təa’g pana: Mbaidɔmbaije, i gər néje lai, i gər gao to gə́ ma m’ndigii ya. Jeju ilá keneŋ pana: Bèe ndá maji kari ul badje ləm am.

Tagə́maji gə́ Ja̰ ndang 8:12

Jeju un ta gə́ raŋg ula dee pana: Ma m’to lookàr lə njé gə́ naŋg nee. Yeḛ gə́ un rəw goom’g ndá a njaa loondul’g el nɛ yeḛ a nai dan lookàr’g gə́ ka̰ si ne gə kəmə lé.

1 Njé gə́ Kɔrḭtə 4:5

Togə́bè ɓa maji kar sí gaŋgje ta dɔ mar síje’g kédé el. Ŋginaje saar ndɔ ree lə Mbaidɔmbaije, yeḛ gə́ a riba dɔ néje lai gə́ loondul dəb dɔ’g bigim lé ləm, a kila takə̰ji lə dəwje kɔd-kɔd gə́ raga ləm tɔ. Ndəa neelé nana kara a kiŋga pidi gə́ goso dəa gə́ a kḭ rɔ Ala’g ya.

Njé gə́ Epesə 3:5

Né gə́ to loo-kiya’g neelé dəw riba dəa ar ginka dəwje gə́ ləw d’oo el ɓəi. Nɛ ɓasinè lé Ndil ɓa riba dəa wagəsa ar njékaḭkulaje gə njéteggintaje gə́ to njémeendaje ləa.

Tel tura Godndu 29:28

Néje gə́ to loo-kiya’g lé to ka̰ Ala lə sí gə́ Njesigənea̰, néje gə́ riba dɔ dee lé to ka̰ síjeḛ gə ka̰ ŋgan síje saar-saar gə no̰ gə mba kar sí n’raje ne néje lai gə́ godndu pa lé ya.

1 Timote 6:16

Yeḛ nja kára ba kiao ɓa to Njesigənea̰ ləm, yeḛ si dan lookàr gə́ ɔs kəm loo ŋgərəŋ ləma, dəw kára kara ila kəmee dəa’g əsé askəm kée el ləm tɔ lé maji kila riɓar dəa’g ləm, maji karee dum dɔ loo gə ləbee-ləbee saar-saar gə no̰ ləm tɔ. Amen!

Ǝbrəje 4:13

Nékunda ləa gə́ rara kara a kiya rəa nea̰’g el, nɛ néje lai to raga ndəgəsə kəm yeḛ gə́ j’a kaar nea̰’g mba tura goo néra sí karee.

Maktub gə́ Jak ula ne ar ngan-Allaje 1:17

Nénoji gə́ maji dum gə́ rara ləm, gə nékarnoji gə́ rara gə́ to maji ɔr njoroŋ ləm tɔ lé d’ḭ rɔ Bɔ lookàrje gə́ dara, yeḛ gə́ rəa ya̰ maree el ləm, loo gə́ ndul ɗig godo rəa’g ləm tɔ.

1 Ja̰ 1:5

Aa ooje, ta gə́ jeḛ j’oo təa’g ɓa, jeḛ j’ɔr gée j’ar sí lé ɓa nee: Ala nja to gə́ lookàr ɓó loo gə́ ndul ɗigi godo rəa’g.