Loo gə́ killa rea kəm Daniel’g 12:7 - Maktub gə́ To gə Kəmee

⁷ Ndá ma m’oo ndu dəw gə́ ula kubu gə́ d’ṵji gə kúla palégal rəa’d gə́ aar tar dɔ mán baa’g lé. Yeḛ odo jia bɔr par gə́ dara ndá yeḛ man rəa gə ri yeḛ gə́ njesi gə ləbee-ləbee gə nea̰ gə mba kar né neelé a to dɔkurloo kára ləm, gə dɔkurlooje ləma, gə ges dɔkurloo ləm tɔ. Loo gə́ siŋga dəwje gə́ to gə kəmee lé a gur rug-rug mba̰ ɓa néje neelé d’a godo ɓəi.

Loo gə́ killa rea kəm Daniel’g 12:7 ပူးပေါင်းရင်းမြစ်များ

Maktub gə́ wɔji dɔ Jɔb 27:2

Ala gə́ mbad kɔr kəm ta ləm lé to Njesikəmba. Bao-siŋgamoŋ gə́ ar meekad mbag-mbag taa məəm pəl-pəl lé to Njesikəmba tɔ.

Esai 62:12

D’a ɓar dee dəwje gə́ to gə kəmee Gə́ Njesigənea̰ uga dɔ dee. I ɓee gə́ Jerusalem kara d’a ɓari ɓee-boo Gə́ Ala unda dan kəmee’g Ɓó ɓee-boo gə́ yeḛ uba ya̰ bèe lé el.

Jeremi 4:2

Ɓó lé seḭ ndo̰je naji ubuje ne rɔ sí Paje ne pana: Njesigənea̰ to njesikəmba! Gə kankəmta, gə néra gə́ danasur, Gə néra gə́ gə dɔ najee ndá Ginkoji dəwje gə raŋg d’a kiŋga dɔkaisəgərə rəa’g ləm, D’a kula rɔnduba dɔ rɔ dee’g gə mbəa-yeḛ ləm tɔ.

Ejekel 20:5

M’a kula dee pana: Mbaidɔmbaije gə́ Njesigənea̰ pa togə́bè pana: Mee ndɔ gə́ neḛ mbər ne Israɛl lé neḛ manrɔ neḛ n’ula ne ji neḛ ndiŋ gə́ dɔ ginka’g lə gel-bɔje lə Jakob ndá neḛ n’ar dee gər neḛ mee ɓee gə́ Ejiptə. Neḛ manrɔ neḛ n’ula ji neḛ ndiŋ gə́ rɔ dee’g m’pana: Neḛ n’to Njesigənea̰, Ala lə dee.

Loo gə́ killa rea kəm Daniel’g 10:5

M’un kəm gə́ tar m’aa ne loo ndá, m’oo dəw kára gə́ ula kubu gə́ d’ṵji gə kúla palégal rəa’g ləm, wa rḛgee gə ndar gə́ ra gə larlɔr gə́ d’ḭ ne Upaj ləm tɔ.

Loo gə́ killa rea kəm Daniel’g 11:13

Mbata mbai gə́ dɔgel a kḭ tel mbo̰ koso-njérɔje bula unda njé gə́ kédé, tɔɓəi loo gə́ ndɔje gə́ na̰je gə ləbje gə́ na̰je dəs mba̰ ndá yeḛ a kɔr rɔ kaw gə boo-njérɔje neelé ləm, gə boo-nébaoje ləm tɔ mba kaw rɔ ne.

Loo gə́ killa rea kəm Daniel’g 12:6

Dəw kára mbuna dee’g dəji dəw gə́ ula kubu gə́ d’ṵji gə kúla palégal rəa’d gə́ aar tar dɔ mán baa’g lé pana: See ndɔ gə́ ra ɓa rudu nédumkooje neelé a kun ɗiao wa.

Loo gə́ killa rea kəm Daniel’g 12:8

Ma m’oo ya nɛ m’gər ginee el. Ndá m’pana: Mbai ləm, see néje neelé d’a tel to to gə́ ban wa.

Loo gə́ killa rea kəm Daniel’g 4:31

Loo gə́ ləbje gə́ d’wɔji lé as lée’g mba̰ ndá ma Nebukadnesar m’un kəm par gə́ dara ndá kəm tel inja dɔ rɔm’g gogo. Ma m’unda no̰ dɔkaisəgərə lə Njekurdɔloo ləm, ma m’pidee m’ula ne rɔnduba dɔ yeḛ gə́ sí gə ləbee-ləbee gə no̰ ləma, dum dɔ loo ləa kara to gə́ ləbee-ləbee saar gə no̰ ləm tɔ.

Loo gə́ killa rea kəm Daniel’g 4:34

Ɓasinè, ma Nebukadnesar, m’pidii, m’ɔs gajii, m’ula rɔnduba dɔ mbai dɔ dara’g. Kula reaje lai to gə goo rəbee ya ləm, rəwje ləa to danasur ləma, deḛ gə́ njaa ti ne rɔ dee lé kara yeḛ askəm ɓugu dee naŋg ləm tɔ.

Loo gə́ killa rea kəm Daniel’g 7:21

Ma m’oo gaji da neelé rɔ gə njémeendaje ndá dum dɔ dee

Loo gə́ killa rea kəm Daniel’g 7:25

Yee a pata kila ne ndɔl dɔ Njekurdɔloo’g ləm, yeḛ a kula kəm njémeendaje lə Njekurdɔloo ndòo ləma, yeḛ a ndiŋga rəa mba kar ndɔje gə godndu tel to ɓəd ləm tɔ. D’a kɔm njémeendaje jia’g as dɔkurloo kára ləm, gə dɔkurlooje joo ləma, gə ges dɔkurlooje ləm tɔ.

Loo gə́ killa rea kəm Daniel’g 8:14

Yeḛ tel ilam’g pana: As kàrkemetag gə ndɔje tɔl-dɔg-loo-joo gə dəa tɔl-munda (2.300) ɓa gée gə́ gogo kəi gə́ to gə kəmee lé a tel kàr ŋgad-ŋgad gogo ɓəi.

Loo gə́ killa rea kəm Daniel’g 8:24

Siŋgamoŋ ləa a kḭ dɔ maree’d gə́ kédé-kédé, nɛ gə goo siŋgamoŋ gə́ ḭ rəa’g el. Yeḛ a kar tujije gə́ dumkoo d’oso dɔ loo’g ləm, kula reaje lai a teḛ mbi teḛ boo ləma, yeḛ a tuji njésiŋgamoŋje gə koso-dəwje gə́ to gə kəmee ləm tɔ.

Lugu 21:14

Ta gə́ seḭ a gə kɔrje mba taa ne dɔ sí lé maji kar sí wɔjije rəbee meḛ sí’g kédé el.

Lugu 21:24

D’a gaŋg dee gə ta kiambas kɔm dee naŋg ləm, d’a kwa dee ɓər kaw sə dee mbuna ginkoji dəwje gə raŋg’g lai ləma, tɔɓəi ginkoji dəwje d’a tuba Jerusalem gə gɔl dee mbajila-mbajila ləm tɔ saar kar ndəa ka̰ ginkoji dəwje gə raŋg a kun ɗiao.

Tel tura Godndu 26:19

gə mba karee ar sí urje ne dɔ ginkoji dəwje gə raŋg’g lai gə́ yeḛ nja unda dee lé gə rɔnduba ləm, gə riɓar ləma, gə boo-némajije ləm tɔ, gə mba kar sí toje ne koso-dəwje gə́ toje gə kəmee mbata lə Ala lə sí gə́ Njesigənea̰ to gə́ yeḛ ula sí lé tɔ.

Tel tura Godndu 32:36

Njesigənea̰ a gaŋg rəwta dɔ koso-dəwje’g ləa, Nɛ yeḛ a koo kəmtondoo lə kuraje ləa Loo gə́ yeḛ oo to gə́ siŋga dee godo lé Ar ɓər əsé dəw gə́ to ŋgonkoji kara godo tɔ.

Tel tura Godndu 32:40

Mbata m’odo jim par gə́ dara ndá, Ma m’pana: M’isi kəmba gə ləbm ləbm Saar-saar gə no̰.

Tel tura Godndu 7:6

Mbata seḭ lé seḭ toje gə́ koso-dəwje gə́ toje gə kəmee mbata lə Ala lə sí gə́ Njesigənea̰, Ala lə sí gə́ Njesigənea̰ ɔr sí mba kar sí toje koso-dəwje gə́ toje kea̰-yeḛje mbuna koso-dəwje lai gə́ dɔ naŋg nee tɔ.

1 Piɛrə 2:9

Nɛ seḭ lé seḭ toje ginkoji dəwje gə́ Ala mbər sí ləm, seḭje toje njékinjanéməsje gə́ gin sí to gə́ mbai ləm, seḭ toje ginkoji dəwje gə́ toje gə kəmee ɓəd ləma, seḭ toje ka̰ Ala nja doŋgɔ doi ləm tɔ mba kar sí ilaje ne riɓar dɔ yeḛ gə́ ɔr sí dan loondul gə́ ndul njudu-njudu’g unda sí dan lookàr’g ləa gə́ àr raŋg-raŋg lé.

Loo gə́ killa rea kəm Ja̰’g 12:14

Deḛ d’ar dené lé bag magəra gə́ joo gə mba karee ḭ aw ne dɔdilaloo’g par gə́ loo’g ləa ndá deḛ ŋgəm keneŋ as mbuna-loo kára, gə mbuna-looje gə́ raŋg, gə ges mbuna-loo kára tɔ. Dené lé a si ŋgərəŋ ɓó gə mba kar kəm li lé oso dəa’g el.

Loo gə́ killa rea kəm Ja̰’g 12:6

Dené lé aḭ aw dɔdilaloo’g par gə́ loo gə́ Ala gɔl loo keneŋ mba̰, mba karee si keneŋ mba kulee keneŋ ndəa tɔl-dɔg-giree-joo gə dəa rɔ-misa̰.

Loo gə́ killa rea kəm Ja̰’g 13:5

D’ula ta beelé gə ta ndɔlje təa’g ləm, d’un ndu dee d’aree mba karee ra ne né as naḭ rɔ-sɔ-giree-joo ləm tɔ.

Loo gə́ killa rea kəm Ja̰’g 4:10

Ndá ŋgatɔgje gə́ rɔ-joo-gir-dee-sɔ lé d’unda barmba dəb kəm dee naŋg no̰ yeḛ gə́ si kalimbai’g lé gə́ si gə ləbee-ləbee gə nea̰ d’wá ne meḛ dee’g ləm, deḛ tɔr ne dɔgugu lə dee d’ɔm no̰ kalimbai’g lé ləm tɔ pana:

Loo gə́ killa rea kəm Ja̰’g 4:9

Nékundaje gə́ d’aw kəmba lé loo gə́ deḛ d’ila riɓar dɔ yeḛ gə́ si kalimbai’g gə́ sí gə ləbee-ləbee gə nea̰ lé ɓa d’ula ne rɔnduba dəa’g ləm, deḛ rəa oiyo ləm tɔ