Loo gə́ killa rea kəm Daniel’g 12:13 - Maktub gə́ To gə Kəmee

¹³ Nɛ i ɓa yḛ̀, maji kari aw kəmi gə́ kédé saar teḛ ne mee rudu ndɔ’g ləi. I a kwa rɔi ləm, a kaar tar mba taa nédɔji ləi mee rudu ndɔje’g lé ləm tɔ.

Loo gə́ killa rea kəm Daniel’g 12:13 ပူးပေါင်းရင်းမြစ်များ

Pakɔsje 1:5

Gelee gə́ nee ɓa njémeeyèrje lé Ndɔ sariya ndá a kɔm dee’g el ləm, Njékaiyaje kara D’a si loo-mbo̰-dɔ-na̰’g lə njémeekarabasurje el ləm tɔ.

Pakɔsje 16:5

Njesigənea̰ ɓa to nénduba ləm, gə ŋgo-kai-mán ləm ləm tɔ, I nja ar né gə́ wɔji dɔm to njaŋg,

Pakɔsje 16:9

Gelee gə́ nee ɓa m’isi ne dan rɔlel’g ləm, Ndiləm al ne rəa gə boo-rɔkal ləma, Darɔm kara si ne maji lɔm Am m’unda ne məəm yel gə́ dɔi’g ləm tɔ.

Teḛ-Raga 33:14

Njesigənea̰ ilá keneŋ pana: Ma nja m’a korè səi rəw na̰’d més ləm, m’a kari iŋga loo-kwa-rɔ ləi ləm tɔ.

Loo gə́ killa rea kəm Daniel’g 12:3

Deḛ gə́ to njégosonégərje lé d’a ndɔḭ wər-wər asəna gə rɔndɔḭ lə dara ləm, deḛ gə́ ndoo koso-dəwje ta meekarabasur lé d’a ndogó wər-wər asəna gə kéréméje bèe gə́ kédé-kédé saar gə no̰ ləm tɔ.

Loo gə́ killa rea kəm Daniel’g 12:4

Nɛ i Daniel lé, taje neelé maji kari ŋgəm taree məəi’g ləm, rḛdə ta maktubee mbiao̰ saar teḛ ne ndəa gə́ rudee a gə kun lé ləm tɔ. Bèe ɓa dəwje bula d’a tura taree ləm, négər lə dee a kḭ ne dɔ maree’d gə́ kédé-kédé ləm tɔ.

Jakari 3:7

Njesigənea̰ gə́ njeboo-néje pa togə́bè pana: Ɓó lé i njaa gə goo rəwje lə neḛ ləm, Ɓó lé i aa dɔ tornduje lə neḛ ləm tɔ ndá I a to njegaŋ-rəwta mee kəi’g lə neḛ ləm, I a kaa dɔ gad ndògo lə neḛ ləma, N’a kari askəm kandə mbuna dee-deḛ gə́ d’isi nee lé ləm tɔ.

Matiyo 19:28

Jeju tel ila dee keneŋ pana: Ma m’ula sí təsərə, ndɔ gə́ d’a gə kar néje lai tel to lée’g béréré lé ɓa Ŋgon-dəw a kuba dɔ kalimbai ndubarɔ ləa gao si’g ndá seḭ gə́ unje goom lad-lad lé seḭje kara a kubaje dɔ kalimbaije gə́ dɔg-giree-joo neelé gao si keneŋ mba gaŋgta dɔ ginkoji Israɛlje gə́ dɔg-giree-joo neelé tɔ.

Lugu 21:36

Sije dɔkəji sí’g kəgəgə, raje tamaji lé ta-ta togə́bè ɓa loo gə́ néje neelé a teḛ ndá siŋga sí a kas gə mba kɔrje dɔ sí keneŋ ləm, seḭ a teḛ kaarje ne tar no̰ Ŋgon-dəw’g lé ləm tɔ.

2 Njé gə́ Kɔrḭtə 5:1

Tɔgərɔ ya, jeḛ n’gər gao, ɓó lé kəi-surum gə́ j’isi keneŋ dɔ naŋg nee a kunda naŋg ndá kəi-si sí gə́ kiŋ kiŋ-kiŋ to dara, to kəi gə́ a to gə no̰ gə́ Ala ɓa gə́ njerea, ɓó ji dəw ɓa ra el.

2 Njé gə́ Tesalonikə 1:7

a kar sí-seḭ gə́ d’ula kəm sí ndòo lé a kwaje rɔ sí sə sí na̰’d loo gə́ Mbaidɔmbaije Jeju a kḭ dara ree gə kuraje ləa gə́ njésiŋgamoŋje lé ləm tɔ.

Loo gə́ killa rea kəm Ja̰’g 14:13

Ma m’oo ndu dəw ɓar dara pana: Maji kam m’ndaŋg ta nee mee maktub’g pana: Un kudee ɓasinè lé deḛ gə́ d’wəi gel Mbaidɔmbaije’g ndá rɔ dee a lel dee ya. Ndil lé pa bèe to pana: Oiyo, mba kar dee d’wa rɔ dee ta kula’g lə dee mbata kula ra dee gə́ maji lé orè goo dee ndəŋ.