Loo gə́ killa rea kəm Daniel’g 12:10 - Maktub gə́ To gə Kəmee

¹⁰ Dəwje bula d’a kar dee d’àr ŋgad-ŋgad ləm, kar meḛ dee ndá londoŋ ləma, d’a naa meḛ dee ləm tɔ. Nɛ njémeeyèrje d’a ra majel ləm, dəw kára kara mbuna dee-deḛ njémeeyèrje’g lé a gər ginee el ləm tɔ. Nɛ deḛ gə́ d’a to njégosonégərje ɓa d’a gər ginee ya.

Loo gə́ killa rea kəm Daniel’g 12:10 ပူးပေါင်းရင်းမြစ်များ

Pakɔsje 107:43

Maji kar yeḛ gə́ to gə́ njekəmkàr lé Tɔs kəmee dɔ néje’g neelé ləm, Maji karee ra kəmee rakaa dɔ némeemajije’g lə Njesigənea̰ lé ləm tɔ.

Pakɔsje 51:7

Aa oo, d’ojim dan néra gə́ kori-kori’g ləm, Kɔm kara taa kèm ləm dan kaiya’g ləm tɔ.

Gosota-Kəmkàrje 1:5

Maji kar njekəmkàr oo ta ndá A kila ne négər ləa dɔ maree’g ləm, Yeḛ gə́ to njegosonégər lé kara A gər ne goso ra ne né ləm tɔ.

Esai 1:18

Njesigənea̰ pana: Gə́ reeje ar sí j’ɔrje kəmta lə sí j’arje na̰! Ɓó lé kaiyaje lə sí kas gəḭ ndá D’a tel ndá kələw-kələw Asəna gə bèl kəwje bèe, Ɓó lé deḛ kas njir-njir ndá D’a tel to asəna gə bḭ kubu bèe.

Ejekel 36:25

N’a saga mán gə́ àr yal-yal dɔ sí’g ndá seḭ a kàrje ne ŋgad-ŋgad. Rɔ mina̰je lə sí lai gə magəje lə sí lai lé n’a kɔr dee rɔ sí’g kar sí àrje ne ŋgad-ŋgad.

Ejekel 47:11

Dɔ bɔreeje gə daŋgeeje d’a tel maji nda̰ el nɛ d’a kya̰ dee karee to loo kad.

Loo gə́ killa rea kəm Daniel’g 11:33

deḛ gə́ kəmkàr lə dee ur dɔ ka̰ mar deeje lé kara d’a ndoo koso-dəwje ta kəmkàrje ləm tɔ. Nɛ njé gə́ na̰je d’a kwəi yoo-kiambas ləm, gə yoo-ndo̰ pər ləm, d’a kwa dee ɓər kaw sə dee raŋg ləma, d’a taa néje lə dee kɔg ləm tɔ.

Loo gə́ killa rea kəm Daniel’g 11:35

Njékəmkàrje gə́ na̰je d’a koso ne gə mba naa ne meḛ dee ləm, kar dee d’àr ne ŋgad-ŋgad ləma, kar meḛ dee ndá ne londoŋ ləm tɔ saar ndəa gə́ rudee a kun ɗiao mbata né neelé a teḛ mee ndəa gə́ d’wɔji lé ɓa.

Loo gə́ killa rea kəm Daniel’g 12:3

Deḛ gə́ to njégosonégərje lé d’a ndɔḭ wər-wər asəna gə rɔndɔḭ lə dara ləm, deḛ gə́ ndoo koso-dəwje ta meekarabasur lé d’a ndogó wər-wər asəna gə kéréméje bèe gə́ kédé-kédé saar gə no̰ ləm tɔ.

Ojee 14:9

Seḭ Eprayimje, see ɗi ɓa a raje gə magə-poleje tɔɓəi wa. Ma nja m’a koo tamaji lə Eprayimje ləm, M’a kaa dɔ dee ləm tɔ, M’a to kasəna gə kag-siprɛs gə́ kamee ndòlé el mbata lə dee bèe. Seḭ a kiŋgaje kandə sí rɔm ma’g ya.

Jakari 13:9

N’a kɔm debee gə́ nai neelé dan pər’d ndá n’a ndiree to gə́ deḛ ndiri ne larnda gə mba kar siḭyee teḛ ləm, n’a naa dee to gə́ deḛ naa ne larlɔr bèe ləm tɔ. Deḛ d’a ɓar ri neḛ ndá n’a koo ta lə dee. N’a pana: To koso-dəwje lə neḛ. Ndá d’a pana: Njesigənea̰ to Ala lə síjeḛ tɔ.

Malasi 3:3

Yeḛ a si naŋg ndá a léḛ larnda gə mba kar siḭyee teḛ. Yeḛ a togo ŋgaka Ləbije kɔr ne néje gə́ mina̰ gə́ meḛ dee’g ndɔs-ndɔs to gə́ deḛ togo ne larlɔr gə larnda bèe tɔ. Bèe ɓa d’a kun nékarje kar Njesigənea̰ gə goo rəbee ɓəi.

Mark 4:11

Yeḛ ula dee pana: Seḭ nja Ala ar kəm sí inja gə mba kar sí gərje ne ta lə ɓeeko̰ lə Ala gə́ to loo-kiya’g ɓəi, nɛ deḛ gə́ raŋg lé d’oo taje lai gə gosotaje ba.

Lugu 24:25

Yen ŋga Jeju ula dee pana: Wah! seḭ dəwje gə́ kəmkàr na meḛ sí tas ləm, meḛ sí tɔ kujita dɔ ta’g lə njéteggintaje el ləm tɔ lé.

Tagə́maji gə́ Ja̰ ndang 18:37

Pilatə tel dəjee pana: See i to gə́ mbai ya wa. Jeju tel ilá keneŋ pana: Yeḛ nja pa tai gən mba̰, ma m’to gə́ mbai ya. Deḛ d’ojim d’arm m’ree naŋg nee gə mba karm m’ɔr goo kankəmta lé. Nana ɓa gə́ to ka̰ kankəmta lé ndá a koo ndum ya.

Tagə́maji gə́ Ja̰ ndang 7:17

Dəw gə́ rara ɓa lé wa mée kɔgərɔ gə mba ra torndia lé ndá ta kɔr ləm gə́ m’ɔr lé m’ɔr gə ka̰ Ala əsé m’ɔr gə́ kama kara yeḛ a gər gao ya.

Tagə́maji gə́ Ja̰ ndang 8:47

Yeḛ gə́ to ka̰ Ala lé ndá a taa taje lə Ala ya. Nɛ seḭ taaje taje lə Ala el mbata seḭ toje ka̰ Ala el tɔ.

1 Njé gə́ Kɔrḭtə 6:11

Yee nja ɓa gə́ néra sí-seḭ gə́ na̰je mbuna sí’g. Nɛ ɓasinè Ndil Ala ɔr won kaiya lə sí ndɔs-ndɔs mba̰ ləm, ɔr sí ne unda sí gə kəmee ləma, ɔr ta dɔ sí’g gə ri Mbaidɔmbaije Jeju Kristi lé ləm tɔ.

2 Njé gə́ Kɔrḭtə 7:1

Seḭ gə́ m’unda sí dan kəm’g lé to gə́ ndukunje nee gə́ yeḛ un ar sí to togə́bè ndá ar sí n’togoje néje gə́ mina̰ gə́ gə ria-ria gə́ tia̰ darɔ sí’g gə ndil sí’g ləm, ar sí m’ɓəlje Ala mba kar meenda lə sí maji ɔr njoroŋ ləm tɔ.

Titə 2:14

Yeḛ neelé ya̰ rəa ar yoo mbata lə sí mba kuga ne néra sí gə́ yèr gə́ rara kara ləm, gə mba togo ne won sí kɔr ɓə̰dərə-ɓə̰dərə ləma, mba kunda sí ne gə́ koso-dəwje ləa-yeḛ nja doŋgɔ doi gə mba kar sí j’ɔs ne rɔ sí ɓad-ɓad dɔ néraje gə́ maji’g ləm tɔ.

Ǝbrəje 12:10

Bɔ síje lé d’wɔji sí kəmkàr dɔ néra sí’g waga ba, to gə́ meḛ dee wɔji. Nɛ Ala lé wɔji sí kəmkàr dɔ néra sí’g mba kar sí j’isi ne gə majee ɓa meḛ sí a ndá to gə́ mée-yeḛ ndá tɔ.

1 Piɛrə 1:22

Togə́bè ɓa, seḭ gə́ ilaje koji dɔ kankəmta’g lé rɔ sí àr ne raŋg-raŋg, bèe ndá maji kar sí undaje na̰ dan kəm na̰’d ndigije na̰ gə meekɔr jol-jol.

1 Piɛrə 1:7

mba kar né gə́ naa sí waga lé unda ne rɔ meekun lə sí ar dee d’oo. Meekun lə sí gə́ gadee ur dɔ ka̰ larlɔr gə́ naa dan pər’d nɛ a kunda naŋg ɓəi lé ndɔ gə́ Jeju Kristi a kunda loo teḛ ndá a tel to népidi sí ləm, gə né kula rɔnduba dɔ sí’g ləma, gə né kila riɓar dɔ sí’g ləm tɔ.

1 Ja̰ 5:20

Jeḛ n’gər gao, Ŋgon-Ala ree mba̰ ndá yeḛ ar sí kəmkàr gə mba gər ne yeḛ gə́ to gə́ Kankəm dəw lé. Jeḛ j’ɔm na̰’d gə Kankəm dəw lé ləm, j’ɔm na̰’d gə Ŋgonee gə́ Jeju Kristi lé ləm tɔ. Yeḛ nja ɓa gə́ darɔ Ala ləm, gə kəmə gə́ to gə no̰ lé ləm tɔ.

Loo gə́ killa rea kəm Ja̰’g 16:11

Deḛ pata d’ila ne ndɔl dɔ Ala gə́ njesidará lé mbata nékəmndoo gə́ ra dee ləm, mbata bairaŋ-boo gə́ sɔ dee ləm tɔ. Nɛ deḛ d’ɔs badm tel dɔ néra deeje gə́ majel’g lé el.

Loo gə́ killa rea kəm Ja̰’g 19:14

Njéboo-rɔje gə́ dara lé d’al kunda-ndulije ndolè ne gée ləm, kubu gə́ d’ṵji gə kúla palégal gə́ ndá kələw-kələw gə àr ŋgad-ŋgad lé to rɔ dee’g ləm tɔ.

Loo gə́ killa rea kəm Ja̰’g 19:8

D’un ndu dee gə mba karee ula kubu gə́ d’ṵji gə kúla palégal gə́ ndɔḭ ləd-ləd ləm, gə́ ndá kələw-kələw ləm tɔ lé rəa’g. Mbata kubu gə́ d’ṵji gə kúla palégal lé yee ɓa wɔji dɔ néra gə́ gə dɔ najee lə dee gə́ to gə kəmee.

Loo gə́ killa rea kəm Ja̰’g 22:11

Dəw gə́ nérea to kori-kori ndá maji kar nérea to kori-kori ɓəi. Dəw gə́ nérea to né gə́ mina̰ ndá maji kar nérea to né gə́ mina̰ ya ɓəi tɔ. Dəw gə́ njemeekarabasur lé maji kar nérea to gə dɔ najee ɓəi ləm, dəw gə́ njemeenda lé maji karee unda rəa gə kəmee ya ɓəi ləm tɔ.

Loo gə́ killa rea kəm Ja̰’g 3:18

Ma m’ndəjii mba kari ndogo səm larlɔr gə́ deḛ neán pərə mba kar siḭyee teḛ mée’g mba tel to ne bao ləm, mba kari ndogo səm kubu gə́ nda mba kula rɔi’g kar kudi gə́ to dum lé rɔkulee a godo ləm, mba kari ndogo səm kuma̰ rii ne kəmi ɓó gə oo ne loo ləm tɔ.

1 Samel 24:13

Njesigənea̰ a to njegaŋ-rəwta mbuna síjeḛ səi’g ləm, Njesigənea̰ ɓa a dal ba̰ ləm ləm tɔ. Nɛ ma ɓa yḛ̀ m’a kun jim kɔrɔ ne rɔi el.