Loo gə́ killa rea kəm Daniel’g 11:40 - Maktub gə́ To gə Kəmee

⁴⁰ Ndəa gə́ rudee a kun ɗiao lé mbai gə́ dɔkɔl a kubá naŋg bus rɔ səa. Tɔɓəi mbai gə́ dɔgel a ɓugu dəa’g asəna gə lel-boo gə pusu-rɔje gə njérɔ gə kundaje ləm, gə bato-rɔje bula ləm tɔ. Yeḛ a kaw kəmee gə́ kédé-kédé asəna gə kəm-rəw-mán gə́ ruba pɔ-pɔ bèe.

Loo gə́ killa rea kəm Daniel’g 11:40 ပူးပေါင်းရင်းမြစ်များ

Esai 21:1

Ndərta gə́ wɔji dɔ dɔdilaloo gə́ mbɔr baa-boo-kad’g. To gə́ lel-mal ḭ dɔ jikɔl ree ɓir bèe Ndá njeba̰ ḭ dɔdilaloo’d Gə́ to ɓee gə́ to ɓəl kədm-kədm.

Esai 5:28

Ndo̰ kandə ɓandaŋgje lə dee d’adə njal-njal ləm, D’wa kag ɓandaŋgje lə deḛ lai pèrèrè ləm tɔ. Ŋgo gɔl kundaje lə dee to asəna gə kɔri-ərje ləm, Gɔl pusu-rɔje lə dee to d’asəna gə lel-mal bèe ləm tɔ.

Esai 66:15

Mbata aa ooje, Njesigənea̰ si ree dan pər’g ləm, Pusu-rɔje ləa d’aiŋgwɔd to gə́ lel-mal bèe ləm tɔ. Yeḛ ar oŋg ləa taa pər gəgəgə ləm, Ŋgawjia gə́ ula lé to asəna gə ndo̰ pər gə́ o̰ bilim-bilim bèe ləm tɔ.

Jeremi 4:13

Aa ooje, njetujiloo lé Si ree gə́ nee asəna gə mum, Pusu-rɔje ləa d’aiŋgwɔd To gə́ lel-mal bèe ləm, Gɔl kundaje ləa wɔilɔ pélé-pélé To gə́ niŋgatə̰də bèe ləm tɔ. Meeko̰ oso dɔ sí’g mbata jeḛ n’tuji ŋga!

Ejekel 38:4

N’a tuga ki ka tai’g ndɔri ne goo neḛ’g, n’a kari-i gə njérɔje ləi teḛje raga gə kundaje, gə njérɔ gə kundaje, deḛ lai gə́ d’ula kubu gə́ ndər pigiri-pigiri rɔ dee’g, deḛ gə́ to kudu-njérɔje gə́ bula digi-digi gə́ d’odo dərje gə́ boi-boi gə njé gə́ lam-lam ləm, deḛ lai gə́ gər rɔ gə kiambas maji ləm tɔ.

Ejekel 38:9

I a kḭ kaw ndá i a teḛ asəna gə lel-boo ləm, i a to asəna gə mum gə́ a gə dəb dɔ ɓee’g bèe ləm tɔ, i gə kudu-njérɔje ləi lai ləm, gə koso-dəwje gə́ bula digi-digi gə́ d’isi səi lé ləm tɔ.

Loo gə́ killa rea kəm Daniel’g 11:10

Ŋganeeje d’a kwa dɔ gɔl rɔ ləm, d’a mbo̰ koso-njérɔje bula ləm tɔ. Yeḛ gə́ kára mbuna dee’g a kaw kəmee gə́ kédé taa loo asəna gə kəm-rəw-mán gə́ ula taa loo pəl-pəl bèe ləm, a ruba pɔ-pɔ ləma, a tel rəm ləm tɔ. D’a rɔ kəm dee gə́ kédé-kédé saar teḛ ne kəi-kaar-kɔgərɔ’g lə mbai gə́ dɔkɔl.

Loo gə́ killa rea kəm Daniel’g 11:11

Mee mbai gə́ dɔkɔl a kḭ səa pu ləm, yeḛ a teḛ kaw rɔ gə mbai gə́ dɔgel lé ləm tɔ. Yeḛ a kula ta meḛ koso-njérɔje’g ndá kudu-njérɔje lə mbai gə́ dɔgel lé d’a koso jia’g.

Loo gə́ killa rea kəm Daniel’g 11:13

Mbata mbai gə́ dɔgel a kḭ tel mbo̰ koso-njérɔje bula unda njé gə́ kédé, tɔɓəi loo gə́ ndɔje gə́ na̰je gə ləbje gə́ na̰je dəs mba̰ ndá yeḛ a kɔr rɔ kaw gə boo-njérɔje neelé ləm, gə boo-nébaoje ləm tɔ mba kaw rɔ ne.

Loo gə́ killa rea kəm Daniel’g 11:22

Kudu-njérɔje gə́ d’a taa loo asəna gə kəm-rəw-mán bèe lé d’a kigi yɔm nea̰’g ləm, d’a tuji pugudu gə mbai gə́ njegel manrɔ lə dee lé kara na̰’d ləm tɔ.

Loo gə́ killa rea kəm Daniel’g 11:25

Yeḛ a kɔr no̰ bao-rɔje gə siŋgamoŋ gə kwa mee kɔgərɔ mba rɔ ne gə mbai gə́ dɔkɔl. Mbai gə́ dɔkɔl lé a kaw gə bao-rɔje ləa gə́ bula digi-digi ləm, siŋga dee to kɔgərɔ-kɔgərɔ ləm tɔ mba rɔ ne səa nɛ yeḛ a kaar nea̰’g gəs el mbata d’a la̰ji tor gosɔyèr meḛ dee’g dəa’g.

Loo gə́ killa rea kəm Daniel’g 11:35

Njékəmkàrje gə́ na̰je d’a koso ne gə mba naa ne meḛ dee ləm, kar dee d’àr ne ŋgad-ŋgad ləma, kar meḛ dee ndá ne londoŋ ləm tɔ saar ndəa gə́ rudee a kun ɗiao mbata né neelé a teḛ mee ndəa gə́ d’wɔji lé ɓa.

Loo gə́ killa rea kəm Daniel’g 11:39

Yeḛ a ɓar ri magə gə́ dɔ ɓee gə́ raŋg ɓa mba kɔr ne rɔ kaw rɔ ne gə kəi-kaar-kɔgərɔje. Deḛ gə́ ndigi səa lé yeḛ a kila riɓarje ɓəd-ɓəd dɔ dee’g ləm, yeḛ a kar dee d’o̰ ɓee dɔ dəwje’g bula ləma, yeḛ a kai dee dɔ naŋgje gə́ nédɔji lə dee ləm tɔ.

Loo gə́ killa rea kəm Daniel’g 11:7

Kag gə́ uba dɔ ŋgira’d gə́ idi lé a taa toree. Yeḛ a kɔr rɔ ree rɔ gə bao-rɔje ləm, yeḛ a kandə mee kəi-kaar-kɔgərɔje’g lə mbai gə́ dɔgel ləm tɔ ndá yeḛ a rɔ sə dee to gə́ mée ndigi dum dee ne.

Loo gə́ killa rea kəm Daniel’g 12:4

Nɛ i Daniel lé, taje neelé maji kari ŋgəm taree məəi’g ləm, rḛdə ta maktubee mbiao̰ saar teḛ ne ndəa gə́ rudee a gə kun lé ləm tɔ. Bèe ɓa dəwje bula d’a tura taree ləm, négər lə dee a kḭ ne dɔ maree’d gə́ kédé-kédé ləm tɔ.

Loo gə́ killa rea kəm Daniel’g 12:9

Yeḛ tel ilam keneŋ pana: Daniel, maji kari ɔd aw mbata taje neelé d’a to loo-kiya’g ləm, d’a rḛdə ta dee mbiao̰ ləm tɔ saar teḛ ne ndɔ gə́ rudu’g lé ɓa.

Loo gə́ killa rea kəm Daniel’g 8:17

Togə́bè ɓa yeḛ ree pər gə́ loo gə́ m’aar keneŋ lé. Ree gə́ yeḛ ree pər lé ar ɓəl undam badə gaŋgm ndá m’oso naŋg bəbərə m’dəb kəm naŋg. Yeḛ ulam pana: Ma ŋgon-dəw lé maji kam m’tuga mbim maji, mbata némḭdi lé wɔji dɔ loo gə́ rudu ndɔje d’a gə kun ɗiao.

Habakuk 3:14

I tɔs dɔ mbaije lə dee lé gə kandə ɓandaŋgje lə dee-deḛ ya mbudu Deḛ gə́ d’ḭ kalaŋ gə mba sané sí kad to gə́ lel-mal bèe ləm, Deḛ gə́ ra né gə ndu dee wəl gə rɔlel Asəna gə deḛ gə́ tuji njenékəmndooje duu-looje’g lə dee mba̰ bèe ləm tɔ.

Jakari 9:14

Njesigənea̰ a nduba rəa dɔ dee’g tar Ndá kandə ɓandaŋg ləa a teḛ to gə́ tel lə ndi bèe, Mbaidɔmbaije gə́ Njesigənea̰ a kar to̰to̰ ləa ɓar, Yeḛ a kaw kəmee gə́ kédé dan lel-boo gə́ dɔkɔl.

Loo gə́ killa rea kəm Ja̰’g 16:12

Kura gə́ dara gə́ njekɔm dee’g misa̰ aw ɔm oŋg gə́ to mee bai’g ləa dɔ baa-boo gə́ ria lə Epratə ndá manee yi tə-tə gə mba gɔl ne rəw lə mbaije gə́ d’a gə kḭ bər lé.

Loo gə́ killa rea kəm Ja̰’g 9:16

Njékṵda-kaw-rɔje gə́ m’oo dee lé tura deḛ ndá dɔ dee a kwa mèŋgèŋgḛ̀ dum tura.