Loo gə́ killa rea kəm Daniel’g 11:4 - Maktub gə́ To gə Kəmee

⁴ Loo gə́ yeḛ a kḭ mba̰ ndá d’a təd siŋga ɓeeko̰ ləa rém-rém kunda kəmee dana kai kwɔji ne dɔ dɔkum naŋg gə́ sɔ. D’a kaiyee kar ŋgakeaje el ləm, siŋgá a kas gə yee gə́ kédé lé el ləm tɔ. Mbata d’a kunda kəm ɓeeko̰ ləa dana gaŋg ndá yee a tel to ka̰ njé gə́ raŋg ɓó ka̰ dee-deḛ el.

Loo gə́ killa rea kəm Daniel’g 11:4 ပူးပေါင်းရင်းမြစ်များ

Pakɔsje 39:6

Aa oo, i lé mbo̰ ndɔje ləm na̰’d Ar dee tad d’asəna gə dabla ji dəw bèe ləm, Kisi gə́ m’isi dɔ naŋg nee kara To né gə́ əḭ kəmi’g el ləm tɔ. Tɔgərɔ ya, dəw gə́ rara gə́ aar tar lé To asəna gə kəmə gə́ kila pugudu bèe.

Njekillamber 4:8

To gə́ dəw si gə karee ba Lal njekorè dəa gə́ raŋg joo ləm Lal ŋgonee gə́ diŋgam əsé ŋgokea̰ ləm tɔ. Né ləa kara godo ləm Rudu kulaje ləa lai kara un el ləm Nébaoje ləa kara as kəmee el ləm tɔ. See gə mbata lə na̰ ɓa m’ra ne kula M’ɔg ne rɔm dɔ nérɔlelje’g wa. Lé bèe kara yee neelé To gə́ né gə́ gə mḭdé ba ya ɓəi ləm, To né gə́ majel ləm tɔ.

Jeremi 12:15

Nɛ gée’g gogo loo gə́ n’ɔr dee mba̰ ndá n’a tel koo kəmtondoo lə dee gogo ləm, n’a tel gə nana kara gə́ dɔ nédɔji’g ləa-ləa, kar nana kara aw mee ɓee’g ləa-ləa ləm tɔ.

Jeremi 12:17

Nɛ ɓó lé deḛ d’un mbi dee rəw dɔ’g d’oo ndá ginkoji dəwje gə́ togə́bè lé n’a tuji dee, n’a tuji dee pugudu kar dee godo. Njesigənea̰ ɓa pa bèe.

Jeremi 18:7

Loo gə́ na̰je ma m’pata m’wɔji ne dɔ ginkoji dəwje gə dɔ ɓeeko̰ gə mba kɔr dee ne ləm, mba təd dee ne rém-rém ləma, mba tuji dee ne pugudu-pugudu ləm tɔ.

Jeremi 31:40

Wəl-loo kɔm nin dəwje gə́ bu to keneŋ lai ləm, gə loo-ndɔje lai saar teḛ ne kəm-rəw-mán gə́ Sedro̰ ləma, saar teḛ ne kil tarəwkɔg gə́ ria lə Rəw-kaw-kundaje gə́ to par gə́ bər ləm tɔ lé d’a kunda dee gə kəmee kar Njesigənea̰ ndá d’a koso nda̰ el ləm, d’a tuji nda̰ el ləm tɔ saar gə no̰.

Jeremi 45:4

Ma lé m’ulai m’pana: Njesigənea̰ pa togə́bè pana: Aa oo, né gə́ ma m’unda lé M’a gə tuji pugudu ləm, Né gə́ ma ma̰a lé m’a kwá kɔree ləm tɔ, Yee ɓa to ta gə́ wɔji dɔ ɓee nee lai ya.

Jeremi 49:36

M’a kar lelje sɔ d’ḭ kəm daraje gə́ sɔ’g Ree gigigi gə́ dɔ njé gə́ Elam’g. Lelje lai neelé ɓa m’a sané dee ne ndá ginkoji dəwje gə́ njé gə́ Elam d’a lal kaḭ kaw keneŋ lé a godo.

Ejekel 37:9

Yeḛ ulam pana: Ma ŋgon-dəw lé maji kam m’tegginta m’ar kəmə, maji kam m’tegginta m’ula kəmə lé m’pana: Mbaidɔmbaije gə́ Njesigənea̰ pa togə́bè pana: I kəmə lé maji kari ḭ dɔ kum naŋg gə́ sɔ’g lé ree ula kəmə meḛ dee gə́ tɔl dee lé ar dee tel d’isi kəmba gogo.

Loo gə́ killa rea kəm Daniel’g 7:2

Daniel un ta pa pana: Loo gə́ né ram gə́ mḭdi loondul’g lé m’aa loo gərərə ndá aa oo, lelje gə́ dara sɔ d’ḭ d’ula mbḭ-mbḭ dɔ baa-boo-kad’g.

Loo gə́ killa rea kəm Daniel’g 7:6

Gée gə́ gogo, m’aa loo ndá aa oo, yeḛ gə́ raŋg gə́ to tana gə kàg nɛ né asəna gə bag yel sɔ to bargiree’g. Da neelé dəa sɔ ləm, d’aree dum dɔ loo ləm tɔ.

Loo gə́ killa rea kəm Daniel’g 7:8

Ma m’orè kəm sḭ dɔ gajeeje’g ndá aa oo, gajee gə́ lam bèe gə́ raŋg uba mbuna dee’g, tɔɓəi gajeeje gə́ munda gə́ kédé lé tɔr gə ŋgira dee rɔd-rɔd no̰ gajee’g neelé. Aa oo, gajee neelé kəmee to keneŋ to gə́ kəm dəw bèe ləm, təa kara pa ne ta beelé ləm tɔ.

Loo gə́ killa rea kəm Daniel’g 8:22

Ta lə gajeeje gə́ sɔ gə́ d’uba taa tor gajeeje gə́ təd neelé yee ɓa wɔji dɔ ɓeeko̰je gə́ sɔ gə́ d’a kḭ mbuna ginkoji dəwje’g neelé nɛ siŋga dee a kasəna gə kea̰ el.

Loo gə́ killa rea kəm Daniel’g 8:8

Bàl bya̰ lé siŋgá tel to yaa̰, nɛ loo gə́ siŋgá to yaa̰ ndá gajee gə́ ŋgal lé təd. Gajeje gə́ boi-boi sɔ d’uba toree’g aree wɔji dɔ kum naŋg gə́ sɔ.

Jakari 2:6

Ma m’dəjee m’pana: See aw gə́ ra wa. Ndá yeḛ ilam keneŋ pana: M’a gə kaw kwɔji Jerusalem gə mba koo tadee ləm, gə ŋgalee ləm tɔ.

Jakari 6:5

Kura gə́ dara lé tel ilam keneŋ pana: Deḛ to lelje gə́ d’ḭ dɔkum looje gə́ sɔ gə́ d’ḭ loo-kaar dee’g no̰ mbai gə́ to mbai dɔ naŋg nee lai.

Matiyo 12:25

Jeju gər takə̰ji lə dee gə́ nai meḛ dee’g ɓəi lé ndá yeḛ ula dee pana: Ɓeeko̰ gə́ rara kara ɓó lé d’ɔm meḛ dee na̰’d el ndá d’a kḭ gə na̰ tuji na̰. Ɓee-boo gə́ rara əsé kəi gə́ rara kara ɓó lé d’ɔm meḛ dee na̰’d el ndá d’a si el tɔ.

Lugu 12:20

Nɛ Ala ulá pana: I mbə-dəw, mee til’g nee ya d’a ree kuba kankəmrɔi kwa, ŋga néje ləi lai gə́ i wa dɔ gɔl dee jəb-jəb mba̰ lé see d’a tel to ka̰ nawa.

Loo gə́ killa rea kəm Ja̰’g 7:1

Gée gə́ gogo, m’oo kuraje lə Ala gə́ dara sɔ gə́ d’aar tar dɔ kum naŋg gə́ sɔ’g lé d’wa lel gə́ tel kəmee ula ɓəd-ɓəd loo-sɔ dɔ naŋg nee gə mba karee ula dɔ naŋg nee el ləm, əsé gə dɔ baa-boo-kad’g el ləma, əsé gə dɔ kagje gə́ rara kara el ləm tɔ.