Loo gə́ killa rea kəm Daniel’g 11:37 - Maktub gə́ To gə Kəmee

³⁷ Yeḛ a ndəb gə mbata lə magəje lə bɔbeeje-je el ləm, əsé gə mbata lə magəpole gə́ lel denéje el ləm tɔ. Yeḛ a ndəb gə mbata lə magə kára kara el mbata yeḛ a kɔs gaji rəa koo ne rəa gə́ njekur dɔ dee’g lai ya.

Loo gə́ killa rea kəm Daniel’g 11:37 ပူးပေါင်းရင်းမြစ်များ

Gḭ-Néje 3:16

Yeḛ ula dené lé pana: M’a kila meeko̰ dɔ maree’g k’ari loo gə́ i a kaw gə kèm. M’a kar kèm ulai ndubu unda nje gə́ kédé ləm, Ndɔ koji ŋgon ləi kara ndóo a tooi yaa̰ ləm tɔ. Néndiŋga ləi a kḭ rɔ ŋgabije’g Nɛ yeḛ a to dəw dɔi ya tɔ.

Gḭ-Néje 3:5

Nɛ Ala gər gao to gə́, mee ndɔ gə́ seḭ a sɔje ndá kəm sí a kinja ləm, seḭ a toje asəna gə Ala bèe gə mba gər ne né gə́ maji gə né gə́ majel ləm tɔ.

Pa gə́ ur dɔ paje 7:10

Maji kar tai lel to gə́ mán-nduú Gə́ ai ndá ari rɔlel bèe ləm tɔ, Man-nduú gə́ ula njoroŋ mbata lə Yeḛ gə́ m’undá dan kəm’g lé ləm, Gə́ ruba ta njétoɓije’g lé ləm tɔ.

Esai 14:13

I pa məəi’g pana: A kaw mee dara’g, I a kar kalimbai ləi to tar Dɔ kéréméje’g lə Ala, I a si dɔ mbal gə́ wɔji dɔ loo-mbo̰-dɔ-na̰’g Rudu loo’g par gə́ dɔgel.

Esai 14:14

I a kal kaw dɔ sém loo-kil-lə-ndi gə́ tar ləm, I a tana gə Njekurdɔloo’g ləm tɔ.

Ejekel 24:16

I ŋgon-dəw lé aa oo, neḛ n’a gə kɔs né gə́ to ŋgonkəmi lé gə yoo gə́ ndəd ya rɔd kɔree. Nɛ i a kwa ndòo el ləm, a no̰ el ləma, mán kəmi a koso teŋ el ləm tɔ.

Ejekel 28:2

I ŋgon-dəw lé, ula mbai gə́ njeko̰ dəb ɓeeko̰ gə́ Tir pana: Mbaidɔmbaije gə́ Njesigənea̰ pana: I beelé məəi’g pana: I to Ala. I si dɔ kalimbai’g lə Ala ŋgaw dan baa-boo-kadje’g! Nɛ i lé to dəw ɓó to Ala el. I un né gə́ məəi ndigi aree taa tor né gə́ mee Ala ndigi.

Loo gə́ killa rea kəm Daniel’g 11:36

Mbai lé a ra né to gə́ mée ndigi. Yeḛ a ti rəa ləm, a kɔs gaji rəa koo ne rəa gə́ njekur dɔ magəje lai ləm tɔ ndá yeḛ a pata néje gə́ dum kəm loo kɔs ne ta lə Ala gə́ njekur dɔ magəje lé rəw. Néreaje gə́ togə́bè lé a teḛ ne kɔr saar kar oŋgee wəi bém, saar kar né gə́ d’wɔji-kwɔji ra lé a kaw ne lée’g béréré ya.

Loo gə́ killa rea kəm Daniel’g 11:38

Nɛ lé bèe kara yeḛ a kila riɓar dɔ magə’d gə́ njekaa dɔ kəi-kaar-kɔgərɔje gə́ d’uree tar dɔ né’g lé. Ala neelé gə́ bɔbeeje-je gər el lé yeḛ a polé gə larlɔr gə larnda gə jərje gə néje gə́ gad dee to yaa̰ tɔ.

Loo gə́ killa rea kəm Daniel’g 8:11

Yee aw njal mba rɔ gə mbai dɔ boo-kuraje gə́ dara ləm, ɔgee dɔ nékinjaməs gə́ d’aw ra ta-ta gə́ kédé-kédé ləma, yee ila ndɔl dɔ loo ləa gə́ to gə kəmee doi lé ləm tɔ.

Tel tura Godndu 21:11

ɓa seḭ ooje dené gə́ ma̰də yaa̰ mbuna ɓərje’g ndá malee a ra sí kar sí ndogeeje gə́ dené lə sí.

Tel tura Godndu 5:21

I a ra kəmkəḭ dɔ dené’g lə mari el, i a ra kəmkəḭ dɔ kəi’g lə mari el ləm, əsé dɔ ndɔ’g ləa əsé dɔ kura’g ləa gə́ diŋgam əsé yeḛ gə́ dené’g, əsé dɔ maŋg’d ləa əsé dɔ mulayḛ̀je’g ləa əsé né gə́ rara gə́ to gə́ ka̰ mari nja doŋgɔ lé i a ra kəmkəḭ dɔ’g kára bèe el ləm tɔ.

2 Njé gə́ Tesalonikə 2:4

Diŋgam gə́ njeyèr lé yeḛ nja ɓa gə́ njeba̰ gə́ a kuba loo kḭ naji loo gə Ala ləm, gə né gə́ rara gə́ dəwje d’wa meḛ dee’g ləma, a ra saar kuru ne mee kəi-Ala’g ɓa a tar rəa pana: Neḛ nja gə́ Ala ləm tɔ.

1 Timote 4:3

D’ɔg dəwje loo taa na̰ ləm, nésɔ gə́ Ala ra gə mba kar ŋgankojije gə́ kəm dee inja dɔ kankəmta’g lé d’usɔ rəa ne oiyo lé d’ɔg dee dɔ’g ləm tɔ.