Loo gə́ killa rea kəm Daniel’g 11:36 - Maktub gə́ To gə Kəmee

³⁶ Mbai lé a ra né to gə́ mée ndigi. Yeḛ a ti rəa ləm, a kɔs gaji rəa koo ne rəa gə́ njekur dɔ magəje lai ləm tɔ ndá yeḛ a pata néje gə́ dum kəm loo kɔs ne ta lə Ala gə́ njekur dɔ magəje lé rəw. Néreaje gə́ togə́bè lé a teḛ ne kɔr saar kar oŋgee wəi bém, saar kar né gə́ d’wɔji-kwɔji ra lé a kaw ne lée’g béréré ya.

Loo gə́ killa rea kəm Daniel’g 11:36 ပူးပေါင်းရင်းမြစ်များ

Pakɔsje 136:2

Pidije Ala gə́ to njekur dɔ magəje’g lai lé Mbata meekɔrjol ləa lé to saar-saar gə no̰.

Pakɔsje 33:10

Néje gə́ ginkoji dəwje gə raŋg d’wɔji meḛ dee’g gə mba ra lé Njesigənea̰ wá telee wagəsa ləm, Néje gə́ koso-dəwje d’wɔji-kwɔji ra lé Yeḛ aree udu bo̰ ləm tɔ.

Gosota-Kəmkàrje 19:21

Mee dəw lé wɔji-kwɔji ra néje bula, Nɛ né gə́ Njesigənea̰ wɔji ɓa aw lée’g béréré.

Esai 10:23

Tuji nee gə́ yeḛ wɔji njaŋg lé Mbaidɔmbaije gə́ to Njesigənea̰ gə́ njeboo-néje a karee aw lée’g béréré dɔ naŋg nee bura ya.

Esai 10:25

Nɛ kuree a kəw waga ba ɓəi ndá bo̰ néra lé a godo tɔɓəi oŋg ləm a tel koso dɔ dee-deḛ’g gə mba tuji dee ne pugudu-pugudu.

Esai 10:5

Njesigənea̰ pana: Meeko̰ a koso dɔ Asirije’d Gə́ to ndəi gə́ wɔji dɔ oŋg ləm Ndəi gə́ to ji dee’g lé ɓa To nékula gə́ wɔji dɔ boo-oŋg ləm tɔ.

Esai 14:13

I pa məəi’g pana: A kaw mee dara’g, I a kar kalimbai ləi to tar Dɔ kéréméje’g lə Ala, I a si dɔ mbal gə́ wɔji dɔ loo-mbo̰-dɔ-na̰’g Rudu loo’g par gə́ dɔgel.

Esai 14:14

I a kal kaw dɔ sém loo-kil-lə-ndi gə́ tar ləm, I a tana gə Njekurdɔloo’g ləm tɔ.

Esai 26:20

Koso-dəwje ləm, awje mee kəije’g lə sí Ndá uduje takəi dɔ sí’g, Iyaje rɔ sí waga Saar kar oŋg lə Njesigənea̰ dəs ɓa.

Esai 30:33

Un kudee ləw ba lé Deḛ gɔl loo-roo-dəwje, Deḛ gɔlee d’wɔji ne dɔ mbai gə́ Asiri, D’aree ur ləm, gə tad ləm tɔ, Loo-roo-dəwje neelé pər gə kagje taa loo keneŋ pəl-pəl, Kila kəmə pugudu lə Njesigənea̰ mbudu pər o̰ To gə́ kṵji pər gə́ kas gə́ teḛ bilim-bilim bèe.

Esai 46:10

Néje gə́ d’a gə ree lé M’pa taree kédé gə́ dɔtar, Néje gə́ teḛ el ɓəi kara Ma m’pa ləw ba tɔ. Ma m’pana: Néje gə́ m’wɔji lé D’a to njaŋg gə no̰ ləm, M’a kar torndumje lai d’aw lée’g béréré ya ləm tɔ.

Esai 57:9

Seḭ awje gə ubu rɔ mbai’g ləm, Seḭ arje néje lə sí gə́ ə̰də sululu Ḭ dɔ maree’d gə́ kédé-kédé ləm, Seḭ ulaje njékaḭkulaje lə sí loo gə́ əw’g ləma, Seḭ osoje saar teḛje ne ɓee lə njé gə́ d’wəi ləm tɔ.

Ejekel 28:2

I ŋgon-dəw lé, ula mbai gə́ njeko̰ dəb ɓeeko̰ gə́ Tir pana: Mbaidɔmbaije gə́ Njesigənea̰ pana: I beelé məəi’g pana: I to Ala. I si dɔ kalimbai’g lə Ala ŋgaw dan baa-boo-kadje’g! Nɛ i lé to dəw ɓó to Ala el. I un né gə́ məəi ndigi aree taa tor né gə́ mee Ala ndigi.

Ejekel 35:13

Seḭ ḭje ɔsje neḛ rəw gə tapa sí ləm, seḭ ilaje ne taje ɓəd-ɓəd dɔ neḛ’g ləm tɔ, neḛ n’oo bèe ya.

Loo gə́ killa rea kəm Daniel’g 11:16

Yeḛ gə́ a kɔr rɔ kaw rɔ səa lé a ra to gə́ mee ndigi ya ndá dəw kára kara siŋgá a kas mba kaar gəs nea̰’g el. Yeḛ a kaar naŋg mee ɓee gə́ maji dum ɓeeje gə́ raŋg ndá né gə́ rara gə́ a koso jia’g lé yeḛ a tujee pugudu ya.

Loo gə́ killa rea kəm Daniel’g 11:3

Nɛ mbai gə́ to njesiŋgamoŋ a kḭ ndá yeḛ a dum dɔ loo gə boo-siŋgamoŋ ləm, yeḛ a ra né to gə́ mée ndigi ləm tɔ.

Loo gə́ killa rea kəm Daniel’g 11:37

Yeḛ a ndəb gə mbata lə magəje lə bɔbeeje-je el ləm, əsé gə mbata lə magəpole gə́ lel denéje el ləm tɔ. Yeḛ a ndəb gə mbata lə magə kára kara el mbata yeḛ a kɔs gaji rəa koo ne rəa gə́ njekur dɔ dee’g lai ya.

Loo gə́ killa rea kəm Daniel’g 12:7

Ndá ma m’oo ndu dəw gə́ ula kubu gə́ d’ṵji gə kúla palégal rəa’d gə́ aar tar dɔ mán baa’g lé. Yeḛ odo jia bɔr par gə́ dara ndá yeḛ man rəa gə ri yeḛ gə́ njesi gə ləbee-ləbee gə nea̰ gə mba kar né neelé a to dɔkurloo kára ləm, gə dɔkurlooje ləma, gə ges dɔkurloo ləm tɔ. Loo gə́ siŋga dəwje gə́ to gə kəmee lé a gur rug-rug mba̰ ɓa néje neelé d’a godo ɓəi.

Loo gə́ killa rea kəm Daniel’g 2:47

Mbai lé un ta ula Daniel pana: Tɔgərɔ ya, Ala lə sí to magə gə́ ur dɔ magəje lai ləm, yeḛ to Mbai gə́ ur dɔ mbaije ləm tɔ. Yeḛ to njeriba dɔ néje gə́ to loo-kiya’g mbata i nja ɓa riba dɔ né gə́ to loo-kiya’g neelé gə́ raga.

Loo gə́ killa rea kəm Daniel’g 5:19

To gə́ yeḛ aree to dəw gə́ boo lé ɓa koso-dəwje lai ləm, gə ginkoji dəwje gə raŋg ləma, gə dəwje gə́ takɔji dee to gə ria-ria ləm tɔ lé deḛ ɓəlee d’unda ne bala tigi-tigi nea̰’g ya. Deḛ gə́ mbai ndigi kar dee d’wəi ndá yeḛ ar dee d’wəi ya ləm, deḛ gə́ yeḛ ndigi kar dee d’isi kəmba kara yeḛ ya̰ loo ar dee d’isi kəmba ya ləm tɔ. Deḛ gə́ yeḛ ndigi kunda dee daŋdɔ lé yeḛ unda dee daŋdɔ ləm, deḛ gə́ yeḛ ndigi kunda dee naŋg kara yeḛ unda dee naŋg ya ləm tɔ.

Loo gə́ killa rea kəm Daniel’g 5:20

Nɛ loo gə́ yeḛ unda dəa tar ra ne dɔkədərə beelé ne dɔ néreaje’g ndá d’unee dɔ kalimbai’g ləa d’undá naŋg ləm, d’ɔr rɔnduba dəa’g ləm tɔ.

Loo gə́ killa rea kəm Daniel’g 7:8

Ma m’orè kəm sḭ dɔ gajeeje’g ndá aa oo, gajee gə́ lam bèe gə́ raŋg uba mbuna dee’g, tɔɓəi gajeeje gə́ munda gə́ kédé lé tɔr gə ŋgira dee rɔd-rɔd no̰ gajee’g neelé. Aa oo, gajee neelé kəmee to keneŋ to gə́ kəm dəw bèe ləm, təa kara pa ne ta beelé ləm tɔ.

Loo gə́ killa rea kəm Daniel’g 8:19

Tɔɓəi yeḛ ulam pana: M’a tɔji kari gər né gə́ a gə teḛ rudu ndɔ oŋg’d lé mbata d’wɔji ndəa gə́ kàree gə́ a gə teḛ lé mba̰ ya.

Loo gə́ killa rea kəm Daniel’g 8:4

Ma m’oo bàl badə lé tuga loo gə gajeeje par gə́ dɔ-gó ləm, gə dɔgel ləma, gə dɔkɔl ləm tɔ. Da kára kara gə́ askəm kaar nea̰’g koma̰ səa godo ləm, daje gə́ yee wa dee kara dəw kára kara gə́ a taa dee kɔm dee tar godo ləm tɔ. Yeḛ ra né to gə́ mée ndigi ndá siŋgamoŋ ləa ḭ dɔ maree’d gə́ kédé-kédé.

Jakari 11:16

Mbata aa oo, n’a kar njekulbadje gə́ raŋg kára ḭ mee ɓee’g neelé gə́ mée a to dɔ badje gə́ d’isi tuji lé el. Yeḛ a kaw saŋg ŋgan badje el ləm, yeḛ a tɔ ta doo lə deḛ gə́ d’iŋga lé el ləm, yeḛ a kaa dɔ deḛ gə́ rɔ dee to kari el ləm tɔ. Nɛ yeḛ a sɔ deḛ gə́ d’ər ndəb-ndəb ləm, yeḛ a sɔ deḛ gə́ d’ər ndəb-ndəb saar teḛ ne mèr gɔl dee gə́ naŋg ləm tɔ.

Tagə́maji gə́ Ja̰ ndang 5:30

Ma m’askəm ra né kára kara gə dɔrɔm el, nɛ torndu né gə́ ma m’oo gə mbim ɓa m’gaŋg ne rəwta ɓəi. Rəwta gə́ ma m’gaŋg lé to gə dɔ najee ya mbata né gə́ mee njekulam wɔji ɓa ma m’ra ɓó ma m’ra né gə́ məəm-ma ɓa wɔji el.

Tagə́maji gə́ Ja̰ ndang 6:38

Mbata ma m’ḭ dara m’ree naŋg nee gə mba ra né gə́ njekulam ɓa wɔji mée’g ɓó né gə́ məəm-ma ɓa wɔji el.

Néra Njékaḭkulaje 4:28

mba kar néje lai gə́ i wɔji gə jii gə tai kédé par-par lé deḛ ra nja.

Tel tura Godndu 10:17

Mbata Ala lə sí gə́ Njesigənea̰ to Ala gə́ ur dɔ magəje’g ləm, yeḛ to Mbai gə́ ur dɔ mbaije’g ləm, yeḛ to Ala gə́ boo gə́ ur dɔ loo’g ləm, yeḛ to njesiŋgamoŋ gə́ to ɓəl kədm-kədm ləm, yeḛ ɔr kəm dəw kára kara el ləma, yeḛ taa ne néndogo gel el ləm tɔ,

2 Njé gə́ Tesalonikə 2:3

Maji kar dəw kára kara su kəm sí gə ta gə́ rara kara el, mbata lé riri kara loo rəm gogo a teḛ kédé ləm, diŋgam gə́ njeyèr gə́ to ŋgon lə njetuji lé a kunda loo teḛ kédé ləm tɔ.

2 Njé gə́ Tesalonikə 2:4

Diŋgam gə́ njeyèr lé yeḛ nja ɓa gə́ njeba̰ gə́ a kuba loo kḭ naji loo gə Ala ləm, gə né gə́ rara gə́ dəwje d’wa meḛ dee’g ləma, a ra saar kuru ne mee kəi-Ala’g ɓa a tar rəa pana: Neḛ nja gə́ Ala ləm tɔ.

2 Njé gə́ Tesalonikə 2:8

Ndəa neelé, yeḛ gə́ njekɔs Ala rəw lé a nduba rəa gə́ raga, nɛ lel ta Mbaidɔmbaije gə́ a tó dəa’g pu lé a tujee ne ləm, rɔnduba gə́ wɔji dɔ ndɔ ree ləa lé a guree naŋg rug-rug ləm tɔ.

Jujé 22:22

Mbaidɔmbaije to Ala gə́ Njekurdɔloo’g, yeḛ to Ala gə́ Njekurdɔloo’g ya. Njesigənea̰ gər gao ndá Israɛl kara a gər ya tɔ. Ɓó lé to mba kɔs ta rəw gə mba kal ne ta ta Njesigənea̰’g ndá maji kari ree la sə sí mee ndɔ gə́ ɓogənè lé el.

Loo gə́ killa rea kəm Ja̰’g 10:7

Nɛ mee ndəa gə́ ndu kura gə́ dara gə́ njekɔm dee’g siri a ɓar lé ndɔ gə́ yeḛ a kim to̰to̰ ləa ndá ta lə Ala gə́ to gə ndəree lé a teḛ gə́ raga gə goo ta gə́ yeḛ ula kuraje ləa gə́ njéteggintaje lé.

Loo gə́ killa rea kəm Ja̰’g 12:14

Deḛ d’ar dené lé bag magəra gə́ joo gə mba karee ḭ aw ne dɔdilaloo’g par gə́ loo’g ləa ndá deḛ ŋgəm keneŋ as mbuna-loo kára, gə mbuna-looje gə́ raŋg, gə ges mbuna-loo kára tɔ. Dené lé a si ŋgərəŋ ɓó gə mba kar kəm li lé oso dəa’g el.

Loo gə́ killa rea kəm Ja̰’g 13:1

Tɔɓəi ma m’oo da gə́ gajeeje dɔg ləm, dəaje siri ləm tɔ lé ḭ dan baa-boo-kad’g. Dɔgugu kára-kára dɔg to dɔ gajeeje’g neelé ləm, deḛ ndaŋg ri ndɔl dəaje’g kára-kára siri ləm tɔ.

Loo gə́ killa rea kəm Ja̰’g 17:17

Mbata Ala sula dee dan né gə́ yeḛ ɓa wɔji mba kar né gə́ yeḛ nja wɔji lé aw na̰’d kára ba gə ka̰ dee-deḛ ləm, mba kar da lé o̰ ɓee ləm tɔ saar kar ta gə́ Ala pa lé aw lée’g béréré ya.

Loo gə́ killa rea kəm Ja̰’g 17:3

Ndil unm aw səm dɔdilaloo’g. M’oo dené si gir da-kas’g, da lé ri néndɔlje taa rəa pəl-pəl. Dəa siri ləm, gajee dɔg ləm tɔ.