Loo gə́ killa rea kəm Daniel’g 11:35 - Maktub gə́ To gə Kəmee

³⁵ Njékəmkàrje gə́ na̰je d’a koso ne gə mba naa ne meḛ dee ləm, kar dee d’àr ne ŋgad-ŋgad ləma, kar meḛ dee ndá ne londoŋ ləm tɔ saar ndəa gə́ rudee a kun ɗiao mbata né neelé a teḛ mee ndəa gə́ d’wɔji lé ɓa.

Loo gə́ killa rea kəm Daniel’g 11:35 ပူးပေါင်းရင်းမြစ်များ

2 Sôrta Gḭka Israɛlje 32:31

Gelee gə́ nee ɓa loo gə́ ŋgan-mbaije gə́ Babilɔn d’ula njékaḭkulaje rəa’g gə mba koo né gə́ dum kḛji gə́ teḛ mee ɓee’g lé Ala ubá yá̰ aḭ ne mée gə mba gər ne néje lai gə́ to dɔɓəŋgəree’g tɔ.

Gosota-Kəmkàrje 17:3

Bai-kɔr wɔji dɔ larnda ləm, Bwa-bṵda wɔji dɔ larlɔr ləm tɔ, Nɛ yeḛ gə́ njenaa mee dəwje lé To Njesigənea̰ ɓa.

Esai 27:9

Togə́bè ɓa ta néra kori-kori lə Jakob ɔr ne dəa’g ləm, Aa ooje, yee ɓa gə́ kandə meekoso lemsé dɔ kaiya’g ləa ləm tɔ. Njesigənea̰ ar kɔr mbalje lai gə́ to loo-nékinjaməs’g lé Tel to asəna gə kɔr pɔrɔje gə́ tel to nduji bèe, Magə-Astartéje gə néndajije gə́ wɔji dɔ kàr lé D’a kḭ kaar tar gogo el ŋga.

Loo gə́ killa rea kəm Daniel’g 11:27

Mbaije gə́ joo lé d’a la̰ji tor rəw né gə́ majel meḛ dee’g mba ra gə na̰, tɔɓəi ta ka-nésɔ’d gə́ kára ba ya d’a pa taŋgɔm keneŋ kar na̰. Nɛ né neelé a teḛkɔr el mbata rudee a kun el saar ndəa gə́ d’wɔji ɓa.

Loo gə́ killa rea kəm Daniel’g 11:29

Ndəa gə́ d’wɔji lé as lée’g mba̰ ndá yeḛ a tel kɔr rɔ kaw rɔ gə ɓee gə́ dɔkɔl. Nɛ telee gə́ gogo neelé néje a teḛ to gə́ kédé lé el.

Loo gə́ killa rea kəm Daniel’g 11:33

deḛ gə́ kəmkàr lə dee ur dɔ ka̰ mar deeje lé kara d’a ndoo koso-dəwje ta kəmkàrje ləm tɔ. Nɛ njé gə́ na̰je d’a kwəi yoo-kiambas ləm, gə yoo-ndo̰ pər ləm, d’a kwa dee ɓər kaw sə dee raŋg ləma, d’a taa néje lə dee kɔg ləm tɔ.

Loo gə́ killa rea kəm Daniel’g 11:40

Ndəa gə́ rudee a kun ɗiao lé mbai gə́ dɔkɔl a kubá naŋg bus rɔ səa. Tɔɓəi mbai gə́ dɔgel a ɓugu dəa’g asəna gə lel-boo gə pusu-rɔje gə njérɔ gə kundaje ləm, gə bato-rɔje bula ləm tɔ. Yeḛ a kaw kəmee gə́ kédé-kédé asəna gə kəm-rəw-mán gə́ ruba pɔ-pɔ bèe.

Loo gə́ killa rea kəm Daniel’g 12:3

Deḛ gə́ to njégosonégərje lé d’a ndɔḭ wər-wər asəna gə rɔndɔḭ lə dara ləm, deḛ gə́ ndoo koso-dəwje ta meekarabasur lé d’a ndogó wər-wər asəna gə kéréméje bèe gə́ kédé-kédé saar gə no̰ ləm tɔ.

Loo gə́ killa rea kəm Daniel’g 12:4

Nɛ i Daniel lé, taje neelé maji kari ŋgəm taree məəi’g ləm, rḛdə ta maktubee mbiao̰ saar teḛ ne ndəa gə́ rudee a gə kun lé ləm tɔ. Bèe ɓa dəwje bula d’a tura taree ləm, négər lə dee a kḭ ne dɔ maree’d gə́ kédé-kédé ləm tɔ.

Loo gə́ killa rea kəm Daniel’g 8:10

Gaji da neelé ḭ ŋgal saar teḛ rɔ boo-kuraje gə́ dara ndá yee ar ges boo-kuraje gə́ dara neelé gə kéréméje toso naŋg ləm, tuba dee naŋg mbajila-mbajila ləm tɔ.

Loo gə́ killa rea kəm Daniel’g 8:17

Togə́bè ɓa yeḛ ree pər gə́ loo gə́ m’aar keneŋ lé. Ree gə́ yeḛ ree pər lé ar ɓəl undam badə gaŋgm ndá m’oso naŋg bəbərə m’dəb kəm naŋg. Yeḛ ulam pana: Ma ŋgon-dəw lé maji kam m’tuga mbim maji, mbata némḭdi lé wɔji dɔ loo gə́ rudu ndɔje d’a gə kun ɗiao.

Loo gə́ killa rea kəm Daniel’g 8:19

Tɔɓəi yeḛ ulam pana: M’a tɔji kari gər né gə́ a gə teḛ rudu ndɔ oŋg’d lé mbata d’wɔji ndəa gə́ kàree gə́ a gə teḛ lé mba̰ ya.

Loo gə́ killa rea kəm Daniel’g 9:27

Yeḛ a man rəa njaŋg mba kɔm na̰’d gə njé gə́ na̰je mee ndəaje gə́ siri as gɔl kára. Nɛ mee ges ndəaje gə́ siri lé yeḛ a kɔg dee loo kinja néməs ləm, gə kun né kar Ala ləm tɔ. Njetujiloo lé a ra néje gə́ mina̰ gə́ d’al dɔ loo sula saar gə mba kar tuji gə néje gə́ d’wɔji gə mba ra lé ɓugu dɔ njetujiloo’g lé.

Habakuk 2:3

Mbata ndərta neelé ta gə́ wɔji ndəa to njaŋg mba̰. Ta neelé aw gə́ loo tɔl ŋgaŋgee’g ya ndá Taŋgɔm a godo keneŋ, Ɓó lé yee tila gə́ tila ɓəi kara maji kam ŋgina ya Mbata yee a kaw lée’g ya, A kaw lée’g béréré tɔgərɔ ya.

Jakari 13:9

N’a kɔm debee gə́ nai neelé dan pər’d ndá n’a ndiree to gə́ deḛ ndiri ne larnda gə mba kar siḭyee teḛ ləm, n’a naa dee to gə́ deḛ naa ne larlɔr bèe ləm tɔ. Deḛ d’a ɓar ri neḛ ndá n’a koo ta lə dee. N’a pana: To koso-dəwje lə neḛ. Ndá d’a pana: Njesigənea̰ to Ala lə síjeḛ tɔ.

Matiyo 16:17

Jeju ulá pana: Simo̰, ŋgon Junas, dɔi ai səgərə, mbata darɔ dəw əsé məs dəw ɓa ar kəmi inja dɔ né gə́ neelé el nɛ Bɔm gə́ si dara ɓa riba səi dəa bèe.

Matiyo 26:56

Nɛ né neelé teḛ togə́bè mba tɔl ne ta gə́ njéteggintaje ndaŋg mee maktub’g lé bém. Yen ŋga njékwakiláje lai d’ubá d’yá̰ buŋga na̰ d’aḭ d’aw.

Tagə́maji gə́ Ja̰ ndang 15:2

Barkəm nduú gə́ rara gə́ uba kaarm’g ɓa andə el ndá yeḛ tuga badə-badə gaŋg, nɛ barkəm gə́ rara ɓa gə́ andə ndá yeḛ rəa bur-bur gə mba karee andə unda njé gə́ kédé.

Tagə́maji gə́ Ja̰ ndang 20:25

Njékwakila Jejuje gə́ raŋg d’ulá pana: Jeḛ j’oo Mbaidɔmbaije lé mba̰. Nɛ yeḛ ila dee keneŋ pana: Ɓó lé ma m’oo tor ŋgawlar gə́ jia’g el ləm, əsé m’ula ŋgaw jim ta doo ŋgawlar’g el ləma, əsé m’ula jim ta doo niŋga gə́ ŋgel mée’g el ləm tɔ ndá m’a taa ta lə sí nda̰ bèe el.

Néra Njékaḭkulaje 13:13

Pool gə njéboalookawje ləa d’uru mee bato’g Papos d’isi d’aw gə́ Perjə gə́ to dɔ naŋg gə́ Pampili. Nɛ Ja̰ uba dee ya̰ dee ɔs tel gə́ Jerusalem.

Tel tura Godndu 8:16

yeḛ gə́ ar sí muru gə́ ḭ dara gə́ bɔ síje-je gər el dɔdilaloo’g o̰je, gə mba kar sí ndooje kulje ne ləm, gə mba kaḭ ne meḛ sí mba̰ ɓa gə mba ra sə sí né gə́ maji gogo ɓəi ləm tɔ.

Maktub gə́ Jak ula ne ar ngan-Allaje 1:2

Ŋgakɔmje, néje gə́ kədərə ɓəd-ɓəd gə́ naa sí lé maji koo deeje gə́ nérɔlel ya,

Loo gə́ killa rea kəm Ja̰’g 14:15

Kura gə́ dara gə́ raŋg unda loo mee kəi-Ala’g teḛ raga ndá yeḛ pata gə ndia gə́ boi wəl ula yeḛ gə́ si dɔ ndi gə́ pélé dara’g lé pana: Ila marm ləi gə mbɔree inja ne kó mbata naḭ kinja kó lé teḛ mba̰ ləm, kó gə́ dɔ naŋg nee ərkəm gəsəsə mba̰ ya ləm tɔ.

Loo gə́ killa rea kəm Ja̰’g 17:17

Mbata Ala sula dee dan né gə́ yeḛ ɓa wɔji mba kar né gə́ yeḛ nja wɔji lé aw na̰’d kára ba gə ka̰ dee-deḛ ləm, mba kar da lé o̰ ɓee ləm tɔ saar kar ta gə́ Ala pa lé aw lée’g béréré ya.

Loo gə́ killa rea kəm Ja̰’g 2:10

Ɓəl nékəmndoo gə́ gə a rai el. Aa oo, njekurai lé a kwa njé gə́ na̰je mbuna sí’g a kila ɗa gɔl sí’g mba kaḭ ne meḛ sí ləm, néurti a ra sí ndɔ dɔg ləm tɔ. Ila ŋgonkoji dɔ Ala’g saar wəi ne, ɓa m’a kari dɔgugu kəmə lé.

Loo gə́ killa rea kəm Ja̰’g 7:14

Ma m’ula m’pana: Mbai ləm, i gər gao ya. Yeḛ ilam keneŋ pana: Deḛ lé d’ḭ dan némeeko̰ gə́ boo ya, deḛ togo kubuje lə dee ndá məs Ŋgonbad ɓa d’ar kubuje lə dee àr ne raŋg-raŋg.