Loo gə́ killa rea kəm Daniel’g 11:29 - Maktub gə́ To gə Kəmee

²⁹ Ndəa gə́ d’wɔji lé as lée’g mba̰ ndá yeḛ a tel kɔr rɔ kaw rɔ gə ɓee gə́ dɔkɔl. Nɛ telee gə́ gogo neelé néje a teḛ to gə́ kédé lé el.

Loo gə́ killa rea kəm Daniel’g 11:29 ပူးပေါင်းရင်းမြစ်များ

Esai 14:31

Seḭ gə́ síje tarəwkəi’g lé Gə́ tuma̰je ŋgururu-ŋgururu! Seḭ gə́ síje ɓee-boo’g lé Gə́ no̰je rɔ sí! Seḭ njéɓeeje gə́ Pilisti lai lé Undaje bala! Mbata sa pər ḭ gə́ dɔgel si ree ləm, Mbuna loo-kaar njéba̰je lé udu jigi-jigi ləm tɔ.

Loo gə́ killa rea kəm Daniel’g 10:1

Mee ləb ko̰ɓee’g lə Sirus, mbai gə́ Persə gə́ njekɔm’g munda lé kəm Daniel gə́ d’unda ria lə Belsasar inja dɔ ta né gə́ to loo-kiya’g. Ta neelé to kankəmta gə́ wɔji dɔ boo-némeeko̰ gə́ a gə ree lé. Yeḛ la̰ji taree mée’g ndá yeḛ oo gin némḭdi lé njai-njai tɔ.

Loo gə́ killa rea kəm Daniel’g 11:23

Loo gə́ d’a kɔm səa na̰’d sad mba̰ ndá gée gə́ gogo yeḛ a su kəm dee su-su. Yeḛ a kɔr rɔ kaw rɔ sə dee ndá yeḛ a dum ne dɔ dee gə dəwje gə́ jebəre ba ya.

Loo gə́ killa rea kəm Daniel’g 11:25

Yeḛ a kɔr no̰ bao-rɔje gə siŋgamoŋ gə kwa mee kɔgərɔ mba rɔ ne gə mbai gə́ dɔkɔl. Mbai gə́ dɔkɔl lé a kaw gə bao-rɔje ləa gə́ bula digi-digi ləm, siŋga dee to kɔgərɔ-kɔgərɔ ləm tɔ mba rɔ ne səa nɛ yeḛ a kaar nea̰’g gəs el mbata d’a la̰ji tor gosɔyèr meḛ dee’g dəa’g.

Loo gə́ killa rea kəm Daniel’g 11:28

Yeḛ a tel kaw mee ɓee’g ləa gə nébaoje gə́ ur kugu. Mée a mbad manrɔ gə́ to gə kəmee ndá yeḛ a koma̰ ne səa ɓa a tel kaw mee ɓee’g ləa ɓəi.

Loo gə́ killa rea kəm Daniel’g 11:30

Njé gə́ Kitim d’a ree gə bato-rɔje mba rɔ ne səa ndá mée a kila kas karee rəm gə gée. Tɔɓəi mée a kḭ səa pu dɔ manrɔ gə́ to gə kəmee’g ndá yeḛ a tel rɔ səa gogo ɓəi. Tel ləa gə́ gogo lé yeḛ a kɔm na̰’d sad gə deḛ gə́ d’uba manrɔ gə́ to gə kəmee d’ya̰ lé.

Loo gə́ killa rea kəm Daniel’g 8:19

Tɔɓəi yeḛ ulam pana: M’a tɔji kari gər né gə́ a gə teḛ rudu ndɔ oŋg’d lé mbata d’wɔji ndəa gə́ kàree gə́ a gə teḛ lé mba̰ ya.

Néra Njékaḭkulaje 17:26

Məs dəw kára ba ya yeḛ unda ne ginka dəwje gə́ loo-loo ləm, yeḛ wɔji ne loo-si dee si dee dɔ naŋg nee ləm tɔ. Yeḛ wɔji ləb si dee si dee ləm, gə rəw-nim ɓeeje lə dee ləm tɔ.

Njé gə́ Galati 4:2

Nɛ yeḛ ula dəa ar njékodeeje gə njékaa dɔ néje ləa lé saar ndəa gə́ bɔbeeje wɔji lé as lée’g béréré ya.