Loo gə́ killa rea kəm Daniel’g 11:27 - Maktub gə́ To gə Kəmee

²⁷ Mbaije gə́ joo lé d’a la̰ji tor rəw né gə́ majel meḛ dee’g mba ra gə na̰, tɔɓəi ta ka-nésɔ’d gə́ kára ba ya d’a pa taŋgɔm keneŋ kar na̰. Nɛ né neelé a teḛkɔr el mbata rudee a kun el saar ndəa gə́ d’wɔji ɓa.

Loo gə́ killa rea kəm Daniel’g 11:27 ပူးပေါင်းရင်းမြစ်များ

2 Samel 13:26

Absalɔm pana: Lé bèe kara m’ra ndòo rɔi’g mba kari ya̰ loo ar ŋgokɔm, Amno̰ ree sə sí ya. Mbai lé tel ilá keneŋ pana: See gelee ban ɓa yeḛ a kaw kəi ləi wa.

Pakɔsje 12:2

Ǝi Njesigənea̰, gə́ ree la sə sí! Njémeemajije d’isi sané pá ləm, Majikojije d’udu mbuna dəwje’g ləm tɔ.

Pakɔsje 52:1

Pakɔs lə Dabid gə́ ar bao-pa mba karee ɔs sə dee lé.

Pakɔsje 58:2

Seḭ dəwje lé see ta sí gə́ ndèm kub lé ɓa Seḭ a raje ne néra gə́ gə dɔ najee lé ɓəi wa. Esé see togə́bè ɓa a gaŋgje ne rəwta gə goo rəbee lé ɓəi wa.

Pakɔsje 62:9

Seḭ koso-dəwje lé kàr gə́ rara kara Maji kar sí ɔmje meḛ sí dəa’g, Tegje ginta gə́ to meḛ sí’g areeje! Mbata Ala to njo̰loo-kula-dɔ lə sí ya.

Pakɔsje 64:6

Deḛ d’wa siŋga dee kɔgərɔ dan némeeyèr’g lə dee ləm, Deḛ d’ɔm na̰’d téréré gə mba kiya gumje lə dee ləm tɔ Ar dee pa ne pana: See na̰ ɓa a koo neḛje wa.

Gosota-Kəmkàrje 12:20

Su kəm loo to dɔɓəŋgərə dee-deḛ Gə́ la̰ji tor néra gə́ majel meḛ dee’g, Nɛ rɔlel nai gə dee Gə́ gɔl mar deeje d’ɔm dee na̰’d.

Gosota-Kəmkàrje 19:21

Mee dəw lé wɔji-kwɔji ra néje bula, Nɛ né gə́ Njesigənea̰ wɔji ɓa aw lée’g béréré.

Gosota-Kəmkàrje 26:23

Taje gə́ nuŋga kəd-kəd ləm, gə mée gə́ majel ləm tɔ lé To asəna gə siḭ larnda gə́ d’ɔr gir jo-a̰ji’g bèe.

Ejekel 17:9

Maji kam m’pa pana: Mbaidɔmbaije gə́ Njesigənea̰ dəji ta togə́bè pana: See a teḛkɔr ya wa. See niŋgatə̰də gə́ dɔtar lé a tɔr ŋgiraje el wa. See a tɔr ka̰dee karee tudu ar kameje lai gə́ idi lé wa njɔm el wa. Siŋgamoŋ gə́ yaa̰ əsé dəwje gə́ bula digi-digi ɓa gə́ kuma̰ kɔree el.

Loo gə́ killa rea kəm Daniel’g 10:1

Mee ləb ko̰ɓee’g lə Sirus, mbai gə́ Persə gə́ njekɔm’g munda lé kəm Daniel gə́ d’unda ria lə Belsasar inja dɔ ta né gə́ to loo-kiya’g. Ta neelé to kankəmta gə́ wɔji dɔ boo-némeeko̰ gə́ a gə ree lé. Yeḛ la̰ji taree mée’g ndá yeḛ oo gin némḭdi lé njai-njai tɔ.

Loo gə́ killa rea kəm Daniel’g 11:28

Yeḛ a tel kaw mee ɓee’g ləa gə nébaoje gə́ ur kugu. Mée a mbad manrɔ gə́ to gə kəmee ndá yeḛ a koma̰ ne səa ɓa a tel kaw mee ɓee’g ləa ɓəi.

Loo gə́ killa rea kəm Daniel’g 11:29

Ndəa gə́ d’wɔji lé as lée’g mba̰ ndá yeḛ a tel kɔr rɔ kaw rɔ gə ɓee gə́ dɔkɔl. Nɛ telee gə́ gogo neelé néje a teḛ to gə́ kédé lé el.

Loo gə́ killa rea kəm Daniel’g 11:35

Njékəmkàrje gə́ na̰je d’a koso ne gə mba naa ne meḛ dee ləm, kar dee d’àr ne ŋgad-ŋgad ləma, kar meḛ dee ndá ne londoŋ ləm tɔ saar ndəa gə́ rudee a kun ɗiao mbata né neelé a teḛ mee ndəa gə́ d’wɔji lé ɓa.

Loo gə́ killa rea kəm Daniel’g 11:40

Ndəa gə́ rudee a kun ɗiao lé mbai gə́ dɔkɔl a kubá naŋg bus rɔ səa. Tɔɓəi mbai gə́ dɔgel a ɓugu dəa’g asəna gə lel-boo gə pusu-rɔje gə njérɔ gə kundaje ləm, gə bato-rɔje bula ləm tɔ. Yeḛ a kaw kəmee gə́ kédé-kédé asəna gə kəm-rəw-mán gə́ ruba pɔ-pɔ bèe.

Loo gə́ killa rea kəm Daniel’g 8:17

Togə́bè ɓa yeḛ ree pər gə́ loo gə́ m’aar keneŋ lé. Ree gə́ yeḛ ree pər lé ar ɓəl undam badə gaŋgm ndá m’oso naŋg bəbərə m’dəb kəm naŋg. Yeḛ ulam pana: Ma ŋgon-dəw lé maji kam m’tuga mbim maji, mbata némḭdi lé wɔji dɔ loo gə́ rudu ndɔje d’a gə kun ɗiao.

Loo gə́ killa rea kəm Daniel’g 8:19

Tɔɓəi yeḛ ulam pana: M’a tɔji kari gər né gə́ a gə teḛ rudu ndɔ oŋg’d lé mbata d’wɔji ndəa gə́ kàree gə́ a gə teḛ lé mba̰ ya.

Habakuk 2:3

Mbata ndərta neelé ta gə́ wɔji ndəa to njaŋg mba̰. Ta neelé aw gə́ loo tɔl ŋgaŋgee’g ya ndá Taŋgɔm a godo keneŋ, Ɓó lé yee tila gə́ tila ɓəi kara maji kam ŋgina ya Mbata yee a kaw lée’g ya, A kaw lée’g béréré tɔgərɔ ya.

Néra Njékaḭkulaje 1:7

Yeḛ tel ila dee keneŋ pana: Bɔm nja wɔji ndəa gə kàree to gə́ mée ndigi ɓó to ta lə sí-seḭ ɓa gə mba gər ndəa əsé kàree el.

Néra Njékaḭkulaje 17:31

mbata yeḛ unda ndɔ gə́ yeḛ a gə gaŋg rəwta dɔ dəwje gə́ dɔ naŋg neelé gə goo rəbee ləm, dəw gə́ a gə gaŋg rəwta neelé kara yeḛ unda doi ləm tɔ. Yeḛ ar dəwje lai d’oo ta neelé gao loo gə́ yeḛ ar debee neelé unda loo teḛ dan njé gə́ d’wəi’g.

1 Njé gə́ Tesalonikə 5:1

Ŋgako̰ síje, ta gə́ wɔji dɔ ndəa gə kàree lé seḭ awje ndòo maktubee el.