Loo gə́ killa rea kəm Daniel’g 11:25 - Maktub gə́ To gə Kəmee

²⁵ Yeḛ a kɔr no̰ bao-rɔje gə siŋgamoŋ gə kwa mee kɔgərɔ mba rɔ ne gə mbai gə́ dɔkɔl. Mbai gə́ dɔkɔl lé a kaw gə bao-rɔje ləa gə́ bula digi-digi ləm, siŋga dee to kɔgərɔ-kɔgərɔ ləm tɔ mba rɔ ne səa nɛ yeḛ a kaar nea̰’g gəs el mbata d’a la̰ji tor gosɔyèr meḛ dee’g dəa’g.

Loo gə́ killa rea kəm Daniel’g 11:25 ပူးပေါင်းရင်းမြစ်များ

Gosota-Kəmkàrje 15:18

Dəw gə́ njemeekḭ jugugu ɔs gel takɔlje, Nɛ yeḛ gə́ ar oŋg ḭ səa kalaŋ el lé Gɔl takɔl na̰ ya.

Gosota-Kəmkàrje 28:25

Njebeelé ɔs gel takɔlje, Nɛ yeḛ gə́ ɔm mée dɔ Njesigənea̰’g lé Né asee nag-nag.

Loo gə́ killa rea kəm Daniel’g 11:10

Ŋganeeje d’a kwa dɔ gɔl rɔ ləm, d’a mbo̰ koso-njérɔje bula ləm tɔ. Yeḛ gə́ kára mbuna dee’g a kaw kəmee gə́ kédé taa loo asəna gə kəm-rəw-mán gə́ ula taa loo pəl-pəl bèe ləm, a ruba pɔ-pɔ ləma, a tel rəm ləm tɔ. D’a rɔ kəm dee gə́ kédé-kédé saar teḛ ne kəi-kaar-kɔgərɔ’g lə mbai gə́ dɔkɔl.

Loo gə́ killa rea kəm Daniel’g 11:2

Ɓasinè m’a gə kar kəmi inja dɔ kankəmta’g ya. Aa oo, mbaije gə́ Persə munda d’a kḭ taa tor na̰ munda ya ɓəi. Yeḛ gə́ njekɔm dee’g sɔ lé a mbo̰ nébaoje kar dee d’ur dɔ ka̰ dee-deḛ lai. Loo gə́ mbɔl dɔ nébaoje ləa lé siŋgá a to ne yaa̰ ndá yeḛ a sula deḛ lai kar dee d’ɔm səa na̰’d mba rɔ ne gə ɓeeko̰ lə Grekje.

Loo gə́ killa rea kəm Daniel’g 11:40

Ndəa gə́ rudee a kun ɗiao lé mbai gə́ dɔkɔl a kubá naŋg bus rɔ səa. Tɔɓəi mbai gə́ dɔgel a ɓugu dəa’g asəna gə lel-boo gə pusu-rɔje gə njérɔ gə kundaje ləm, gə bato-rɔje bula ləm tɔ. Yeḛ a kaw kəmee gə́ kédé-kédé asəna gə kəm-rəw-mán gə́ ruba pɔ-pɔ bèe.

Loo gə́ killa rea kəm Daniel’g 11:5

Mbai gə́ par gə́ dɔkɔl lé a tel to njesiŋgamoŋ. Nɛ siŋga dəw kára mbuna ŋgan-mbaije’g ləa a kur dɔ kea̰-yeḛ’g ndá yeḛ a dum dɔ loo. Dum dɔ loo ləa lé siŋgá a to yaa̰.