Loo gə́ killa rea kəm Daniel’g 11:19 - Maktub gə́ To gə Kəmee

¹⁹ Gée gə́ gogo, yeḛ a tel kəmee par gə́ kəi-kaar-kɔgərɔje gə́ mee ɓee’g ləa. Gɔlee a kunda ndolé karee oso ndá dəw a kiŋgá gogo el ŋga.

Loo gə́ killa rea kəm Daniel’g 11:19 ပူးပေါင်းရင်းမြစ်များ

Maktub gə́ wɔji dɔ Jɔb 20:8

Yeḛ a kḭ kaw to gə́ néni ndá dəw a koo gée el ləm, Yeḛ a sané pá to gə́ némḭdi gə́ loondul’g bèe ləm tɔ.

Maktub gə́ wɔji dɔ Jɔb 34:24

Yeḛ tuji njésiŋgamoŋje lal saŋg gin dee Ndá yeḛ taa tor dee gə njé gə́ raŋg.

Pakɔsje 27:2

Loo gə́ njémeeyèrje ree pər gə́ rɔm’g Gə mba tim mbidi-mbidi sɔ Deḛ gə́ to njékula kəm ndooje ləm gə njéba̰je ləm ləm tɔ lé D’unda ndolè rəm d’oso ne.

Pakɔsje 37:35

Ma m’oo njemeeyèr loo-siŋgamoŋ’g ləa, Yeḛ to asəna gə kag gə́ idi un loo lad-lad bèe.

Pakɔsje 37:36

Nɛ loo gə́ ma m’dəs ndá aa oo yeḛ godo ŋga, Ma m’saŋgee ndá m’iŋgá el tɔ.

Esai 24:20

Dɔ naŋg ləŋg təji-təji To gə́ dəw gə́ kido tɔlee bèe ləm, Yee ləŋg to gə́ kəi-ləw bèe ləm tɔ, Kaiya ləa wɔi dəa’g Ndá yee oso nɛ tel ḭ tar gogo el.

Jeremi 46:6

Maji kar njerɔkwɔilɔ unda mareeje lé Aḭ taa ne rəa el ləm, Maji kar bao-rɔ unda mareeje teḛ ta’g el ləm tɔ! Loo gə́ dɔgel, dɔ koŋgo baa-boo gə́ Epratə lé Deḛ d’unda ndolè keneŋ ləm, Deḛ tɔr toso ləm tɔ.

Ejekel 26:21

N’a kari tel to né gə́ kari ba ndá i a godo. D’a sa̰gi nɛ d’a kiŋgai gogo el ya saar gə no̰, Mbaidɔmbaije gə́ Njesigənea̰ ɓa pa bèe.

Loo gə́ killa rea kəm Daniel’g 11:7

Kag gə́ uba dɔ ŋgira’d gə́ idi lé a taa toree. Yeḛ a kɔr rɔ ree rɔ gə bao-rɔje ləm, yeḛ a kandə mee kəi-kaar-kɔgərɔje’g lə mbai gə́ dɔgel ləm tɔ ndá yeḛ a rɔ sə dee to gə́ mée ndigi dum dee ne.