Loo gə́ killa rea kəm Daniel’g 11:11 - Maktub gə́ To gə Kəmee

¹¹ Mee mbai gə́ dɔkɔl a kḭ səa pu ləm, yeḛ a teḛ kaw rɔ gə mbai gə́ dɔgel lé ləm tɔ. Yeḛ a kula ta meḛ koso-njérɔje’g ndá kudu-njérɔje lə mbai gə́ dɔgel lé d’a koso jia’g.

Loo gə́ killa rea kəm Daniel’g 11:11 ပူးပေါင်းရင်းမြစ်များ

1 Mbaije 20:13

Nɛ aa ooje, njetegginta kára ree rɔ Akab’g, mbai lə Israɛlje ndá yeḛ pana: Njesigənea̰ pa togə́bè pana: See i oo njérɔje gə́ bula digi-digi nee ya wa. M’a kya̰ dee jii’g ɓogənè mba kari gər to gə́ ma m’to Njesigənea̰ ya.

1 Mbaije 20:28

Dəw lə Ala ree pər gə́ rɔ mbai’d gə́ Israɛl ndá ulá pana: Njesigənea̰ pa togə́bè pana: Mbata Aramje pa togə́bè pana: Njesigənea̰ to Ala gə́ si dɔ mbalje’g ɓó to Ala gə́ si ndag-looje’g el, gelee gə́ nee ɓa m’a gə kya̰ koso-dəwje gə́ bula digi-digi neelé meḛ ji sí’g mba kar sí gərje to gə́ ma m’to Njesigənea̰ ya.

Pakɔsje 76:10

Loo gə́ Ala ḭ mba gaŋgta Gə mba kaji ne njénékəmndooje lai gə́ dɔ naŋg nee.

Jeremi 27:6

Ɓasinè m’ɔm ɓeeje nee lai ji kura’g ləm Nebukadnesar, gə́ to mbai gə́ Babilɔn. Daje gə́ mee wala’g ya kara m’a kar dee d’oso gelee’g tɔ.

Loo gə́ killa rea kəm Daniel’g 11:12

Koso-njérɔje neelé d’a ti rɔ dee ndá mbai lé a kəsta ti ne rəa tɔ. Yeḛ a kar koso-dəwje gə́ dum tura lé d’wəi ne ya nɛ yeḛ a kun baŋga el.

Loo gə́ killa rea kəm Daniel’g 11:40

Ndəa gə́ rudee a kun ɗiao lé mbai gə́ dɔkɔl a kubá naŋg bus rɔ səa. Tɔɓəi mbai gə́ dɔgel a ɓugu dəa’g asəna gə lel-boo gə pusu-rɔje gə njérɔ gə kundaje ləm, gə bato-rɔje bula ləm tɔ. Yeḛ a kaw kəmee gə́ kédé-kédé asəna gə kəm-rəw-mán gə́ ruba pɔ-pɔ bèe.

Loo gə́ killa rea kəm Daniel’g 11:44

Nɛ taje gə́ d’ḭ ne bər gə dɔgel lé a koso mbia’g karee ɓəl yaa̰ ndá oŋg a kḭ səa pu karee ḭ aw gə mba tuji koso-dəwje kar dee d’udu guduru.

Loo gə́ killa rea kəm Daniel’g 11:5

Mbai gə́ par gə́ dɔkɔl lé a tel to njesiŋgamoŋ. Nɛ siŋga dəw kára mbuna ŋgan-mbaije’g ləa a kur dɔ kea̰-yeḛ’g ndá yeḛ a dum dɔ loo. Dum dɔ loo ləa lé siŋgá a to yaa̰.

Loo gə́ killa rea kəm Daniel’g 2:38

Dəwje gə daje gə́ wala gə yelje lé loo gə́ rara gə́ d’aw keneŋ lé kara, Ala nja ɓa ɔm dee jii’g yəg ləm, yeḛ ari o̰ ɓee dɔ dee’g lai ləm tɔ. Bèe ɓa, i nja to dɔ néndaji gə́ to gə́ larlɔr lé.

Loo gə́ killa rea kəm Daniel’g 8:7

Ma m’ée loo gə́ yee aḭ njal teḛ rɔ bàl badə’g lé ndá mée ḭ səa pu dəa’g. Yee tuga bàl badə neelé təd gajeeje joo bɔr nɛ siŋga bàl badə gə́ kəm koma̰ ne səa lé godo. Yee ɔsee ilá naŋg tubá mbajila-mbajila ndá dəw kára kara gə́ njetaa dɔ bàl badə lé godo.