Loo gə́ killa rea kəm Daniel’g 10:19 - Maktub gə́ To gə Kəmee

¹⁹ Tɔɓəi yeḛ ulam pana: I gə́ Ala undai dan kəmee’g lé maji kari ɓəl el ləm, si gə meelɔm ləma, wa rɔi kɔgərɔ wa diŋgam məəi’g ləm tɔ! Loo gə́ yeḛ si ulam ta bèe-bèe ndá siŋgam tel ree rɔm’g am m’pana: Maji kar mbai ləm pata ya mbata i am siŋgam mba̰ ya.

Loo gə́ killa rea kəm Daniel’g 10:19 ပူးပေါင်းရင်းမြစ်များ

Pakɔsje 138:3

Mee ndɔ gə́ m’ɓar ne rii lé I ilam keneŋ am ne né gə́ m’aw ndée ya, I ula diŋgam məəm’g ləm, ar siŋgam ḭ dɔ maree’g ləm tɔ.

Esai 35:4

Ulaje deḛ gə́ meḛ dee to kəgəgə lé pajena: Waje diŋgam meḛ sí’g ɓó ɓəlje el, Aa ooje, Ala lə sí lé yeḛ a ree dal ba̰ lə sí Kuga ne dɔ ji deḛ gə́ ra sə sí majel, Yeḛ a ree gə rəa-yeḛ nja mba kaji sí.

Esai 41:10

Ɓəlje el Mbata ma m’nai sə sí, Maji kar sí aaje loo gə kəm ɓəl el Mbata ma m’to Ala lə sí, M’a kar siŋga sí ḭ dɔ maree’g ləm, M’a ree la sə sí ləma, M’a gəd sí gə jikɔlm gə́ ɓar mèr-mèr ləm tɔ.

Esai 41:14

Seḭ njé’g lə Jakob gə́ d’oo sí gə́ ŋgan kuruje lé, Seḭ ges Israɛlje gə́ siŋga sí godo lé Ɓəlje el Njesigənea̰ pana: M’a ree la sə sí, Njemeenda lə Israɛlje to njekaji sí ya.

Loo gə́ killa rea kəm Daniel’g 10:18

Yen ŋga nékunda gə́ to tana gə dəw lé tel ɔrɔ rɔm gɔl kára tɔɓəi ɓa am siŋgam ɓəi.

Loo gə́ killa rea kəm Daniel’g 9:23

Loo gə́ i un kudu ra tamaji ta Ala’g lé ndá godndu ḭ rɔ Ala’g lé teḛ, yee ɓa ma m’ree ne gə mba riba səi dəa mbata i lé d’undai dan kəm dee’g dana ɗəŋgərə. Bèe ndá maji kari ur mbii oo ne ta ləm, oo ne gin némḭdi gə́ i oo lé ləm tɔ!

Ajee 2:4

Njesigənea̰ pana: Ɓasinè, i Jorobabel, wa rɔi kɔgərɔ! I Juje, ŋgolə Josadak, ŋgɔ-njekinjanéməs lé wa rɔi kɔgərɔ! Seḭ koso-dəwje lai gə́ mee ɓee’g lé waje rɔ sí kɔgərɔ! Njesigənea̰ ɓa pa bèe. Tɔɓəi raje kula! Mbata neḛ nja nai sə sí ya. Njesigənea̰ gə́ njeboo-néje ɓa pa bèe.

Jakari 8:13

Seḭ ginkoji Judaje gə ginkoji Israɛlje lé Kédé seḭ toje koso-dəwje Gə́ ndɔl wa dɔ dee mbuna ginkoji dəwje gə raŋg’g Nɛ ɓasinè n’a kaji sí ləm, Seḭ a toje nétɔrndu mbuna dee’g ləm tɔ, Bèe ndá gə́ ɓəlje el, arje ji sí ɓar mèr-mèr.

Jakari 8:9

Njesigənea̰ gə́ njeboo-néje lé pa togə́bè pana: Seḭ gə́ ɓogənè ooje taje nee ta njéteggintaje’g Gə́ teḛ mee ndəa gə́ deḛ tum ne gin kəi lə Njesigənea̰ gə́ njeboo-néje lé Loo gə́ d’a gə kunda ne kəi gə́ to gə kəmee lé Arje ji sí ɓar mèr-mèr.

Tagə́maji gə́ Ja̰ ndang 11:3

Konan Lajarəje neelé d’ula kula goo Jeju’g pana: Mbaidɔmbaije, yeḛ gə́ i undá dan kəmi’g lé oso gə rɔko̰.

Tagə́maji gə́ Ja̰ ndang 11:36

Yen ŋga Jibje pana: Aa ooje, yeḛ lé ndigee gə mee kɔr jol-jol ya.

Tagə́maji gə́ Ja̰ ndang 11:5

Jeju lé unda Martə deḛ gə ŋgokea̰ gə Lajarə lé dan kəmee’g ya.

Tagə́maji gə́ Ja̰ ndang 14:27

Ma m’ya̰ sí gə meekulɔm, nɛ meekulɔm ləm ya m’ar sí. Ma lé m’ar sí to gə́ naŋg nee ɓa ar sí lé el. Maji karje meḛ sí pélé wəs-wəs el ləm, gə ɓəlje el ləm tɔ.

Tagə́maji gə́ Ja̰ ndang 16:33

Ma m’ula sí ta néje neelé mba kar meḛ sí gə́ seḭ ɔmje səm na̰’d sad lé seḭ a sije ne gə meekulɔm ya. Nékəmndoo a ra sí dɔ naŋg nee ya, nɛ waje rɔ sí kɔgərɔ mbata ma m’dum dɔ loo gə́ naŋg nee mba̰ tɔ.

Tagə́maji gə́ Ja̰ ndang 19:26

Loo gə́ Jeju oo kea̰je gə njekwakilá kára gə́ yeḛ undá dan kəmee’g gə́ aar səa na̰’d lé yeḛ tel ula kea̰je pana: Dené aa loo oo ŋgoni.

Tagə́maji gə́ Ja̰ ndang 21:20

Piɛrə kel gée ndá aa loo oo njekwakilá gə́ Jeju undá dan kəmee’g lé si ree gə́ goo dee’g, to yeḛ gə́ loo gə́ d’isi ta ka-nésɔ’g d’isi d’usɔ né ndá ula təa gə́ rɔ Jeju’g dəjee pana: Mbaidɔmbaije, see na̰ ɓa a kun dɔi wa lé.

1 Njé gə́ Kɔrḭtə 16:13

Sije kəmba arje kəm sí ɔs loo pal-pal ləm, aarje dɔ meekun’g lə sí njaŋg ləm, waje rɔ gə́ diŋgam ləma, aarje kɔgərɔ ləm tɔ.

2 Njé gə́ Kɔrḭtə 12:9

Ndá yeḛ ilam keneŋ pana: Meenoji ləa a kasm nag ya, mbata siŋgamoŋ ləa a kɔr dɔ loo rəm’g ləm njal ya. Yen ɓa m’a kḭ gə́ rɔm ti ne rɔm dɔ nérəmje’g ləm mba kar siŋgamoŋ lə Kristi nai ne rɔm’g.

Njé gə́ Epesə 6:10

Ŋgakɔmje, namje kaar Mbaidɔmbaije’g lə sí taaje ne siŋgamoŋ ləa gə́ dum dɔ loo oreeje ne maree lə sí.

2 Timote 2:1

Ŋgonəm, i kara wa rɔi kɔgərɔ gə goo noji gə́ Jeju Kristi wa səi lé.

Jujé 1:9

See m’un ndum m’ari m’pana: Wa rɔi kɔgərɔ ləm, wa diŋgam məəi’g ləm tɔ, see m’pa bèe el wa. Ar ɓəl rai el ləm, ar siŋgasa wai el ləm tɔ mbata Njesigənea̰, Ala ləi a nai səi gə loo gə́ rara gə́ i a kaw keneŋ lé ya.

Loo gə́ killa rea kəm Ja̰’g 1:17

Loo gə́ ma m’ée ndá m’oso naŋg gɔlee’g asəna gə dəw gə́ wəi bèe. yeḛ ila jikɔlee dɔm’g pana: Maji kam m’ɓəl el.

Njéga̰g-Rəwtaje 6:23

Bèe ɓa Njesigənea̰ ulá pana: Ar məəi to lɔm ɓó ɓəl el, i a kwəi el.