Amɔs 9:4 - Maktub gə́ To gə Kəmee

⁴ Ɓó lé d’aw gə́ ɓərje ɓee lə njéba̰je lə dee lé Ndá lé neelé ɓa n’a kun ndu neḛ Kar kiambas tɔl dee keneŋ ləm, N’a kun kəm neḛ dɔ dee’g rəw Mba ra sə dee né gə́ majel ɓó né gə́ maji ɓa el ləm tɔ.

Amɔs 9:4 ပူးပေါင်းရင်းမြစ်များ

Gḭ-Néje 44:21

I ula kuraje ləi pana: J’aree ree sə sí kari ée gə kəmi.

2 Sôrta Gḭka Israɛlje 16:9

Mbata kəm Njesigənea̰ lé un naŋg nee lad ya mba gəd deḛ gə́ d’ya̰ meḛ dee bura d’aree. Nɛ i ra némbə ndá un gelee ɓasinè lé i a si dan rɔ’g tɔ.

Pakɔsje 34:17

Njesigənea̰ lé kəmee tel wagəsa dɔ njémeeyèrje’g Gə mba kar ri dee udu bo̰ dɔ naŋg nee.

Teḛ-Raga 14:24

Ta lookàr’g dəb ndá, Njesigənea̰ gə́ si dan pər’g gə dan mum’g lé aa loo oo loo-si njé gə́ Ejiptə ndá, yeḛ ra né ar njé gə́ Ejiptə lé d’aw dɔ na̰’d bèe pum-pum loo-si dee’g.

Jeremi 12:12

Mee looje lai gə́ ndəw Gə́ to dɔdilaloo’g lé Njétujilooje ree keneŋ, Mbata kiambas lə Njesigənea̰ Tuji ɓee bura ya̰ gesee el, Dəw kára kara iŋga meelɔm el.

Jeremi 21:10

Mbata neḛ n’orè kəm neḛ sḭ dɔ ɓee-boo’g neelé mba ra səa majel ɓó maji ɓa el, Njesigənea̰ ɓa pa bèe. Ɓee-boo neelé a koso meḛ ji mbai gə́ Babilɔn’g karee rée dula-dula.

Jeremi 24:6

M’a koo dee gə kəm gə́ maji ləm, m’a tel ree sə dee mee ɓee’g neelé gogo ləm tɔ. M’a kunda dee lée’g ɓó m’a tuji dee el ŋga ləm, m’a ma̰a dee ɓó m’a tɔr dee el ŋga ləm tɔ.

Jeremi 39:12

Wá tɔs kəmi dəa’g. Ra səa né gə́ majel kára kara el nɛ ra səa né gə goo ta gə́ yeḛ a kulai.

Jeremi 39:16

Aw ula Ebed-Melek, dəw gə́ Etiopi pana: Njesigənea̰ gə́ njeboo-néje gə́ to Ala lə Israɛlje lé pa togə́bè pana: Aa oo, néje gə́ m’a karee ree dɔ ɓee-boo’g neelé to néje gə́ majel gə́ m’ila mberee lé ɓó to néje gə́ maji ɓa el. Néje neelé d’a ree mee ndəa’g neelé kari oo dee gə kəmi ya.

Jeremi 44:11

Gelee gə́ nee ɓa Njesigənea̰ gə́ njeboo-néje gə́ to Ala lə Israɛlje lé pa ne togə́bè pana: Aa ooje, ma m’wɔji mba ra sə sí majel ləm, gə mba tuji Judaje lai pugudu-pugudu ləm tɔ.

Ejekel 5:12

Dəwje lai gə́ kudu munda lé kudu deḛ gə́ kára d’a kwəi yoo-koso ləm, ɓoo-boo a kula kəm dee ndòo mbuna sí’g ləm tɔ, deḛ gə́ kudu kára d’a kwəi yoo-kiambas gugu gir sí sub, tɔɓəi deḛ gə́ kudu kára lé n’a sané dee dan lel’g ndá n’a kɔr kiambas kore ne goo dee tɔ.

Ejekel 5:2

Yee gə́ loo kára lé m’a roo dan mee ɓee-boo’g loo gə́ ndɔ kaḭ dəa sub gə rɔ lé aw lée’g béréré mba̰, yee gə́ njekɔm’g loo joo lé m’a kodo kaw tḭja gə yiŋga gugu ne gir ɓee-boo lé sub, tɔɓəi yee gə́ njekɔm’g loo munda lé m’a sané dan lel’g ndá n’a kɔr kiambas korè ne gée.

Ləbije 17:10

Ɓó lé dəw gə́ Israɛl kára mbuna ginkoji’g lə Israɛlje əsé mbuna dəw-dɔ-ɓeeje gə́ d’isi mbuna dee’g lé sɔ məs da gə́ rara kara ndá m’a kun kəm dɔ dəw gə́ njesɔ məs’g neelé ləm, m’a kɔree mbuna dəwje’g ləa ləm tɔ.

Ləbije 26:33

M’a sané sí mbuna ginkoji dəwje gə raŋg’g, tɔɓəi m’a kar dee d’orè goo sí ndəŋ gə kiambas tɔ. Ɓee lə sí a to nduba ləm, ɓee-booje lə sí kara d’a tel to dɔdilalooje ləm tɔ.

Amɔs 9:8

Aa ooje, Mbaidɔmbaije gə́ Njesigənea̰ lé Kəmee to dɔ ɓeeko̰ gə́ ta wa dəa’g. N’a gə tujee pugudu Karee godo dɔ naŋg nee péd-péd ya, Nɛ lé bèe kara n’a tuji gel-bɔje lə Jakob bura el, Njesigənea̰ ɓa pa bèe.

Jakari 8:10

Mbata mee ndəa gə́ kédé lé Dəw ra kula ndá iŋga nédɔjiá el ləm, Nékulje kara d’iŋga né gə́ wɔji dɔ dee el ləm tɔ. Meekulɔm gə́ téḛ bèe kara godo Mbata lə deḛ gə́ d’andə kəi əsé deḛ gə́ teḛ raga Mbata lə njéba̰je lé, Bèe ɓa neḛ n’ya̰ dəwje lai N’ar dee d’oma̰ ne gə na̰ gə mbəa.