Amɔs 9:3 - Maktub gə́ To gə Kəmee

³ Ɓó lé d’iya rɔ dee dɔ sém mbal gə́ Karmel ndá N’a saŋg dee keneŋ kwa dee ya ləm, Lé d’aḭ d’iya rɔ dee kəm neḛ’g gin baa-boo-kad’g kara Lée neelé ɓa n’a kun ndu neḛ kar li to̰ dee keneŋ ya ləm tɔ.

Amɔs 9:3 ပူးပေါင်းရင်းမြစ်များ

Gḭ-Néje 3:8

Loo gə́ kàr unda jia dɔ kam’g ler ndá, deḛ d’oo ndu Njesigənea̰ Ala gə́ njaa mee ndɔ’g, tɔɓəi diŋgam deḛ gə dené ləa lé d’aḭ d’iya rɔ dee əw kəm Njesigənea̰ Ala’g mbuna kagje’d gə́ mee ndɔ’g lé.

2 Samel 22:46

Deḛ gə́ d’ḭ dɔ ɓee gə́ raŋg’d lé Siŋga dee godo ləm, Deḛ d’unda loo kəi-kaar-kɔgərɔ’g lə dee teḛ, D’unda bala tigi-tigi ləm tɔ.

Maktub gə́ wɔji dɔ Jɔb 22:13

Ndá i pana: See ɗi ɓa Ala gər wa. See yeḛ askəm koo loo gə́ ndul njudu-njudu ɓa mba kɔr kəm ta wa.

Maktub gə́ wɔji dɔ Jɔb 34:22

Loo gə́ ndul njudu-njudu gə́ dəb bigim Gə́ njéra né kori-korije d’askəm k’iya rɔ dee keneŋ lé godo.

Pakɔsje 68:23

Mbaidɔmbaije pana: Deḛ gə́ d’isi mee ɓee gə́ Basan’g ləm, Gə deḛ gə́ d’isi gel baa-boo-kad’g ləm tɔ lé N’a tel sə dee ree sə dee nee ya,

Esai 27:1

Mee ndəa’g neelé Njesigənea̰ a kun kiambas ləa gə́ kədərə, gə boi gə́ siŋgá to yaa̰ mba gaŋg ne da-kɔb gə́ to li gə́ njekaḭgwɔd yaa̰ ləm, da-kɔb gə́ to li gə́ təd rəa go̰gəlɔ-go̰gəlɔ ləm tɔ ndá yeḛ a tɔl da-kɔb lé mee baa-boo-kad’g.

Jeremi 16:16

Njesigənea̰ pana: Aa ooje, m’ula gə njḛ́do̰-ka̰jije bula ndá d’a kwa dee. Gée’g gogo m’a kula gə njḛ́do̰-daje bula ndá d’a korə dee dɔ mbalje’g lai ləm, gə dɔdərlooje’g lai ləma, gə mbuna mbalje gə́ ta̰ ləm tɔ.

Amɔs 1:2

Amɔs pana: Ndu Njesigənea̰ ɓar asəna gə ndu no̰ lə toboḭ bèe mee Sio̰’g ləm, Ndia gə́ ɓar Jerusalem kara Yeḛ ar dee d’oo ləm tɔ. Bèe ɓa mu ko̰ badje gə́ njékul deeje d’aar keneŋ lé To dan nékəmndoo’g ləm, Dɔ sém mbal gə́ Karmel kara Tudu kurum-kurum ləm tɔ.