Amɔs 9:14 - Maktub gə́ To gə Kəmee

¹⁴ N’a tel gə koso-dəwje lə neḛ gə́ Israɛl Gə́ d’wa dee gə́ ɓərje lé ree sə dee ɓée ləm, Ɓeeje lə dee gə́ tuji ləw lé D’a tel ra gogo mba kisi keneŋ ləm, D’a ma̰a nduúje ndá d’a kai mán dee ləma, D’a ra loo-kamnaḭje ndá d’a sɔ kandə dee ləm tɔ.

Amɔs 9:14 ပူးပေါင်းရင်းမြစ်များ

Pakɔsje 107:37

Deḛ dubu kandə kó mee ndɔje’g ləm, Deḛ ma̰a nduúje keneŋ ləma, Deḛ tḭja kandə néje keneŋ ya ləm tɔ.

Pakɔsje 53:6

Yen ɓa d’a kunda bala ndəb ne pəd-pəd Lal ne gin né gə́ bèe gə́ ka̰ kunda ne bala, Ala a sané sḭgarɔ dee-deḛ Gə́ d’aw d’ula kəm dəwje ləa ndòo, I a kila rɔkul dɔ dee’g mbata Ala mbad dee.

Esai 60:4

Un kəmi aa ne looje gə́ gugu dɔi sub oo, Deḛ lai mbo̰ na̰ ree gə́ rɔi’g, Ŋganije gə́ diŋgam d’ḭ loo gə́ əw’g ree ləm, Ŋganije gə́ dené kara d’odo dee kag ji dee’g ləm tɔ.

Esai 61:4

D’a tel gɔl dɔ gin ɓee gə́ ləw gə́ tuji lé ləm, Kəije gə́ ləw-ləw gə́ tuji lé D’a gɔl dee kunda dee tar gogo ləma, Ɓee-booje gə́ tuji pugudu-pugudu Ar dee to dɔnduba ləw ba lé D’a tel gɔl dee gogo ləm tɔ.

Esai 65:21

D’a ra kəije ndá D’a si keneŋ ləm, D’a ma̰a nduúje ndá D’a sɔ ka̰dee ləm tɔ.

Jeremi 12:15

Nɛ gée’g gogo loo gə́ n’ɔr dee mba̰ ndá n’a tel koo kəmtondoo lə dee gogo ləm, n’a tel gə nana kara gə́ dɔ nédɔji’g ləa-ləa, kar nana kara aw mee ɓee’g ləa-ləa ləm tɔ.

Jeremi 16:15

Nɛ d’a pana: Njesigənea̰ to njesikəmba, yeḛ gə́ ar Israɛlje d’unda loo mee ɓee gə́ dɔgel gə ɓeeje lai gə́ yeḛ tuba dee ɔm dee keneŋ kédé lé! M’a tel sə dee mee ɓee’g lə dee gə́ m’ar bɔ deeje-je lé ya.

Jeremi 23:8

Nɛ d’a pana: Njesigənea̰ to Njesikəmba, yeḛ gə́ ar ŋgaka gel-bɔje lə Israɛl d’ḭ mee ɓee gə́ dɔgel ləm, gə ɓeeje lai gə́ neḛ n’tuba dee n’ɔm dee keneŋ kédé ləm, gə n’tel sə dee n’ree sə dee mee ɓee’g lə dee ləm tɔ. Ndá d’isi mee ɓee’g lə dee ya.

Jeremi 24:6

M’a koo dee gə kəm gə́ maji ləm, m’a tel ree sə dee mee ɓee’g neelé gogo ləm tɔ. M’a kunda dee lée’g ɓó m’a tuji dee el ŋga ləm, m’a ma̰a dee ɓó m’a tɔr dee el ŋga ləm tɔ.

Jeremi 29:14

M’a kya̰ loo kar sí iŋgamje ya. Njesigənea̰ ɓa pa bèe. M’a kar njé’g lə sí gə́ d’wa dee gə́ ɓərje lé tel ree ləm, m’a mbo̰ sí mbuna ginkoji dəwje gə raŋg’g lai gə looje lai gə́ m’tuba sí m’ɔm sí keneŋ ləm tɔ. Njesigənea̰ ɓa pa bèe. Ndá m’a tel sə sí ree sə sí loo gə́ d’wa sí keneŋ d’aw sə sí ɓee-ɓər’g lé.

Jeremi 30:18

Njesigənea̰ pa togə́bè pana: Aa ooje, njé gə́ mee kəi-kubu’g Le Jakob gə́ d’wa dee ɓər lé Ma m’tel ree sə dee ɓée. M’oo kəmtondoo lə loo-si deeje, D’a tel gɔl ɓee-boo lé lée’g Gə́ tuji to keneŋ ləm, D’a tel gɔl kəi-mbai lé Karee to to gə́ kédé ya ləm tɔ.

Jeremi 30:3

Njesigənea̰ pana: Aa ooje, ndɔje gə́ d’a gə ree lé m’a tel gə koso-dəwje ləm gə́ Israɛl gə Judaje gə́ d’aw ɓee-ɓər’g lé ree sə dee. Njesigənea̰ ɓa pa bèe. M’a tel ree sə dee mee ɓee gə́ m’ar bɔ deeje-je lé ndá a to ka̰ dee-deḛ ya.

Jeremi 31:23

Njesigənea̰ gə́ njeboo-néje gə́ to Ala lə Israɛlje pa togə́bè pana: Ta gə́ d’a gə pa mee ɓee gə́ Juda gə mee ɓee-booje’g ləa ɓəi, loo gə́ m’a kar njé’g lə dee gə́ d’aw ɓee-ɓər’g lé tel ree ɓée lé ɓa nee: Maji kar Njesigənea̰ tɔr ndia dɔi’g I gə́ loo-sii to loo-gaŋg-rəwta Gə goo rəbee ləm, I gə́ to dɔ mbal gə́ to gə kəmee ləm tɔ!

Jeremi 31:28

To gə́ kédé m’orè ne kəm dɔ dee’g sḭ m’ɔr dee ne ləm, m’təd dee ne rém-rém ləm, m’unda dee ne naŋg rə̰dəŋ-rə̰dəŋ ləm, m’tuji dee ne pugudu-pugudu ləma, m’ɓugu dee ne ta némajelje’g ləm tɔ lé ndá ɓasinè m’a korè kəm dɔ dee’g sḭ togə́bè ya to gə mba kunda dee ne tar ləm, gə mba ma̰a dee ne ləm tɔ. Njesigənea̰ ɓa pa bèe.

Jeremi 31:5

Seḭ a ma̰aje nduúje Dɔ mbalje gə́ Samari ya tɔɓəi, Njéma̰a kagje d’a ma̰a kagje ndá D’a kinja kandə dee tɔ.

Jeremi 32:15

Mbata Njesigənea̰ gə́ njeboo-néje gə́ to Ala lə Israɛlje lé pa togə́bè pana: D’a gə ndogo kəije gə loo-ndɔje gə ndɔ-nduúje ya ɓəi mee ɓee’g neelé.

Jeremi 32:37

Aa ooje, m’a kḭ sə dee mee ɓeeje lai gə́ m’tuba dee m’ɔm dee keneŋ gə oŋg, gə meekḭ jugugu gə boo-meekḭ pu lé tel ree mbo̰ dee dɔ na̰’d na̰’d ləm, m’a ree sə dee lée’g neelé ləma, m’a kar dee d’isi keneŋ gə meekulɔm ləm tɔ.

Jeremi 33:11

d’a koo ndu pa rɔlel gə ndu pa kalrɔ ləm, gə ndu paje lə njedené-sigi gə njeŋgao-sigi ləm, gə ndu paje lə dee gə́ d’ɔs pana: Pidije Njesigənea̰ gə́ njeboo-néje Mbata Njesigənea̰ lé to njemajidum ləm, Meekɔrjol ləa to saar gə no̰ ləm tɔ. D’a koo ndu paje lə deḛ gə́ d’inja nékinjanéməsje gə́ ka̰ ra oiyo mee kəi’g lə Njesigənea̰ mbata m’a tel ree sə dee, ree kunda dee lée’g neelé to gə́ kédé ya. Njesigənea̰ ɓa pa bèe.

Jeremi 33:7

M’a tel gə Judaje gə Israɛlje gə́ d’wa dee ɓər lé ree sə dee ɓée, ree kunda dee kar dee d’isi to gə́ kédé lé ya.

Ejekel 16:53

N’a tel gə njé’g lə deḛ gə́ d’aw sə dee ɓee-ɓər’g ree sə dee, njé’g lə Sɔdɔm gə ka̰ ŋganeeje gə́ dené gə́ d’wa dee ɓər ləm, gə njé’g lə Samari gə ka̰ ŋganeeje gə́ dené gə́ d’wa dee ɓər ləma, gə njé’g ləi gə́ d’wa dee ɓər ləm tɔ,

Ejekel 28:26

D’a si keneŋ gə meekulɔm ləm, d’a ra kəije ləma, d’a ndɔ nduúje ləm tɔ, d’a si keneŋ gə meelɔm loo gə́ n’a gaŋg rəw-taje lə neḛ dɔ dəwje lai gə́ gugu dɔ deḛ gə́ d’ə̰ji dee bəḭ-bəḭ lé. Ndá d’a gər to gə́ neḛ n’to Njesigənea̰, Ala lə dee ya.

Ejekel 37:21

M’a kula dee pana: Mbaidɔmbaije gə́ Njesigənea̰ pa togə́bè pana: Aa ooje, n’a kɔr Israɛlje mbuna ginkoji dəwje gə raŋg gə́ deḛ d’aw keneŋ ləm, n’a mbo̰ dee dɔ na̰’d gə looje lai ləma, n’a tel ree sə dee mee ɓee’g lə dee gogo ləm tɔ.

Ejekel 39:25

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Ɓasinè n’a tel gə njé’g lə Jakob gə́ d’aw sə dee ɓee-ɓər’g lé ree sə dee ləm, n’a koo kəmtondoo lə gel-bɔje lə Israɛl lai ləma, n’a kaḭ bada dɔ ri neḛ gə́ to gə kəmee lé ləm tɔ.

Amɔs 5:11

Bèe ndá to gə́ seḭ tubaje njéndooje naŋg ləm, Seḭ waje koje lə dee taaje ləma, Seḭ undaje kəije gə mbalje gə́ tɔl dee ləm tɔ Nɛ seḭ a síje keneŋ el, Seḭ waje ndɔ-nduúje gə́ maji yaa̰ Nɛ seḭ a kaije mán dee el tɔ.

Soponi 1:13

Némajije lə dee d’a to nékunda banrɔ ləm, Kəije lə dee kara d’a tuji pugudu-pugudu ləm tɔ. Deḛ ra kəije ya Nɛ d’a si keneŋ gogo el ləm, Deḛ ma̰a kag-nduúje ya Nɛ d’a kai manee el ŋga ləm tɔ.

Soponi 2:7

Ta baa-boo-kadje neelé d’a to mbata ges gel-bɔje lə Juda gə́ nai, Lée neelé ɓa d’a kul rɔ dee keneŋ: Loondul ndá d’a kwa rɔ dee mee kəije’g lə Askalo̰: Mbata Njesigənea̰, Ala lə dee lé Mée a kwəi dɔ dee’g el Ndá yeḛ a kɔr dee ɓee-ɓər’g lə dee tel ree sə dee.