Amɔs 9:13 - Maktub gə́ To gə Kəmee

¹³ Njesigənea̰ pa pana: Aa ooje, mee ndəaje gə́ a gə teḛ lé Njendɔ lé a korè goo njekinjako dəb ləm, Yeḛ gə́ njembula kandə nduú A korè goo njedubu né ləma, Man-nduú gə́ ḭ əməmə lé A kḭ dɔ sém mbalje gə́ tar léŋgé-léŋgé’g Kula dɔdərlooje’g lai ləm tɔ.

Amɔs 9:13 ပူးပေါင်းရင်းမြစ်များ

Gḭ-Néje 49:11

Yeḛ tɔ mulayḛ̀je ləa kaar kag-nduú’g, Yeḛ tɔ ŋgon mulayḛ̀je ləa lé rɔ nduú gə́ maji ur dɔ maree’g. Yeḛ togo kubu ləa dan mán-nduú’g ləm, Gə kubu gə́ boi yul ləa lé dan məs kandə nduú’g ləm tɔ.

Pakɔsje 97:5

Dɔ mbalje lé léḛ sələlə-sələlə Asəna gə ya̰-tḛji bèe no̰ Njesigənea̰’g, No̰ Mbaidɔmbaije gə́ to mbai dɔ naŋg nee lai.

Esai 16:10

Rɔlel gə kalrɔ godo mee ndɔje’g, Mee ndɔ-nduú’g lé pa gə kalrɔ godo keneŋ! Njembula kandə nduú lé mbula loo-mbula’g el ŋga, Ma m’ar ndu rɔlel godo.

Esai 55:13

Kag-siprɛs ɓa a kuba tor kunje’g ləm, Mbəə ɓa a ra tɔg tor kun-pɔrɔrɔ’g ləm tɔ, Yee ɓa a to gə́ nérɔnduba mbata lə Njesigənea̰ ləm, As to nékolé-mee gə́ to gə no̰ gə́ a tuji el ləm tɔ.

Ejekel 28:26

D’a si keneŋ gə meekulɔm ləm, d’a ra kəije ləma, d’a ndɔ nduúje ləm tɔ, d’a si keneŋ gə meelɔm loo gə́ n’a gaŋg rəw-taje lə neḛ dɔ dəwje lai gə́ gugu dɔ deḛ gə́ d’ə̰ji dee bəḭ-bəḭ lé. Ndá d’a gər to gə́ neḛ n’to Njesigənea̰, Ala lə dee ya.

Ejekel 36:35

ndá d’a pana: Dɔ naŋg nee gə́ tuji pugudu lé ya tel to asəna gə loo-ndɔ gə́ Edḛ, ɓee-booje nee gə́ tuji pugudu-pugudu ləm, gə to dɔdilaloo ləma, gə gə́ tɔ naŋg pɔs-pɔs ləm tɔ lé tel d’ila ndògo-bɔrɔ gugu ne dɔ dee sub d’ar dəwje d’isi keneŋ ləm tɔ.

Joɛl 2:24

Ko a taa loo-kundaje pəl-pəl ləm, Man-nduú gə́ kul gə ubu d’a rusu dura mbula Kandə-nduúje rḛ́dḛ́g-rḛ́dḛ́g ləm tɔ.

Ləbije 26:5

Bèe ɓa, seḭ a kundaje kó lə sí saar teḛje ne kula kinja kandə nduú’g ləm, kula kinja kandə nduú lé a kaw saar teḛ naḭ dubu né’g ləm tɔ, seḭ a ko̰je muru karje meḛ sí ndan ləm, seḭ a síje lɔm mee ɓee’g lə sí ləm tɔ.

Amɔs 9:5

Mbaidɔmbaije gə́ Njesigənea̰ gə́ njeboo-néje lé Ɔrɔ dɔ naŋg aree yə ɓugu-ɓugu ləm, Dəwje lai-lai gə́ d’isi keneŋ lé D’isi dan kəmndooyoo’g ya ləm tɔ. Naŋg ḭ bura asəna gə baa bèe ləm, Yee rəm asəna gə baa gə́ Ejiptə bèe ləm tɔ.

Tagə́maji gə́ Ja̰ ndang 4:35

Seḭ pajena: Naḭ sɔ ɓa a to naḭ kinja kó lé ɓəi see seḭ paje bèe el wa. Aa ooje, ma m’ula sí, unje kəm sí gə́ tar ooje kó gə́ ərkəm gəsəsə gə́ to kəm kinja kən.

Njéga̰g-Rəwtaje 5:5

Dɔ mbalje d’ula déréré-dèrèrè no̰ Njesigənea̰’g ləm, Sinai nee gə́ to no̰ Njesigənea̰, Ala’g lé lə Israɛlje kara yə ləm tɔ.