Amɔs 9:1 - Maktub gə́ To gə Kəmee

¹ Ma m’oo Mbaidɔmbaije gə́ aar tar mbɔr loo-nékinjaməs’g. Yeḛ pana: Maji kar dee kunda mburṵ dɔ gaji kagje gə́ tar kar no̰ tarəwkəije yə ləm, Maji kar dee təd dee dɔ dəwje’g lai ləm tɔ. N’a tuji ges deḛ gə́ nai gə kiambas. Dəw kára kara mbuna dee’g a kaskəm kaḭ kaji rəa el ləm, Dəw kára kara mbuna dee’g a teḛ kaḭ taa rəa el ləm tɔ.

Amɔs 9:1 ပူးပေါင်းရင်းမြစ်များ

2 Sôrta Gḭka Israɛlje 18:18

Nɛ Mise pana: Maji kari oo ta lə Njesigənea̰ ɓa! Ma m’oo Njesigənea̰ si dɔ kalimbai’g ndá boo-njérɔje ləa gə́ dara d’aar dɔ jikɔlee’g ləm, gə dɔ jigelee’g ləm tɔ.

Pakɔsje 68:21

Ala to Ala gə́ njekaji sí, Njesigənea̰, Mbaidɔmbaije lé askəm kɔr sí ta yoo’g.

Pakɔsje 68:22

Tɔgərɔ ya, Ala a tɔ ka dɔ njéba̰je ləa lé, Yeḛ a tɔ daŋg dɔ dee gə́ d’isi dan kaiya’g.

Esai 30:16

Seḭ pajena: Wah! j’a kaḭ gə kundaje ɓa! Gelee gə́ nee ɓa seḭ a kaḭje ne ya Nɛ a kaḭje ne gə́ kaḭ ɓa. Seḭ pajena: J’a kaḭ gə kunda ŋgwɔdje! Nɛ deḛ gə́ njékɔrə síje kara Rɔ dee a kwɔilɔ pélé-pélé kunda sí!

Esai 6:1

Mee ləb kwəi’g lə mbai Ojias lé, ma m’oo Mbaidɔmbaije gə́ si dɔ kalimbai gə́ to tar sab, ar ta kubu ləa gə́ ŋgal yududu taa loo mee kəi-Ala’g pəl-pəl.

Jeremi 11:11

Gelee gə́ nee ɓa Njesigənea̰ pa ne pana: Aa ooje, n’a gə kar nékəmndooje ree dɔ dee’d gə́ d’a kaskəm kɔr rɔ dee keneŋ el. D’a no̰ gə́ rɔ neḛ’g ndá n’a koo ta lə dee el.

Jeremi 42:16

Kia-rɔ gə́ seḭ ɓəleeje lé A kinja sí mee ɓee gə́ Ejiptə ləm, Ɓoo-boo gə́ seḭ ɓəleeje lé A ree goo sí’g mee ɓee gə́ Ejiptə neelé ləm tɔ Ndá seḭ a kwəije keneŋ.

Jeremi 48:44

Yeḛ gə́ a kaḭ no̰ ɓəl-boo’g lé A koso mee bwa-da’g ləm, Yeḛ gə́ ḭ mee bwa’g teḛ lé A koso wul ba̰də’g ləm tɔ, Mbata m’a gə kar ləb bo̰ néra Moabje teḛ ɔs ta dee’g. Njesigənea̰ ɓa pa bèe.

Ejekel 1:28

Né gə́ ndogó ɔr jol-jol gə́ gugu dəa sub lé kunda rɔ ləa to asəna gə ŋgaoburandi gə́ teḛ dan kil-lə-ndi ndɔ kər’g lə ndi bèe, yee ɓa to né gə́ ndaji rɔnduba lə Njesigənea̰. Loo gə́ m’oo né neelé ndá m’oso m’dəb kəm naŋg ləm, m’oo ndu dəw gə́ pa ne ta ləm tɔ.

Ejekel 10:4

Rɔnduba lə Njesigənea̰ ḭ dɔ Nékundaje gə́ dara’g aw par gə́ tarəwkəi’g par gə́ naŋg. Mum taa mee kəi lé pəl-pəl ar rɔnduba lə Njesigənea̰ ndogó ɔr loo jol-jol mee gadloo’g lé.

Ejekel 15:7

N’a tel gir neḛ kila k’ar dee, deḛ d’unda loo dan pər’d teḛ nɛ pər a roo dee dula-dula. Bèe ɓa seḭ a gərje ne to gə́ neḛ n’to Njesigənea̰ loo gə́ n’a tel gir neḛ kila k’ar dee lé.

Ejekel 9:2

Yen ŋga aa oo, dəwje misa̰ ree gə tarəwkəi gə́ dɔ maree’g par gə́ dɔgel lé, nana kara nétujiloo ləa to jia’g-jia’g. Dəw kára mbuna dee’g ula kubu gə́ d’ṵji gə kúla palégal rəa’g ləm, ula néndaŋ-maktub ndar’d gə́ tɔ ne ɓəree ləm tɔ. Deḛ ree d’aar mbɔr loo-nékinjaməs’d gə́ ra gə larkas lé.

Amɔs 3:14

Mee ndəa gə́ n’a kar bo̰ néra gə́ majel lə Israɛlje ɔs ta dee’g lé Ndá n’a təd loo-nékinjanéməsje gə́ Betel. Dɔ kum loo-nékinjanéməsje gə́ ḭta neelé D’a təd njigi-njigi kɔm naŋg ya.

Amɔs 7:17

Gelee gə́ nee ɓa, aa oo, ta gə́ Njesigənea̰ pa ɓa nee: Dené ləi a tel to gə́ kaiya-dené mee ɓee’g ləm, Ŋganije gə́ diŋgam gə njé gə́ dené lé D’a kwəi yoo-kiambas ləma, D’a kai ndɔ ləi gə kúla-kwɔji-né Kar njé gə́ raŋg ləm tɔ. I ya kara a kwəi dɔ naŋg gə́ mina̰’g Ndá d’a kwa Israɛlje dɔ naŋg’d lə dee Kaw sə dee gə́ ɓər Dɔ ɓee gə́ raŋg’d gə́ əw ya tɔ.

Amɔs 7:9

Dɔ looje lə ŋgaka Isaakje gə́ ndəw lé D’a tɔs tila ləm, Kəi gə́ to gə kəmee lə Israɛlje lé kara D’a tuji pugudu-pugudu ləm tɔ Ndá n’a kḭ kur dɔ ɓeeko̰’g lə Jeroboam gə kiambas tɔ.

Habakuk 3:13

I unda loo teḛ mba kɔr koso-dəwje ləi kɔm dee tar ləm, Gə mba kaji yeḛ gə́ I wa dəa gə ubu ləm tɔ. I tɔr mburṵ dɔ kəije lə njemeeyèr ləm, I tuji gel kəi saar teḛ ne dɔ kəi’g tar ləm tɔ.

Soponi 1:12

Mee ndəa’g neelé n’a tən loo mee ɓee gə́ Jerusalem soo-soo gə pərndɔje lə neḛ ləm, Dəwje gə́ d’isi lɔm to gə́ ɓi mán-nduú gə́ oso gelee’g bèe Gə́ pa meḛ dee’g pana: Njesigənea̰ lé ra né gə́ maji əsé né gə́ majel bèe el lé N’a kar bo̰ néra dee ɔs ta dee’g ləm tɔ.

Soponi 2:14

Koso-nékulje d’a to keneŋ gə daje lai gə́ gə gel dee gel dee, Dogoro dee gə nduru d’a si mbuna mburṵ gaji kagje gə́ tar, Ndu no̰ lə dee a ɓar kəmbolèje’g, Nétujiloo a to loo-kandə-kəi’g Mbata kag-Sɛdrə gə́ d’o̰ ne kaar kəije lə dee lé D’a tusu ŋgəw-ŋgəw.

Tagə́maji gə́ Ja̰ ndang 1:18

Dəw kára kara ila kəmee dɔ Ala’g nda̰ el ɓəi. Nɛ Ŋgon gə́ kára ba gə́ to ŋgon mee Bɔbee lé ɓa ar kəm dee ti dəa’g təsərə ya.

Tagə́maji gə́ Ja̰ ndang 1:32

Ja̰ ɔr ginta nee pana: Ma m’oo Ndil ḭ dara nar asəna gə dərnda ree si dəa’g.

Néra Njékaḭkulaje 26:13

Wah! Mbai, loo gə́ m’isi m’aw gə́ rəbee bèe ya ɓa kàr aar daŋdɔ bèe ya ndá m’oo loo ḭ dara ndogó gugu dɔm gə dɔ deḛ gə́ d’aw səm lé sub, ar loo neelé ndogó wərərə unda ka̰ kàr ya.

Jujé 10:18

Juje pana: Nduburuje biri mbalje aw uduje ne ta bolè mbal lé ndá undaje dəwje keneŋ mba kar dee ŋgəm ta dee.

Loo gə́ killa rea kəm Ja̰’g 1:17

Loo gə́ ma m’ée ndá m’oso naŋg gɔlee’g asəna gə dəw gə́ wəi bèe. yeḛ ila jikɔlee dɔm’g pana: Maji kam m’ɓəl el.

Loo gə́ killa rea kəm Ja̰’g 8:3

Kura gə́ dara gə́ raŋg ree aar no̰ loo-nékinjaməs’g gə bai-larlɔr jia’g. Deḛ d’aree néje gə́ ə̰də sululu ɓəd-ɓəd gə mba karee tuu dee ne na̰’d gə tamajije lə dəwje lai gə́ to gə kəmee loo-tuu-né gə́ ra gə larlɔr gə́ to no̰ kalimbai’g.