Amɔs 8:7 - Maktub gə́ To gə Kəmee

⁷ Njesigənea̰ man rəa gə goo rɔnduba lə Jakob pana: Tɔgərɔ ya, n’a kar mee neḛ wəi dɔ néra deeje gə́ kára kara el.

Amɔs 8:7 ပူးပေါင်းရင်းမြစ်များ

Maktub gə́ wɔji dɔ Jɔb 24:23

Ala ar dee d’isi gə́ majee ləm, gə meḛ dee gə́ to lɔm ləm tɔ. Yeḛ orè kəmee ndəŋ dɔ rəw kaw dee’g.

Pakɔsje 10:11

Yeḛ ə̰ji ta mée’g pana: Mee Ala wəi dɔ néra neḛ’g. Kəm Ala libi dɔ’g ɓó yeḛ oo nda̰ el.

Pakɔsje 47:4

Yeḛ ar koso-dəwje d’oso kul no̰ sí’g ləm, Yeḛ ɔm ginkoji dəwje gə raŋg gin gɔl sí’g yəg ləm tɔ.

Pakɔsje 47:5

Yeḛ unda kəm nénduba lə sí ar sí, Yee ɓa to rɔnduba lə Jakob gə́ yeḛ undá dan kəmee’g.

Pakɔsje 68:34

Ɔsje pa arje yeḛ gə́ ɔd njaa mee dara’d Gə́ to dara gə́ to saar-saar gə no̰! Aa ooje, yeḛ ila boo-ndia gə́ to ndu siŋgamoŋ lé naŋg ar sí j’oo.

Teḛ-Raga 17:16

Yeḛ pana: Gə mbata kula gə́ Amalek ula jia ndiŋ oma̰ ne gə kalimbai lə Njesigənea̰ lé, bèe ɓa Njesigənea̰ a rɔ ne gə Amalek gə ŋgakeaje gə́ d’a korè gée gə́ kédé-kédé lé ya.

Esai 22:14

Njesigənea̰ gə́ njeboo-néje riba dɔ ta nee Am m’oo pana: Tɔgərɔ ya, néra majel lə sí neelé Mee neḛ a koso lemsé dɔ’g el Saar a kwəije ne! Njesigənea̰ gə́ njeboo-néje ɓa pa bèe.

Esai 43:25

To ma nja ɓa m’tuji kaltaje lə sí Gə goo meenoji ləm ləm, M’a kar məəm olé dɔ kaiyaje’g lə sí Gɔgo el ləm tɔ.

Jeremi 17:1

Kaiya ra Judaje lé ndaŋg gə siga gə́ ra gə lar gə́ ndul Gə́ ra təa gə lar gə́ kədərə Gə́ ɓaree diama̰. Deḛ ndaŋg taree dɔɓəŋgərə dee’g ləm, Gə dɔ kum loo-nékinjanéməsje’g gə́ ḭta lə sí ləm tɔ.

Jeremi 31:34

Dəw kára kara a ndoo maree əsé ŋgokea̰ pana: Maji kar sí gərje Njesigənea̰ a pa bèe el! Mbata dəwje lai d’a gərm təsərə un kudee dɔ dəwje gə́ gɔ-gɔ’g saar teḛ ne dɔ dəwje gə́ boo-boo’g tɔ. Njesigənea̰ pa bèe. Mbata məəm a koso lemsé dɔ néra kori-kori’g lə dee ləm, m’a kar məəm olé dɔ kaiya ra dee’g el ŋga ləm tɔ.

Jeremi 44:21

Néje gə́ ə̰də sululu gə́ seḭ tuuje mee ɓee-booje gə́ Juda, gə mba̰-rəwje gə́ Jerusalem, seḭ gə bɔ síje-je, gə mbaije lə sí, gə ŋgan-mbaije lə sí, gə koso-dəwje gə́ mee ɓee’g lé see mee Njesigənea̰ olé dɔ’g el wa. See yeḛ ə̰ji dɔ’g el wa.

Ojee 7:2

Deḛ d’ə̰ji meḛ dee’g pana: Yen nà məəm olé dɔ némeeyèrje’g lə deḛ lai gə́ ra lé el. Ɓasinè lé néra dee gə́ majel aḭ dɔ dee sub Ndá to raga pai-pai kəm’g ya.

Ojee 8:13

Néje gə́ deḛ d’inja dee gə́ məs d’arm ma lé Deḛ nja d’usɔ dakas dee ya. Néje neelé taa kəm Njesigənea̰ el, Ɓasinè Njesigənea̰ ar mée olé dɔ néra kori-korije’g lə dee Ndá yeḛ a kar bo̰ néra dee ɔs ta dee’g bɔsɔrɔ: Deḛ d’a tel kaw Ejiptə ya gogo.

Ojee 9:9

Deḛ d’ur dan néra gə́ majel’g mbidi To gə́ deḛ ra ne mee ndəa gə́ mee ɓee gə́ Gibea’g bèe. Njesigənea̰ a kar mée olé dɔ néra kori-korije’g lə dee ləm, Yeḛ a kar bo̰ néra kaiyaje lə dee ɔs ta dee’g ləm tɔ.

Amɔs 4:2

Mbaidɔmbaije gə́ Njesigənea̰ man rəa Gə goo meenda ləa gə́ to gə kəmee doi lé pana: Aa ooje, mee ndəaje gə́ a gə teḛ dɔ sí’g lé D’a kwa sí asəna gə ka̰jije Gə́ d’wa dee gə kije gə́ boi bèe ləm, D’a kwa ŋgaka síje kara gə ŋgan kije ləm tɔ.

Amɔs 6:8

Mbaidɔmbaije gə́ Njesigənea̰ lé Maa̰ rəa gə ria-yeḛ nja, Njesigənea̰, Ala gə́ njeboo-néje lé ɓa pa bèe pana: Beelé lə Jakob lé to kḛji kəm neḛ’g ləm, Kəi-mbaije ləa kara neḛ n’ə̰ji bəḭ-bəḭ ləm tɔ, Togə́bè ɓa n’a kila ɓee neelé Gə néje lai gə́ to keneŋ lé ji njéba̰je’g lə dee tɔ.

Lugu 2:32

Yee neelé to lookàr gə́ a ndogó jol-jol dɔ ginkoji dəwje gə raŋg’g ləm, A kula rɔnduba dɔ koso-dəwje ləi gə́ Israɛl lé ləm tɔ.