Amɔs 8:5 - Maktub gə́ To gə Kəmee

⁵ Seḭ pajena: See ndɔ gə́ ra ɓa naḭ gə́ sigi a dəs Mba kar sí ndogoje kó lé wa. See ndɔ siri lé a godo kàr gə́ ban ɓa Mba kar sí j’ɔr kó dàmá Mba kaw ndogo wa. J’a rəmje gə nékwɔji-né ləm, Laree kara j’a karee ḭ dɔ maree’g ləma, J’a kərje kəm dee gə nékwɔji-né gə́ ŋgɔm ləm tɔ,

Amɔs 8:5 ပူးပေါင်းရင်းမြစ်များ

2 Mbaije 4:23

Yeḛ dəjee pana: See gelee gə́ ban ɓa i ndigi kaw ɓee ləa ɓogənè wa. To naḭ gə́ teḛ sigi el ləm, to ndɔ-kwa-rɔ el ləm tɔ. Yeḛ ilá keneŋ pana: M’a kaw kari ya.

Teḛ-Raga 31:13

I lé, maji kari ula Israɛlje pana: Lé riri kara seḭ a kaaje dɔ ndɔ-kwa-rɔje ləm kər-kər mbata yee ɓa to nétɔji gə́ a to mbuna síjeḛ sə síje’g ləm, gə mbuna ŋgaka síje’g ləm tɔ, mba kar dee gər to gə́ ma lé m’to Njesigənea̰ gə́ m’unda sí gə kəmee lé.

Gosota-Kəmkàrje 11:1

Nékwɔji-né gə́ ŋgɔm to né gə́ mina̰ kəm Njesigənea̰’g, Nɛ kwɔi lə né gə́ gə goo rəbee taa kəmee rəgm.

Gosota-Kəmkàrje 16:11

Kwɔi lə né gə nékwɔji-né gə́ gə goo rəbee to ka̰ Njesigənea̰, Kwɔi lə néje lai gə́ mee ɓɔl’g lé to né gə́ yeḛ nja ra.

Gosota-Kəmkàrje 20:23

Kwɔi lə néje gə́ ɓəd-ɓəd gə́ joo lé Njesigənea̰ oo dee gə́ né gə́ mina̰ ləm, Nékwɔji-né gə́ ŋgɔm lé to né gə́ majel ləm tɔ.

Esai 1:13

Nékarje gə́ gə mḭdé-mḭdé lé Ǝwje rɔ sí reeje ne, Né gə́ ə̰də sululu ləm, Gə ndɔ ra naḭje gə́ teḛ sigi ləm, Gə ndɔ-kwa-rɔ ləma, Gə loo-mbo̰-dɔ-na̰je ləm tɔ lé To kḛji kəm’g, Gə mba kar néra gə́ kori-kori ɔm na̰’d Gə loo-kwa-dɔ-na̰ gə́ to gə kəmee lé Ma m’ndigi koo el.

Esai 58:13

Ɓó lé i ɔg rɔi kaw tar gə ndɔ-kwa-rɔ Mba ra ne né gə́ məəi ndigi Mee ndɔ’g ləm gə́ to gə kəmee el ləm, Ɓó lé i oo ndɔ-kwa-rɔ gə́ ndɔ-kal-rɔi Mba kula ne rɔnduba dɔ Njesigənea̰’g Kundá ne gə kəmee ləma, Ɓó lé i ila riɓar dəa’g Ya̰ ne goo rəwje ləi Gə ya̰ ne goo kulaje gə́ məəi ndigi, Gə taje gə́ kari ba ləm tɔ ndá

Ojee 12:7

I lé maji kari tel ree rɔ Ala’g lé ləi, Né gə́ to gə́ nḛ́go̰koji ləm, Gə néra gə́ gə goo rəbee ləm tɔ lé Maji kari aar dɔ’g njaŋg Unda ne məəi yel dɔ Ala’g lé ləi ta-ta.

Ojee 12:8

Eprayimje to njételkəmlarje Gə́ nékwɔji kwɔi lə né gə́ gə goo rəbee el ɓa to ji dee’g, Su kəm loo ɓa deḛ ndigi

Ləbije 19:36

Seḭ a kilaje né gə́ gə goo rəbee ɓa dɔ némbwɔji-né’g ləm, dɔ néje’g lə sí gə́ wɔi ləma, dɔ nduji gə mán’g lə sí ləm tɔ. Ma m’to Njesigənea̰, Ala lə sí gə́ m’ar sí undaje loo mee ɓee gə́ Ejiptə teḛje lé ya.

Jakari 5:6

Ma m’tel m’dəjee m’pana: See to gə́ ɗi wa. Ndá yeḛ pana: To karè ɓa teḛ. Yeḛ ilam’g ɓəi pana: To wɔji dɔ néra gə́ kori-kori lə dəwje lai gə́ mee ɓee’g neelé.

Jakari 5:8

Kura gə́ dara lé pana: To wɔji dɔ néra gə́ kori-kori. Yen ŋga yeḛ ɔs dené lé aree oso mee karè’d lé gogo. Tɔɓəi yeḛ dəb rɔm gə́ ra gə́ kidata né neelé təa’g.

Malasi 1:13

Seḭ pajena: Seḭ daoje ne yaa̰! Tɔɓəi seḭ unje kəm sí dəa’g rəw, Njesigənea̰ gə́ njeboo-néje lé ɓa pa bèe. Nɛ lé bèe kara seḭ reeje gə daje gə́ seḭ ɓogoje ləm, əsé gə́ d’oso məd ləma, əsé gə́ rɔ dee to dee ləm tɔ, yee ɓa gə́ nékinjanéməsje gə́ seḭ reeje ne! See m’askəm taa ji sí’g wa. Njesigənea̰ gə́ njeboo-néje lé ɓa dəji sí togə́bè.

Bula lə Israɛlje 10:10

Mee ndɔje lə sí gə́ ka̰ kalrɔ ləm, mee ndɔje lə sí gə́ ka̰ ra naḭ ləma, gə mee ndɔje lə sí gə́ ka̰ ra naḭ gə́ teḛ sigi ləm tɔ lé seḭ a kimje to̰to̰je loo gə́ seḭ injaje nékinjanéməsje gə́ ka̰ roo ləm, gə nékinjanéməsje gə́ ka̰ kɔm na̰’d sad ləm tɔ ndá néje neelé a kar mee Ala lə sí olé ne dɔ sí’g. Ma m’to Njesigənea̰, Ala lə sí ya.

Njé gə́ Kolosə 2:16

Bèe ndá arje dəw kára kara ila ta dɔ sí’g wɔji ne dɔ nésɔ sí əsé dɔ nékai sí el ləm, əsé wɔji dɔ naḭ gə́ raje el ləm, əsé wɔji dɔ naḭ gə́ teḛ sigi’g el ləma, əsé wɔji dɔ ndɔ-kwa-rɔje’g lé el ləm tɔ.

1 Samel 20:5

Dabid tel ilá keneŋ pana: Aa oo, bèlè ndá a to ndɔ ra naḭ gə́ teḛ sigi ndá to kəm kam m’isi gə mbai na̰’d ta nésɔ’g ya. Nɛ ya̰’m am m’aw m’iya rɔm mee ndɔ’g saar kàrkemetag gə́ mee ndɔ gə́ njekɔm’g munda lé ɓa.