Amɔs 8:4 - Maktub gə́ To gə Kəmee

⁴ Ooje ta nee, seḭ gə́ njerum njéndooje ləm, Gə tujije njénékəmndooje ləm tɔ lé,

Amɔs 8:4 ပူးပေါင်းရင်းမြစ်များ

1 Mbaije 22:19

Togə́bè Mise pana: Maji kari oo ta lə Njesigənea̰ ɓa! M’a m’oo Njesigənea̰ si dɔ kalimbai’g ləa ndá boo-njérɔje gə́ dara lai d’aar mbɔree’g dɔ jikɔlee’g ləm, gə dɔ jigelee’g ləm tɔ.

Maktub gə́ wɔji dɔ Jɔb 24:4

Deḛ d’ɔs njéndooje rəw-kaw dee’g rəw ləm, Deḛ buguru njénékəmndooje mee ɓee’g lai d’ar dee d’iya rɔ dee ləm tɔ.

Pakɔsje 10:7

Tajikil ləm, gə ta sukəmloo ləma, gə kərgoso ləm tɔ rusu təa tub-tub, Ta lèbè kəm dəwje gə ta néra gə́ kori-kori rusu gel ndəa̰ tɔ.

Pakɔsje 12:5

To deḛ gə́ pana: Tapa neḛje ar neḛ n’toje njésiŋgamoŋje ləm, Ta neḛje to ka̰ neḛje ya ləm tɔ, Ŋga see na̰ ɓa a to dəw dɔ neḛje ɓəi wa.

Pakɔsje 14:4

Deḛ lai gə́ ra néje gə́ yèr lé See deḛ gər rəbee el wa. Deḛ gaŋg dəwje ləm mbidi-mbidi D’ar dee to gə́ nésɔ lə dee, Deḛ ɓar ri Njesigənea̰ bèe el.

Pakɔsje 140:12

Dəw gə́ ndəa̰ pa taŋgɔm lé Maa̰ gɔlee dɔ naŋg nee el ləm, Dəw gə́ njera né kərm-kərm kara Meeko̰ aw səa aree tuji ne ləm tɔ.

Pakɔsje 56:1

Pa lə Dabid gə́ ar bao-pa mba karee ɔs sə dee lé. D’ɔs gə ndu gwɔs pa gə́ wɔji dɔ dərnda gə́ si dɔ kagje gə́ əw. Loo gə́ Pilistije d’uba Dabid d’wá mee ɓee gə́ Gat’g lé.

Gosota-Kəmkàrje 30:14

Ginkoji dəwje gə́ na̰je d’isi gən Gə́ ŋgaŋ dee to gə́ kiambas ləm, mbiri dee to gə́ kiaje ləm tɔ Gə mba gaŋg ne njénékəmndooje gə́ dɔ naŋg nee sɔ dee ləm, Gə njéndooje gə́ mbuna dəwje’g ləm tɔ.

Esai 1:10

Seḭ mbaije gə́ néra sí Wa bwà ka̰ njé gə́ Sɔdɔm lé Ooje ta lə Njesigənea̰! Seḭ koso-dəwje gə́ néra sí Wa bwà ka̰ njé gə́ Gɔmɔr lé Urje mbi sí dɔ godndu Ala’g lə sí!

Esai 28:14

Seḭ njékula sul dɔ loo’gje Seḭ gə́ o̰je dɔ koso-dəwje gə́ Jerusalem lé Ooje ta lə Njesigənea̰:

Jeremi 28:15

Tɔɓəi Jeremi, njetegginta ula Hanania njetegginta lé pana: Hanania, maji kari ur mbi oo ne ta nee! Njesigənea̰ ulai el nɛ i ɓa ula koso-dəwje nee ta gə́ ŋgɔm ba.

Jeremi 5:21

Ooje ta nee, Seḭ koso-dəwje gə́ gosonégər lal sí! Kəm sí to gən nɛ seḭ ooje ne loo el ləm, Mbi sí to gən nɛ seḭ ooje ne ta el ləm tɔ.

Ejekel 22:12

Mee ɓee-boo’g ləi lé deḛ taa néndogo-gel mba kila ne məs. Deḛ d’ar dee tona dee né ndá d’wɔji maree dɔ’g ləm, taa manee dɔ’g ləm tɔ, deḛ buguru mar deeje mba taa né lə dee ləm, neḛ kara d’ar meḛ dee wəi dɔ neḛ’g ləm tɔ. Mbaidɔmbaije gə́ Njesigənea̰ ɓa pa bèe.

Ejekel 45:10

Arje nékwɔji-kwɔi lə néje lə sí lé to gə goo rəbee ləm, nékwɔji-néje lə sí to gə goo rəbee ləm tɔ.

Amɔs 5:11

Bèe ndá to gə́ seḭ tubaje njéndooje naŋg ləm, Seḭ waje koje lə dee taaje ləma, Seḭ undaje kəije gə mbalje gə́ tɔl dee ləm tɔ Nɛ seḭ a síje keneŋ el, Seḭ waje ndɔ-nduúje gə́ maji yaa̰ Nɛ seḭ a kaije mán dee el tɔ.

Amɔs 5:12

Mbata neḛ n’gər gao, Kaiyaje lə sí bula yaa̰ ləm, Néra majelje lə sí kara ḭ dɔ maree’g ləm, Seḭ ulaje njéra nédanaje ndubu ləm, Seḭ taaje néndogo-gel dəwje ləma, Seḭ ɔgje njéndooje né Gə́ kəm kar dee d’iŋga lé ləm tɔ.

Amɔs 7:16

Ɓasinè, maji kari oo ta lə Njesigənea̰, i Amasia gə́ pa pana: M’tegginta m’ila dɔ Israɛlje’g el ləm, m’pata m’ila dɔ gel-bɔje’g lə Isaak el ləm tɔ lé.

Misee 2:2

Deḛ ra kəmkəḭ dɔ ndɔje’g ndá Deḛ taa dɔ buguru’g ləm, Gə dɔ kəije’g ndá D’odo néje gə́ keneŋ dɔ buguru’g ləm tɔ. Deḛ ra né gə́ kərm-kərm gə dəw gə njemeekəije ləa ləm, Buguree gə nénduba ləa na̰’d ləm tɔ.

Misee 3:3

Deḛ d’usɔ dakasrɔ koso-dəwje ləm ləm, Deḛ tusu ndar dee ləm, Deḛ təd siŋga dee ləma, Deḛ gaŋg dee dana ɗuguru-ɗuguru To gə́ naḭ gə́ ndiri mee ŋgoro’g bèe ləm To gə́ da gə́ d’ɔb gə əb bèe ləm tɔ.

Jakari 5:6

Ma m’tel m’dəjee m’pana: See to gə́ ɗi wa. Ndá yeḛ pana: To karè ɓa teḛ. Yeḛ ilam’g ɓəi pana: To wɔji dɔ néra gə́ kori-kori lə dəwje lai gə́ mee ɓee’g neelé.

Matiyo 23:13

Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ uduje rəw ɓeeko̰ gə́ dara dɔ dəwje’g jigi. Seḭje nja seḭ a̰dje keneŋ el ləm, dəwje gə́ ndigi kandə keneŋ kara seḭ ɔg deeje loo kandə keneŋ ləm tɔ.

Maktub gə́ Jak ula ne ar ngan-Allaje 5:6

Seḭ gə́ ilaje ta dɔ njemeekarabasur tɔleeje ne, nɛ yeḛ aar keneŋ kərərə-kərərə ɓó ɔs sí rəw el.