Amɔs 8:2 - Maktub gə́ To gə Kəmee

² Yeḛ dəjim pana: Amɔs, see ɗi ɓa i oo wa. Ma m’pana: To karè gə́ kandə kagje gə́ ərə to keneŋ. Ndá Njesigənea̰ ulam pana: Ndəa lə koso-dəwje lə neḛ gə́ Israɛl lé rudee un ɗiao mba̰. N’a kar mee neḛ oso lemsé dɔ dee’g el.

Amɔs 8:2 ပူးပေါင်းရင်းမြစ်များ

Gḭ-Néje 6:13

Bèe ɓa Ala ula Noe pana: ndɔ gə́ rudu dəwje lai gə́ dɔ naŋg nee a gə kun ɗiao lé ma m’wɔji mba̰, mbata deḛ d’ar néra gə́ kərm-kərm taa loo dɔ naŋg nee pəl-pəl, aa oo, m’a kar dee tuji gə naŋg nee bura ya.

Esai 28:4

Ndá pudu gə́ ndòlé gə́ to néɗɔi-rɔ Dɔ wəl-loo gə́ aar kó’g lé A to kasəna gə kandə kodé gə́ kas Gə́ d’oo kédé ɓa naḭ kḭjá teḛ ɓəi lé Loo gə́ dəw ti wa jia’g ndá Sɔ gə́ lé gən ya.

Jeremi 40:10

Aa ooje, ma m’isi Mispa gə mba kaar no̰ Kaldeje gə́ d’a gə ree rɔ sí’g nɛ seḭ ndá mbo̰je mán-nduú gə kandə kagje gə́ naḭ kuli ləm, gə ubuje ləm tɔ ɔmje mee duraje’g lə sí ndá síje mee ɓee-booje gə́ awje keneŋ lé ya.

Jeremi 5:31

Njéteggintaje tegginta gə́ ŋgɔm ləm, Njékinjanéməsje d’o̰ dəwje D’ar dee d’oso ne gel dee’g ləm tɔ. Rɔ dəwje ləm lel dee dɔ néje’g neelé. Ndɔ gə́ rudu lé See ɗi ɓa seḭ a raje gə rɔ sí wa.

Nɔ̰-ndôo gə́ wɔji dɔ Jerusalem 4:18

Deḛ d’un godə gɔl sí Mba kɔg sí loo kaw looje’g lə sí, Rudu ndɔ lə sí aw gə́ nee dəb ŋga Ar ndɔje lə sí as lé mba̰. Ar ka̰ síjeḛ lé godo ŋga!

Ejekel 12:23

Gelee gə́ nee ɓa maji kam m’ula dee m’pana: Mbaidɔmbaije gə́ Njesigənea̰ pa togə́bè pana: N’a kar gel gosotaje lə dee neelé gaŋg ŋgəji, d’a pa taree mee ɓee gə́ Israɛl gogo el ŋga. Nɛ maji kam m’ula dee m’pana: Ndɔje d’isi d’aw gə́ nee dəb ndá némḭdije lai d’a kaw lée’g béréré.

Ejekel 29:8

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa oo, n’a kar dee ree rɔ səi gə kiambas ndá n’a tuji ne dəwje gə daje gə́ mee ɓee’g ləi lé pugudu-pugudu.

Ejekel 3:10

Yeḛ ulam pana: Ma ŋgon-dəw lé maji kam m’tuga mbim m’oo ne taje lai gə́ n’a gə kulam ləm, maji kam m’taa gə məəm ləm tɔ.

Ejekel 3:7

Nɛ gel-bɔje lə Israɛl lé d’a ndigi koo ta ləm el mbata deḛ ndigi koo ta lə neḛ el tɔ.

Ejekel 7:6

Rudee sí aw gə́ nee ŋga, rudee sí aw gə́ nee ŋga! Yee ḭ mba koso dɔ sí’g! Aa ooje, yee sí ree ŋga!

Ejekel 8:12

Ndá yeḛ dəjim pana: Ma ŋgon-dəw lé see m’oo né gə́ ŋgatɔgje lə gel-bɔje lə Israɛl d’aw ra loondul’g, nana kara mee kəi’g ləa-ləa gə́ néndajije taa ne loo pəl-pəl lé wa. Mbata deḛ pana: Njesigənea̰ oo sí el, Njesigənea̰ uba ɓee lé ya̰ gə kya̰.

Ejekel 8:17

Yeḛ dəjim pana: Ma ŋgon-dəw lé see ma m’oo ya wa. Kar gel-bɔje lə Juda ra néje gə́ mina̰ togə́bè loo gə́ nee’g lé see to né gə́ lam ba wa. See kəm kar dee ra néje gə́ kərm-kərm d’aree taa mee ɓee pəl-pəl ləm, kar dee d’əw rɔ dee kar mee neḛ ḭ ne sə neḛ jugugu ləm tɔ el ya ɓəi wa. Aa oo, d’isi rəm gə barkəm kag lé gə́ əm dee’g.

Ejekel 8:6

Ndá yeḛ ulam pana: Ma ŋgon-dəw lé see m’oo né gə́ deḛ ra gə́ to boo-néje gə́ mina̰ gə́ gel-bɔje lə Israɛl d’isi ra loo gə́ nee’g gə mba kar neḛ n’ya̰ ne loo lə neḛ gə́ to gə kəmee neelé wa. Nɛ m’a koo boo-néraje gə́ mina̰ gə́ raŋg ya tɔɓəi.

Ojee 9:7

Ndɔje gə́ ka̰ kar bo̰ néra dee ɔs ta dee’g lé Teḛ mba̰ ləm, Ndɔje gə́ ka̰ kuga dɔ ji dee lé Teḛ mba̰ ləm tɔ. Israɛlje d’a koo kea̰ gao ya! Néra kori-korije lə sí gə kaltaje lə sí gə́ al dɔ loo sula lé ɓa Ar sí ooje ne njetegginta gə́ mbə-dəw ləm, Dəw gə́ ndil Ala dəb dəa’g lé Seḭ éeje ne gə́ dəw gə́ dəa tel wagəsa ləm tɔ.

Amɔs 7:8

Njesigənea̰ dəjim pana: Amɔs, see ɗi ɓa i oo wa. Ma m’ilá’g m’pana: To kúla-kwɔji-né. Mbaidɔmbaije pana: N’a kila kúla-kwɔji-né dan dəwje’g lə neḛ gə́ Israɛl ndá n’a kar mee neḛ oso lemsé dɔ dee’g el ŋga.

Amɔs 8:1

Mbaidɔmbaije gə́ Njesigənea̰ tɔjim némḭdi gə́ nee am m’oo ya tɔɓəi. Aa oo, karè gə́ kandə kagje gə́ ərə to keneŋ.

Misee 7:1

Meeko̰ oso dɔm’g! Mbata ma m’to m’asəna gə dəw Gə́ aw mba kinja kandə kag naḭkuli bèe ləm, M’to m’asəna gə njekaw ɓuru tor kandə nduú’g bèe ləm tɔ: Néɓuru gə́ ka̰ sɔ lé godo ləm, Kandə kodé gə́ doŋgɔr gə́ məəm ndigi lé godo ləm tɔ.

Jakari 5:2

Kura gə́ dara dəjim pana: See ɗi ɓa m’oo wa. Ma m’ilá keneŋ pana: Ma m’oo maktub gə́ kə́ na̰’d mber-mber gə́ ḭ tar nar jərəŋ, ŋgalee as kəmkil dəw rɔ-joo ləm, tadee as kəmkil dəw dɔg ləm tɔ.