Amɔs 8:1 - Maktub gə́ To gə Kəmee

¹ Mbaidɔmbaije gə́ Njesigənea̰ tɔjim némḭdi gə́ nee am m’oo ya tɔɓəi. Aa oo, karè gə́ kandə kagje gə́ ərə to keneŋ.

Amɔs 8:1 ပူးပေါင်းရင်းမြစ်များ

Jeremi 24:1

Loo gə́ Nebukadnesar, mbai gə́ Babilɔn wa Jekonia, ŋgolə Jojakim, mbai gə́ Juda ləm, gə ŋgan-mbaije gə́ Juda ləma, gə njéra-kula-kagje gə njéra lar-kudu-ta-néje ləm tɔ mee ɓee gə́ Jerusalem aw sə dee Babilɔn mba̰ ndá, Njesigənea̰ am m’oo kandə kodéje mee karèje joo gə́ d’unda takəi’g lə Njesigənea̰.

Amɔs 7:1

Némḭdi gə́ Mbaidɔmbaije gə́ Njesigənea̰ tɔjim am m’oo ɓa nee: Aa ooje, yeḛ ra beedéje gə́ bula dèm-dèm loo gə́ barkəmko uba gogo sigi lé, to da-kó gə́ uba goo kó gə́ d’inja d’ar mbai kédé lé.

Amɔs 7:17

Gelee gə́ nee ɓa, aa oo, ta gə́ Njesigənea̰ pa ɓa nee: Dené ləi a tel to gə́ kaiya-dené mee ɓee’g ləm, Ŋganije gə́ diŋgam gə njé gə́ dené lé D’a kwəi yoo-kiambas ləma, D’a kai ndɔ ləi gə kúla-kwɔji-né Kar njé gə́ raŋg ləm tɔ. I ya kara a kwəi dɔ naŋg gə́ mina̰’g Ndá d’a kwa Israɛlje dɔ naŋg’d lə dee Kaw sə dee gə́ ɓər Dɔ ɓee gə́ raŋg’d gə́ əw ya tɔ.

Amɔs 7:4

Némḭdi gə́ raŋg gə́ Mbaidɔmbaije gə́ Njesigənea̰ tɔjim am m’oo ɓa nee. Aa ooje, Mbaidɔmbaije gə́ Njesigənea̰ ila mber ta lə pər gə́ a kar bo̰ néra dee ɔs ta dee’g lé. Pər neelé roo bwa-wəl mán ləm, gə dɔ naŋg ləm tɔ.

Amɔs 7:7

Némḭdi gə́ raŋg gə́ yeḛ tɔjim am m’oo ɓa nee: Aa ooje, Mbaidɔmbaije aar tar dɔ ndògo-bɔrɔ’d gə́ d’wɔjee gə kúla ndá né-kwɔji-né to jia’g.

Amɔs 8:2

Yeḛ dəjim pana: Amɔs, see ɗi ɓa i oo wa. Ma m’pana: To karè gə́ kandə kagje gə́ ərə to keneŋ. Ndá Njesigənea̰ ulam pana: Ndəa lə koso-dəwje lə neḛ gə́ Israɛl lé rudee un ɗiao mba̰. N’a kar mee neḛ oso lemsé dɔ dee’g el.