Amɔs 7:8 - Maktub gə́ To gə Kəmee

⁸ Njesigənea̰ dəjim pana: Amɔs, see ɗi ɓa i oo wa. Ma m’ilá’g m’pana: To kúla-kwɔji-né. Mbaidɔmbaije pana: N’a kila kúla-kwɔji-né dan dəwje’g lə neḛ gə́ Israɛl ndá n’a kar mee neḛ oso lemsé dɔ dee’g el ŋga.

Amɔs 7:8 ပူးပေါင်းရင်းမြစ်များ

2 Mbaije 21:13

N’a kila kúla-kwɔji-né lə Samarije gə nékwɔji-né lə gel-bɔje lə Akab dɔ Jerusalem’g ndá n’a tuji Jerusalem kwa rəw-rəw to gə́ dəw togo ne mee ka-lar bɔr péd-péd dəb təa naŋg loo gə́ togo mba̰ bèe lé.

Esai 28:17

M’a kar né gə́ danasur to kúla-kwɔji-né ləm, Gə néra gə́ gə dɔ najee a to nékwɔji maree ləm tɔ. Nɛ ndi-kwɔji a tuji njo̰loo-kula-dɔ gə́ ŋgɔm lé ləm, Man-kunda a tur dɔ nékɔn-rɔ Gə́ to néra gə́ gə goo rəbee el lé ləm tɔ.

Esai 34:11

Dogəro gə nduru d’a kwa gə́ loo-si dee ləm, Kwɔi gə ga̰-ga̰ d’a si keneŋ ləm, D’a kila kúla-kwɔji-né gə́ wɔji dɔ loo-némeeko̰ keneŋ ləma, Nékwɔji-né gə́ ka̰ tuji loo a to keneŋ ləm tɔ.

Jeremi 15:6

Seḭ ubamje ya̰’mje, Njesigənea̰ pa bèe. Seḭ rəmje gogo. Nɛ neḛ n’ula ji neḛ ndiŋ gə́ dɔ sí’g Ndá n’tuji sí ne, Rɔ neḛ as neḛ dɔ koo kəmtondooje’g lə sí.

Nɔ̰-ndôo gə́ wɔji dɔ Jerusalem 2:8

Njesigənea̰ wɔji mée’g Mba tuji ndògo-bɔrɔ lə ŋgoma̰də gə́ Sio̰, Yeḛ wɔjee gə kúla Nɛ yeḛ ɔr jia keneŋ el saar Aree tuji lai-lai ya, Kəi-kaar-kɔgərɔje gə ndògo-bɔrɔje kara No̰-yoo ɓa taa loo keneŋ pəl-pəl Ar deḛ gə́ d’isi keneŋ kara D’isi gə kəmndooyoo tɔ.

Ojee 1:6

Gomer tel taa kèm tɔɓəi ndá oji ŋgon gə́ dené ndá Njesigənea̰ ula Ojee pana: Maji kari unda ria lə Lo-Ruhama (kɔr gelee pana: Yeḛ gə́ d’oo kəmtondoo ləa el) Mbata m’a koo kəmtondoo lə koso-dəwje gə́ Israɛl el ŋga ləm, M’a kar məəm ti mbidi dɔ dee’g el ŋga ləm tɔ.

Amɔs 7:7

Némḭdi gə́ raŋg gə́ yeḛ tɔjim am m’oo ɓa nee: Aa ooje, Mbaidɔmbaije aar tar dɔ ndògo-bɔrɔ’d gə́ d’wɔjee gə kúla ndá né-kwɔji-né to jia’g.

Amɔs 8:2

Yeḛ dəjim pana: Amɔs, see ɗi ɓa i oo wa. Ma m’pana: To karè gə́ kandə kagje gə́ ərə to keneŋ. Ndá Njesigənea̰ ulam pana: Ndəa lə koso-dəwje lə neḛ gə́ Israɛl lé rudee un ɗiao mba̰. N’a kar mee neḛ oso lemsé dɔ dee’g el.

Misee 7:18

See Ala gə́ raŋg gə́ njekar mée oso lemsé dɔ néra gə́ kori-kori’g ləm, Gə njekar mée wəi dɔ kaiyaje’g Le ges dəwje gə́ to nékea̰je ləm tɔ lé ɓa ra wa. Yeḛ ŋgəm oŋg ləa saar-saar gə no̰ el Mbata meekoso lemsé ɓa taa kəmee ya.

Jakari 4:10

Mbata deḛ gə́ d’ə̰ji ndɔ gə́ d’un kudu né lam ba bèe gə́ kḛji lé D’a ra rɔlel loo gə́ d’oo kúla-kwɔji-né ji Jorobabel’g ya. Pərndoje gə́ siri neelé ɔr gel kəm Njesigənea̰ gə́ un naŋg nee lad tɔ.

Jakari 4:2

Yeḛ dəjim pana: See ɗi ɓa m’oo wa. Ma m’ilá keneŋ pana: M’aa loo m’oo ndá aa oo, kag pərndɔ gə́ ra gə larlɔr ya lai gə́ kuée to dɔ’g ar pərndɔje siri to keneŋ ləm, kulaje gə́ ka̰ kunda pər ta’d gə́ aw un ubu gə́ wɔji dɔ pərndɔje lé as siri to dɔ kagee gə́ tar ləm tɔ.

Jakari 5:2

Kura gə́ dara dəjim pana: See ɗi ɓa m’oo wa. Ma m’ilá keneŋ pana: Ma m’oo maktub gə́ kə́ na̰’d mber-mber gə́ ḭ tar nar jərəŋ, ŋgalee as kəmkil dəw rɔ-joo ləm, tadee as kəmkil dəw dɔg ləm tɔ.