Amɔs 7:2 - Maktub gə́ To gə Kəmee

² Loo gə́ deḛ d’o̰ muje gə́ dɔ naŋg’d nee lai-lai lé ma m’pa pana: Mbaidɔmbaije gə́ Njesigənea̰, m’ra ndòo rɔi’g, ar məəi oso lemsé ɓòo ŋgaka Jakobje d’a si kəmba to gə́ ban wa. Mbata siŋga dee as el.

Amɔs 7:2 ပူးပေါင်းရင်းမြစ်များ

Pakɔsje 12:1

Pa lə Dabid gə́ ar bao-pa mba karee ɔs sə dee lé. D’ɔs gə kṵdu-kag gə́ kulaje jinaijoo.

Teḛ-Raga 10:15

Deḛ d’ɔn dɔ naŋg lai ndá dɔ naŋg to ne bigim, deḛ d’usɔ muje gə́ dɔ naŋg’d lai ləm, gə kandə kagje lai ləm tɔ, néje lai gə́ ndi kwɔji tuji kédé el lé, mee ɓee gə́ Ejiptə lai lé kam kag kára kara nai el ləm, mu kára kara nai el ləm tɔ.

Teḛ-Raga 34:9

Yeḛ pana: Mbaidɔmbaije, ɓó lé ma m’taa kəmi rəgm ndá ma m’ra ndòo rɔi’g mba kari orè sə sí rəw na̰’d més mbata dəwje neelé to njégwɔbkelkwɔije ya, ar məəi oso lemsé dɔ néra sí gə́ gə goo rəbee’g el ləm, gə dɔ kaiya ra síjeḛ’g ləm tɔ ndá wa sí gə́ rɔi’g gə́ nédɔjije ləi ya.

Esai 37:4

Banelə Njesigənea̰, Ala ləi oo taje gə́ Rabsake pa, yeḛ gə́ ɓéeje gə́ to mbai gə́ Asiri ulá aree pa ula ne sul dɔ Ala gə́ Njesikəmba’g lé ya. Banelə Njesigənea̰, Ala ləi a kar bo̰ nérea ɔs təa’g gə goo taje lai gə́ yeḛ oo lé. Bèe ndá maji kari ra tamaji mbata koso-dəwje ləa gə́ nai ya ɓəi.

Esai 51:19

Néje joo nee teḛ dɔ sí’g: Tuji gə kar ɓee tel to dɔ nduba ləm, Ɓoo-boo gə kiambas ləm tɔ. See na̰ ɓa a no̰ no̰ sí wa. See na̰ ɓa a gɔl meḛ sí wa.

Jeremi 14:7

Ɓó lé néraje gə́ kori-kori lə koso-dəwje lə sí D’ɔr ta d’ɔm dɔ sí’g kara Ǝi Njesigənea̰, maji kari ra né Mbata lə sí gə mbata lə rii. Mbata kaltaje lə sí bula yaa̰ ləm, Jeḛ n’raje kaiya j’ɔs ne ta ləi rəw ləm tɔ.

Jeremi 42:2

d’ula Jeremi, njetegginta pana: Maji kar ndòo raje lə sí taa kəmi rəgm ya. Ra mbai ta Njesigənea̰, Ala’g lé ləi mbata lə síjeḛ dəwje lai gə́ naije mbata jeḛ m’bula yaa̰ kédé nɛ jeḛ naije jebəre ba to gə́ i oo gə kəmi nee lé.

Ejekel 11:13

Loo gə́ m’aw m’tegginta ndá Pelatia, ŋgolə Benaja oso vad wəi. Ma m’oso rəb m’dəb kəm naŋg tɔɓəi m’ra né gə ndum wəl m’pana: Ai-i Mbaidɔmbaije gə́ Njesigənea̰ see i a kar ges Israɛlje gə́ nai lé d’udu guduru bèe ya wa.

Ejekel 9:8

Ma m’nai gə karm ba loo gə́ d’aw tɔl dee lé ndá m’oso m’dəb kəm naŋg m’ra ne wəl m’pana: Wai Mbaidɔmbaije gə́ Njesigənea̰, see i a tuji ges Israɛlje lai gə́ nai kɔm ne boo-oŋg ləi dɔ Jerusalem’g wa.

Loo gə́ killa rea kəm Daniel’g 9:19

Ǝi Mbaidɔmbaije, maji kari oo ya! Ǝi Mbaidɔmbaije, maji kari ar məəi ti mbidi! Ǝi Mbaidɔmbaije, ur mbii gèŋ! Ra né ɓó, tila gə tila el mbata meenoji ləi-i ya, əi Ala ləm! Mbata rii ɓar dɔ ɓee-boo’g lé ləm, ɓar dɔ koso-dəwje’g ləi ləm tɔ.

Joɛl 2:17

Maji kar njékinjanéməsje Gə́ to kuraje lə Njesigənea̰ lé D’aar mbuna loo-nékinjaməs gə gel jala’g lé Ra tamaji no̰ gə mán-no̰ kəm dee’g pana: Ǝi Njesigənea̰, maji kari aji koso-dəwje ləi! Maji kari ya̰ né gə́ to nédɔji ləi aree tel to nérɔkul Gə nékunda-kogo lə ginkoji dəwje gə raŋg el. Maji kari ya̰ loo mba kar gel ɓeeje lə dəwje-dəwje lé D’a pa ne pana: Ala lə dee lé see si ra ɓəi wa bèe el.

Amɔs 4:9

Neḛ n’ar néje lə sí wɔməs Gə wa moro ɗugugu-ɗugugu ləm, N’kunda sí gə yoo-koso gə́ nuŋga kəd-kəd ləm tɔ. Boo loo-kamnaḭje lə sí, gə nduúje lə sí, Gə kodéje lə sí, gə koiyoje lə sí lé Beedéje d’o̰ mbad-mbad. Nɛ lé togə́bè kara seḭ tel reeje rɔ neḛ’g el. Njesigənea̰ ɓa pa bèe.

Amɔs 7:5

Ma m’pa pana: Mbaidɔmbaije gə́ Njesigənea̰ m’ra ndòo rɔi’g, əw rɔi kɔgərɔ ya. See ŋgaka Jakobje d’a si kəmba to gə́ ban wa. Mbata siŋga dee as el.

Jakari 4:10

Mbata deḛ gə́ d’ə̰ji ndɔ gə́ d’un kudu né lam ba bèe gə́ kḛji lé D’a ra rɔlel loo gə́ d’oo kúla-kwɔji-né ji Jorobabel’g ya. Pərndoje gə́ siri neelé ɔr gel kəm Njesigənea̰ gə́ un naŋg nee lad tɔ.

Loo gə́ killa rea kəm Ja̰’g 9:4

D’ula beedéje neelé mba kar dee ra majel gə muje el ləm, əsé gə pudu néje el ləma, əsé gə kagje kara el ləm tɔ nɛ dəwje gə́ tɔs né ŋgono̰ dee’g gə nétorji Ala el lé ɓa d’a ra dee meeyèr ya.