Amɔs 7:17 - Maktub gə́ To gə Kəmee

¹⁷ Gelee gə́ nee ɓa, aa oo, ta gə́ Njesigənea̰ pa ɓa nee: Dené ləi a tel to gə́ kaiya-dené mee ɓee’g ləm, Ŋganije gə́ diŋgam gə njé gə́ dené lé D’a kwəi yoo-kiambas ləma, D’a kai ndɔ ləi gə kúla-kwɔji-né Kar njé gə́ raŋg ləm tɔ. I ya kara a kwəi dɔ naŋg gə́ mina̰’g Ndá d’a kwa Israɛlje dɔ naŋg’d lə dee Kaw sə dee gə́ ɓər Dɔ ɓee gə́ raŋg’d gə́ əw ya tɔ.

Amɔs 7:17 ပူးပေါင်းရင်းမြစ်များ

2 Mbaije 17:6

Loo gə́ ləb ko̰ɓee lə Ojee as jinaikara ndá mbai gə́ Asiri taa ɓee gə́ Samari, tɔɓəi yeḛ wa Israɛlje ɓər aw sə dee Asiri. Yeḛ ar dee d’isi Halah ləm, gə mbɔr Habor, baa gə́ Gosan’g ləma, gə mee ɓee-booje’g lə Medəje ləm tɔ.

Pakɔsje 78:55

Yeḛ tuba ginkoji dəwje gə raŋg no̰ dee’g Ya̰ ɓee lə dee kai dee gə́ nédɔji lə dee ləm, Yeḛ ar ginkoji Israɛlje lé d’isi mee kəi-kubuje’g lə dee ya ləm tɔ.

Esai 13:16

D’a kunda ŋgan deeje kəm dee’g ya vaga-vaga tɔl dee ləm, D’a buu mee kəije lə dee buu-buu ləma, D’a kur dɔ denéje’g lə dee ləm tɔ.

Esai 22:18

D’a nduburi naŋg to gə́ d’ula ne gəbərə ndao Kəm dɔ naŋg gə́ tad’g bèe, Lée neelé ɓa i a kwəi keneŋ ləm, Lée neelé ɓa pusu-rɔje ləi gə́ maji dum lé d’a to keneŋ ləm tɔ. Ǝi, i gə́ to nérɔkul lə kəi lə ɓéije lé!

Jeremi 14:16

Nɛ dəwje gə́ tegginta d’ar dee lé ɓoo-boo gə kiambas a kar dee to naŋg rib-rib mba̰-rəwje gə́ Jerusalem. Dəw kára kara a nai mba dubu dee-deḛ əsé denéje lə dee əsé ŋgan deeje gə́ diŋgam əsé njé gə́ dené lé el. Yee ɓa gə́ bo̰ néra majel lə dee gə́ n’a karee ɔs ta dee’g ya.

Jeremi 20:6

Tɔɓəi i Pasur gə njémeekəije ləi lai, seḭ a kawje ɓee-ɓər gə́ Babilɔn, ndá lée neelé ɓa i a kwəi keneŋ ndá d’a dubi keneŋ tɔ, i ləm gə baokuraje ləi lai gə́ i tegginta gə́ ŋgɔm ar dee lé ləm tɔ.

Jeremi 28:12

Nɛ gée gə́ gogo loo gə́ Hanania, njetegginta təd néməməna̰ gə́ gwɔb Jeremi, njetegginta’g lé mba̰ ndá Njesigənea̰ un ndia ar Jeremi gə rɔtaje nee pana:

Jeremi 28:16

Gelee gə́ bèe ɓa Njesigənea̰ pa ne togə́bè pana: Aa oo, neḛ n’tubai dɔ naŋg nee. I a kwəi mee ləb gə́ nee ya. Mbata tapaije ɔs ta lə Njesigənea̰ rəw.

Jeremi 29:21

Njesigənea̰ gə́ njeboo-néje gə́ to Ala lə Israɛlje lé pata togə́bè dɔ Ahab gə́ to ŋgolə Kolaja ləm, gə dɔ Sedesias gə́ to ŋgolə Maaséja ləm tɔ, deḛ gə́ teggin taŋgɔm gə rim d’ar sí lé m’pana: Aa ooje, ma m’uba dee m’ya̰ dee ji Nebukadnesar, mbai gə́ Babilɔn ndá yeḛ a kar dee tɔl dee kəm sí’g ya.

Jeremi 29:25

Njesigənea̰ gə́ njeboo-néje gə́ to Ala lə Israɛlje lé pa togə́bè pana: I ra maktub togə́bè gə rii ula ne ar koso-dəwje gə́ Jerusalem ləm, gə Soponi, ŋgolə Maaséja, njekinjanéməs ləma, gə njékinjanéməsje lai ləm tɔ pana:

Nɔ̰-ndôo gə́ wɔji dɔ Jerusalem 5:11

Deḛ d’ula sul dɔ denéje gə́ Sio̰ ləm, Gə dɔ ŋgama̰dje gə́ mee ɓee-booje gə́ Juda ləm tɔ.

Ejekel 4:13

Tɔɓəi Njesigənea̰ pana: Togə́bè ɓa Israɛlje d’a ko̰ ne muru lə deḛ gə́ mina̰ mbuna ginkoji dəwje gə raŋg gə́ n’a gə tuba dee kɔm dee keneŋ lé.

Ojee 9:3

D’a si mee ɓeeko̰’g lə Njesigənea̰ el, Eprayimje d’a tel kisi mee ɓee gə́ Ejiptə ləm, Nésɔje gə́ mina̰ ɓa d’a sɔ mee ɓee gə́ Asiri ləm tɔ.

Amɔs 6:7

Gelee gə́ nee ɓa, d’a kwa dee gə́ ɓər Kaw sə dee kédé no̰ mar deeje’g Ndá deḛ gə́ d’ya̰ rɔ dee yag dan mal néje gə́ ka̰ darɔ’g lé Ndu kii rɔlel lə dee a gaŋg ŋgəji.

Amɔs 7:11

Mbata aa ooje, ta gə́ Amɔs pa ɓa nee: Jeroboam lé a kwəi yoo-kiambas ləm, D’a kwa Israɛlje dɔ naŋg’d lə dee kaw sə dee gə́ ɓər Dɔ ɓee gə́ raŋg gə́ əw ya ləm tɔ.

Amɔs 8:1

Mbaidɔmbaije gə́ Njesigənea̰ tɔjim némḭdi gə́ nee am m’oo ya tɔɓəi. Aa oo, karè gə́ kandə kagje gə́ ərə to keneŋ.

Amɔs 9:1

Ma m’oo Mbaidɔmbaije gə́ aar tar mbɔr loo-nékinjaməs’g. Yeḛ pana: Maji kar dee kunda mburṵ dɔ gaji kagje gə́ tar kar no̰ tarəwkəije yə ləm, Maji kar dee təd dee dɔ dəwje’g lai ləm tɔ. N’a tuji ges deḛ gə́ nai gə kiambas. Dəw kára kara mbuna dee’g a kaskəm kaḭ kaji rəa el ləm, Dəw kára kara mbuna dee’g a teḛ kaḭ taa rəa el ləm tɔ.

Amɔs 9:8

Aa ooje, Mbaidɔmbaije gə́ Njesigənea̰ lé Kəmee to dɔ ɓeeko̰ gə́ ta wa dəa’g. N’a gə tujee pugudu Karee godo dɔ naŋg nee péd-péd ya, Nɛ lé bèe kara n’a tuji gel-bɔje lə Jakob bura el, Njesigənea̰ ɓa pa bèe.

Misee 1:16

Maji kar sí ndisaje dɔ sí ŋgori-ŋgori. Mbata lə ŋgan síje gə́ seḭ unda deeje dan kəm sí’g! Ndisaje dɔ sí ŋgori-ŋgori Areeje to asəna gə́ dɔ malje bèe Mbata d’isi d’aw sə dee gə́ ɓee-ɓər’d gə́ əw.

Jakari 14:2

Ma mbo̰ ginkoji dəwje gə raŋg lai Gə mba kar dee rɔ gə Jerusalem, D’a taa ɓee-boo ləm, d’a buu mee kəije buu-buu ləm, D’a kur dɔ denéje’g ləm tɔ, Ges dəwje gə́ mee ɓee-boo’g lé D’a kaw ɓər, Nɛ ges koso-dəwje gə́ nai lé D’a tuji deḛ lai mee ɓee-boo’g el.