Amɔs 7:14 - Maktub gə́ To gə Kəmee

¹⁴ Amɔs lé ila Amasia’g pana: Ma lé m’to njetegginta el ləm, m’to ŋgolə njetegginta el ləm tɔ. Nɛ ma m’to njekulbadje ləm, ma m’to njekḭja kandə ɓɔlje ləm tɔ.

Amɔs 7:14 ပူးပေါင်းရင်းမြစ်များ

1 Mbaije 19:19

Eli ḭ lée’g nee aw iŋga Elije, ŋgolə Sapat gə́ aar ndɔ-ndɔ. Maŋgje joo-joo loo dɔg-gir-dee-joo d’aw nea̰’g ndá yeḛ orè goo dee gə dee gə́ d’ɔm dee’g dɔg-gir-dee-joo lé tɔ. Eli aw pər gə́ rəa’g ndá yeḛ ila kubu ləa gə́ boi yul dəa’g.

1 Mbaije 20:35

Njetegginta kára mbuna mareeje’g ula njeboalookaw ləa gə goo torndu Njesigənea̰ pana: Maji kari undam tɔlm ya! Nɛ dəw neelé mbad kundá tɔlee.

2 Mbaije 2:15

Njéteggintaje gə́ d’isi Jeriko lé d’ée ŋgərəŋ ndá deḛ pana: Ndil Eli ɔm dɔ Elije’g. Deḛ d’ɔd daw tila kəmee, d’ɔs kəji dee naŋg nea̰’g tɔ.

2 Mbaije 2:3

Ges njéteggintaje gə́ d’isi Betel lé teḛ d’aw rɔ Elije’g d’ulá pana: See i gər to gə́ ɓogənè Njesigənea̰ a gə kun ɓéije kaw səa el wa. Yeḛ tel ila dee keneŋ pana: M’gər ya, nɛ arje ta sí to mundu.

2 Mbaije 2:5

Ges njéteggintaje gə́ d’isi Jeriko lé teḛ d’aw rɔ Elije’g d’ulá pana: See i gər to gə́ ɓogənè Njesigənea̰ a gə kun ɓéije kaw səa el wa. Yeḛ ilá dee keneŋ pana: M’gər ya nɛ arje ta sí to mundu.

2 Mbaije 2:7

Dəwje rɔ-mi mbuna njéteggintaje’g lé teḛ d’aar ŋgərəŋ d’wɔji dɔ Eli deḛ gə Elije gə́ d’aar dɔ koŋgo baa’d gə́ Jurdɛ̰ njoroŋ lé.

2 Mbaije 4:38

Elije tel aw Gilgal. Lée gə́ neelé ɓoo-boo oso keneŋ. Loo gə́ koso njéteggintaje d’isi nea̰’g ndá yeḛ ula kura ləa pana: Unda jo-muru gə́ boi pər’d ula ne lɔ-mḭji mbata lə koso njéteggintaje neelé.

2 Mbaije 6:1

Koso njéteggintaje d’ula Elije pana: Aa oo, loo gə́ j’isije keneŋ nɔḭ’g neelé tad as sí el.

2 Sôrta Gḭka Israɛlje 16:7

Mee ndəa’g neelé Hanani, njekoota-mee-Ala’g aw rɔ Asa, mbai gə́ Juda’g ulá pana: Mbata i nam kaar mbai gə́ Siri’g ɓa ɓó i nam kaar Njesigənea̰, Ala’g lé ləi el ndá gelee gə́ nee ɓa njérɔje lə mbai gə́ Siri teḛ ne jii’g d’aḭ ne gə mbəa.

2 Sôrta Gḭka Israɛlje 19:2

Jehu, ŋgolə Hanani, njetegginta aw aar nea̰’g ndá yeḛ ula mbai Josapat lé pana: Dəw gə́ njemeeyèr lé see kəm la səa əsé deḛ gə́ d’ə̰ji Njesigənea̰ bəḭ-bəḭ lé see kəm kunda dee dan kəmi’g wa. Gelee gə́ nee ɓa oŋg lə Njesigənea̰ ḭ ne səa pu dɔi’g gə mbəa.

2 Sôrta Gḭka Israɛlje 20:34

Ges sorta néraje lə Josapat lé njé gə́ kédé gə njé gə́ rudu lé ndaŋg mee maktub gə́ wɔji dɔ néra Jehu, ŋgolə Hanani gə́ to mbuna maktub’g lə mbaije gə́ Israɛl lé ya.

Maktub gə́ wɔji dɔ Jɔb 30:4

Deḛ tɔr muje gə́ uba mee bèmèje gə́ wala ləm, Ŋgira samje ɓa gə́ muru ko̰ dee ləm tɔ.

Amɔs 1:1

Taje lə Amɔs gə́ to yeḛ gə́ kára mbuna njékulbadje’d gə́ Tekoa lé. Némḭdije gə́ yeḛ oo wɔji dɔ Israɛl mee ndəa gə́ Ojias to ne mbai gə́ Juda ləm, Jeroboam, ŋgolə Joas to ne mbai gə́ Israɛl ləm tɔ lé ləb joo ɓad ɓa kar naŋg yə ɓəi lé.

Amɔs 3:8

Toboḭ no̰ ndá see na̰ ɓa a ɓəl el wa. Mbaidɔmbaije gə́ Njesigənea̰ ɓa pata Ndá see na̰ ɓa a lal tegginee wa.

Jakari 13:5

Nana kara mbuna dee’g a pana: Neḛ n’to njetegginta el, neḛ n’to njendɔ-ndɔ mbata neḛ ndogo ndɔ lə neḛ gə kas neḛ ba.

1 Njé gə́ Kɔrḭtə 1:27

Ala mbər néje gə́ gə mḭdé ba gə́ dɔ naŋg nee mba yə ne njékəmkàrje ləm, Ala mbər néje gə́ d’unda ndolè dɔ naŋg nee mba yə ne njésiŋgamoŋje ləm tɔ.

1 Samel 10:11

Deḛ lai gə́ gəree kédé lé loo gə́ d’oo to gə́ yeḛ aar tegginta gə njéteggintaje na̰’d ndá deḛ d’ula na̰ ta gə́ yo gə́ nee mbuna koso-dəwje’g pana: See ɗi ɓa ra ŋgolə Kis lé wa. See Sawul kara to gə́ mbuna njéteggintaje’g ya to wa.