Amɔs 7:12 - Maktub gə́ To gə Kəmee

¹² Tɔɓəi Amasia ula Amɔs pana: I njekoo né gə́ mḭdi lé uba naŋg ḭ aḭ aw ɓee lə Juda. Lée neelé ɓa i a sɔ né keneŋ ləm, i a tegginta keneŋ ya ləm tɔ.

Amɔs 7:12 ပူးပေါင်းရင်းမြစ်များ

2 Sôrta Gḭka Israɛlje 16:10

Mee Asa ḭ səa pu dɔ njekoota-mee-Ala’g ndá yeḛ wá ilá daŋgai’g mbata mée ea̰ dəa’g. Tɔɓəi mee ndəaje gən ya Asa ula kəm dəwje gə́ na̰je ndòo yaa̰ tɔ.

Esai 30:10

Deḛ d’ula njénékooje pana: Maji kar sí toje njénékooje el! Tɔɓəi d’ula njéteggintaje pana: Tegje gintaje gə́ tɔgərɔ ar síje el tɔ. Nɛ taje gə́ ka̰ su kəm loo ɓa ula síje ləm, Tegje gintaje gə́ rii ar síje ləm tɔ!

Esai 56:11

Deḛ lé to gə́ bisije gə́ mal sɔ né ra dee Nɛ nésɔ as dee el, Deḛ to gə́ njékulbadje gə́ gər né kára el, Deḛ lai njaa goo torndu dee-deḛ’g ya, Ar nana kara ra né gə mba kiŋga ne né Gə́ wɔji dəa-dəa ya goo kára ba kiao.

Ejekel 13:19

Seḭ ulaje sul dɔ neḛ’g rɔ koso-dəwje’g ləm, tɔlje ne dəwje gə́ kəm kar dee d’wəi el ɓəi ləm, nɛ ya̰je dəwje gə́ kəm kar dee d’isi kəmba el lé kəmba ləm tɔ mba kiŋga ne nduji kó-blé as ŋgo ji dəwje ləm, gə goŋ muruje ba ya ləm tɔ. Bèe ɓa seḭ ərje ne kəm koso-dəwje lə neḛ ar deeje tuga ne mbi dee gə́ dɔ taŋgɔm’g.

Amɔs 2:12

Nɛ seḭ lé seḭ arje deḛ gə́ saŋg rɔ dee D’unda rɔ dee gə kəmee lé D’ai mán-nduú gə́ mi ləm, Seḭ unje ndu sí arje njéteggintaje pajena: Seḭ a tegje ginta el ləm tɔ!

Amɔs 7:11

Mbata aa ooje, ta gə́ Amɔs pa ɓa nee: Jeroboam lé a kwəi yoo-kiambas ləm, D’a kwa Israɛlje dɔ naŋg’d lə dee kaw sə dee gə́ ɓər Dɔ ɓee gə́ raŋg gə́ əw ya ləm tɔ.

Malasi 1:10

See na̰ ɓa mbuna sí’g a kudu tarəwje mba kɔg sí kar sí yelje pər loo-nékinjaməs’g ləm wa. Ma m’iŋga rɔlel kára kara rɔ sí’g el, Njesigənea̰ gə́ njeboo-néje lé pa bèe. Nékarje gə́ to ji sí’g kara taa kəm el ŋga.

Matiyo 8:34

Léegəneeya njéɓeeje teḛ digi-digi d’aw no̰ Jeju’g ra ndòo rəa’g mba karee ya̰ ɓee lə dee.

Lugu 13:31

Mee ndəa neelé nja Parisiḛje gə́ na̰je ree rəa’g d’ulá pana: Ɔd loo gə́ nee’g aw mbata Herɔdə saŋg rəw gə mba tɔli.

Néra Njékaḭkulaje 16:39

Deḛ ree gɔl meḛ dee ɓa d’ɔm dee ne tar ɓəi tɔɓəi deḛ ra ndòo rɔ dee’g mba kar dee d’ɔd d’aw d’ya̰ ɓee lə dee.

Njé gə́ Rɔmə 16:18

Mbata dəwje neelé ra kula gə́ wɔji dɔ meḛ dee-deḛ ɓó deḛ ra kula gə mba kar Mbaidɔmbaije lə sí lé el. Ta gə́ rii ləm gə ta lèbè ne kəm dəwje ləm tɔ ɓa deḛ pəl ne meḛ njémeekwɔilɔje.

1 Njé gə́ Kɔrḭtə 2:14

Dəw gə́ ə̰ji néje gə́ ka̰ dakasrɔ mée’g ndá a taa néje gə́ ka̰ Ndil Ala lé el, to némbə kəmee’g. Yeḛ askəm gər el mbata dəw gə́ Ndil Ala to mée’g ɓa askəm gər gelee ɓəi.

1 Piɛrə 5:2

Ulje badə-kosoje lə Ala gə́ yeḛ ɔm dee ji sí’g, ḭje gə meḛ sí raje to gə́ mee Ala wɔji lé ɓó arje dəw njaŋg sí keneŋ el, raje gə meenda ɓó raje gə meekas gə mba kiŋga ne né ji dəwje’g korè gə ji meeyèr el.

1 Samel 2:36

Nana ɓa gə́ nai mee kəi’g ləi ndá a ree kɔs kəjee naŋg nea̰’g ɓa gə́ mba taa ne ŋgon larnda əsé goŋ muru, tɔɓəi a pana: M’ra ndòo rɔi’g mba kari am kula mee kəi nékinjaməs’g mba kam m’iŋga ne goŋ muru m’o̰ ya.

1 Samel 9:9

Kédé gə́ ləw mee ɓee gə́ Israɛl lé loo gə́ dəw a gə kaw dəji Ala ta ndá deḛ pana: Reeje ar sí j’awje rɔ njenékoo’g! Mbata dəw gə́ ɓaree njetegginta ɓogənè lé kédé deḛ ɓaree njenékoo ya.